ლევერკუზენი – გვერდი 2 – Fanebi.Com – ფეხბურთი, კალათბურთი, რაგბი, სხვა

ოფიციალურად: ჩიჩარიტო “ლევერკუზენის” ფეხბურთელია

Posted on აგვისტო 31, 2015აგვისტო 31, 2015 by -

“მანჩესტერ იუნაიტედისა” და მადრიდის “რეალის” ყოფილი თავდამსხმელი ხავიერ ერნანდესი ამიერიდან “ლვერკუზენის” ღირსებას დაიცავს.

როგორც სოციალურ ქსელ Twitter-ში ლევერკუზენელთა ოფიციალური გვერდი იუწყება, მექსიკელმა ფეხბურთელმა კლუბთან კონტრაქტი 2018 წლამდე გააფორმა.

შეგახსენებთ, რომ ჩიჩარიტო “მანჩესტერ იუნაიტედში” 2010 წელს მექსიკური “გვადალახარადან” გადავიდა, 2014-15 წლების სეზონში ერნანდესი მადრიდის “რეალში” გაანათხოვრეს, ზაფხულში კი ისევ მანჩესტერელებს დაუბრუნდა.

#Chicharito kommt von @ManUtd und unterschreibt bei der #Werkself bis 2018 || @CH14_ joins #Bayer04 until 2018! pic.twitter.com/j8PFjBcCvT

— Bayer 04 Leverkusen (@bayer04fussball) August 31, 2015

ჰაკან ჩალჰანოღლუმ “ჰანოვერს” ჯარიმიდან გაუტანა (ვიდეო)

Posted on აგვისტო 22, 2015აგვისტო 22, 2015 by -

22 აგვისტოს, გერმანიის ბუნდესლიგაში, “ჰანოვერმა” საკუთარ მოედანზე ლევერკუზენის “ბაიერნი” მიიღო.

შეხვედრაში ანგარიში მე-18 წუთზე გაიხსნა. “ჰანოვერის” კარში საჯარიმო დარტყმით ლამაზი გოლი ჰაკან ჩალჰანოღლუმ გაიტანა.

ჰაკან ჩალჰანოღლუ “ლაციოს” ოთხი ფეხბურთელის წინააღმდეგ (ვიდეო)

Posted on აგვისტო 20, 2015აგვისტო 19, 2015 by -

18 აგვისტოს, ჩემპიონთა ლიგის გათამაშებაში, “ლაციოსა” და “ლევერკუზენს” შორის გამართულ მატჩში (1:0), ჰაკან ჩალჰანოღლუმ მეტოქე გუნდის ოთხი ფეხბურთელი ასე ჩამოიშორა.

ლევერკუზენელებმა პაპადოპულოსი გამოისყიდეს

Posted on ივნისი 7, 2015 by Levan

კირიაკოს პაპადოპულოსი მომდევნო სეზონშიც “ლევერკუზენის” ღირსებას დაიცავს. შეგახსენებთ, რომ მოთამაშე ლევერკუზენელთა ღირსებას იჯარის წესით იცავდა, მისი სატრანსფერო უფლებები კი “შალკეს” ეკუთვნოდა.

“ლევერკუზენის” ოფიციალური ვებგვერდის ცნობით გუნდებმა მოთამაშის სატრანსფერო ფასზე მოილაპარაკეს და 30 ივნისს პაპადოპულოსი კონტრაქტს 2020 წალმდე გააფორმებს.

“პაპადოპულოსმა დასრულებულ სეზონში დაამტკიცა, რომ საიმედო ცენტრალური მცველია. ის მხოლოდ 23 წლისაა, მაგრამ უკვე დიდი გამოცდილება აქვს” – განაცხადა რუდი ფიოლერმა.

„ლევერკუზენმა“ „გლადბახთან“ 0:3 დათმო

Posted on მაისი 9, 2015 by Alix

გერმანიის ბუნდესლიგის 32-ე ტურის ერთ-ერთ მნიშვნელოვან შეხვედრაში მიუნხენგლადბახის „ბორუსიამ“ ლევერკუზენის „ბაიერი“ მიიღო. ამ ტურის წინ მასპინძლები მეტოქეს ორი ქულით სუწრებდნენ, „ბაიერი“ კი მოგების შემთხვევაში „ბორუსიას“ არამხოლოდ გაუსწრებდა, არამედ სამეულშიც შევიდოდა.

პირველი ნახევრარი უგოლოდ დასრულდა, მეორე ტაიმში კი მიუნხენგლადბახელებმა ლევერკუზენელებს შანსი არ დაუტოვეს. 50-ე წუთზე ანგარიში მაქს კრუსემ გახსნა. 81-ე წუთამდე მასპინძლები მნიმალური სხვაობით იგებდნენ, რის შემდეგაც მათი უპირატესობა პატრიკ ჰერმანმა გაზარდა. შვიდ წუთში კი წერტილი იბრაჰიმ ტრაორემ დასვა – 3:0.

საბოლოოდ, მიუნხენგლადბახელებმა ამ გამარჯვებით 63 ქულა დააგროვეს და მინიმუმ ხვალამდე მეორე ადგილზე ავიდნენ.

„ბორუსია“ – „ბაიერი“ 3:0

“ლევერკუზენმა” სპაჰიჩს კონტრაქტი სტიუარდის შეურაცხყოფის გამო გაუწყვიტა (ვიდეო)

Posted on აპრილი 12, 2015 by ბექა დოგრაშვილი

ლევერკუზენის “ბაიერმა” კლუბის მცველ ემირ სპაჰიჩთან კონტრაქტი გაწყვიტა. 34 წლის ბოსნიელმა ფეხბურთელმა გერმანიის თასის მეოთხედფინალურ ეტაპზე მიუნხენის “ბაიერნის” წინაარმდეგ გამართული მატჩის (0:0 პენ. 3:5) შემდეგ სტადიონის სტიუარდს ფიზიკური შეურაცხყოფა მიაყენა. სპაჰიჩს კონტრაქტი 2016 წლის 30 ივნისს ეწურებოდა, თუმცა კლუბმა შრომითი ხელშეკრულების ვადამდე ადრე გაწყვეტის გადაწყვეტილება მიიღო.

“სპაჰიჩი გამოჩენილი ფეხბურთელია, რომელიც გუნდს დიდად დაეხმარა, თუმცა ამ ინციდენტმა არჩევანი არ დაგვიტოვა. ვიდეოფაილების ნახვის შემდეგ შოკირებულნი და იმედგაცრუებულნი ვიყავით. გამოძიებას ვერ დაველოდებოდით. ჩვენ კონტრაქტის გაწყვეტა გადავწყვიტეთ. ეს ერთობლივი გადაწყვეტილებაა. ემირმა მომხდარის გამო სინანული გამოთქვა. მას მომავალში წარმატებებს ვუსურვებთ”, – განაცხადა “ბაიერის” გენერალურმა დირექტორმა მიხაელ შადემ.

“შალკე” “ლევერკუზენთან” დამარცხდა

Posted on მარტი 22, 2015 by Levan

გერმანული ბუნდესლიგის 26-ე ტურში გელზენკირხენის “შალკემ” ლევერკუზენის “ბიაერს” უმასპინლა.

შეხვედრა სტუმართა მინიმალური გამარჯვებით, 0:1 დასრულდა. მატჩის ბედი 35-ე წუთზე გატანილმა გოლმა გადაწყვიტა, რომლის ავტორიც 35-ე წუთზე ბელარაბი გახდა.

ამ გამარჯვებით ლევერკუზენელებმა 45 ქულა დააგროვეს და მესამე პოზიციაზე გადავიდნენ, “შალკე” კი 39-ით მეხუთეზე დარჩა.

ჩალჰანოღლუ: “დავამტკიცეთ, რომ ჩემპიონთა ლიგაზე ნებისმიერი გუნდის წინააღმდეგ შეგვიძლია თამაში”

Posted on თებერვალი 26, 2015 by საბა

“ატლეტიკოს” კარში გამარჯვების გოლის ავტორმა, ჰაკან ჩალჰანოღლუმ გუშინდელ შეხვედრაზე ისაუბრა.

ჩემპიონთა ლიგის 1/8 ფინალურ შეხვედრაში, “ლევერკუზენმა” “ატლეტიკო” მინიმალური ანგარიშით, 1-0 დაამარცხა.

“ჩვენ დავამტკიცეთ, რომ ჩემპიონთა ლიგაზე ნებისმიერი მეტოქის წინააღმდეგ წარმატებული ასპარეზობა შეგვიძლია. თუ ყველა მატჩში ასე გავაგრძელებთ, წინსვლის ბრწყინვალე შანსი გვაქვს”.

“მიზანი ჩემპიონთა ლიგაზე? – ჩვენი მიზანი რაც შეიძლება წინ წასვლაა,”-დაასრულა თურქმა ფეხბურთელმა.

შმიდტი: “ბაიერმა დამსახურებულად მოიგო”

Posted on თებერვალი 26, 2015 by საბა

ლევერკუზენის “ბაიერის” მთავარმა მწვრთნელმა, როგერ შმიდტმა გუშინდელი მატჩი შეაფასა.

“კმაყოფილები ვართ. ჩემმა გუნდმა პირველივე წუთებიდან აჩვენა, რომ ნებისმიერ მეტოქესთან გამკლავება შეუძლია და ამ ტურნირზე დარჩენა ძალუძს. “ატლეტიკო” რთული მეტოქე იყო, მაგრამ კარგი თამაშის ხარჯზე ყველაფერი კარგად გამოგვივიდა”.

“მეტოქე მუდმივ ზეწოლაში გვყავდა მთელი მატჩის განმავლობაში. ბიჭებმა ყველაფერი უმაღლეს დონეზე გააკეთეს, ეს ძალიან მნიშვნელოვანია. პუბლიკას ვაჩვენეთ, რომ სწრაფი ფეხბურთის მიმდევრები ვართ. შრომისა და სწორი გადაწყვეტილებების ხარჯზე, დამსახურებული გამარჯვება მოვიპოვეთ”.

“ჩემპონთა ლიგაზე დაბრუნებას მოუთმენლად ველოდით, ეს დიდი ტურნირია. ამჟამად ჩვენი მთავარი მიზანი მეოთხედფინალში გასვლაა,”-განაცხადა შმიდტმა.

სიმეონე: “გარკვეულწილად, შედეგით კმაყოფილი ვარ”

Posted on თებერვალი 26, 2015 by საბა

მადრიდის “ატლეტიკოს” მთავარმა მწვრთნელმა, დიეგო სიმეონემ “ლევერკუზენთან” განცდილი მარცხი შეაფასა.

შეგახსენებთ, რომ “ლეიბებმა” მატჩი “ფარმაცევტებთან” მინიმალური ანგარიშით, 1-0 წააგეს.

“ძალიან უცნაური დამთხვევაა ის, რომ ორივე გუნდს გოლის გატანის ბევრი შანსი გვქონდა. მეორე ტაიმში შანსები თანაბრად იყო. ალბათ, გარკვეულწილად, შედეგით კმაყოფილი ვარ. სამწუხაროა, რომ პირველ ტაიმში ორი იძულებითი ცვლილების გაკეთება მომიხდა. სხვათაშორის, “ბაიერისა” და ჩემი გუნდის სათამაშო სტილი ძალიან ჰგავს ერთმანეთს,”-განაცხადა სიმეონემ.

“მეტოქემ გოლის მომენტში ერთი უბრალო შეტევა განახორციელა, რომელიც დაცვის უყურადღებობის გამო გოლად იქცა. გამარჯვებული გუნდის ვინაობაზე საუბარი ჯერ ადრეა, მეორე მატჩისთვის “ლევერკუზენს” ძალიან უმნიშვნელო უპირატესობა აქვს”.

სიმეონე: “ატლეტიკოს” “ბაიერთან” ფავორიტად არ ვთვლი”

Posted on თებერვალი 25, 2015 by ბექა დოგრაშვილი

დღეს უეფას ჩემპიონთა ლიგის მერვედფინალური ეტაპის მორიგი სათამაშო დღეა. ლევერკუზენში ადგილობრივ “ბაიერს” მადრიდის “ატლეტიკო” ესტუმრება. ესპანური გუნდის მთავარი მწვრთნელი დიეგო სიმეონე ამბობს, რომ წყვილში “ატლეტიკოს” ფავორიტად არ მიიჩნევს.

“ჩვენთვის მეტად მნიშვნელოვანი დაპირისპირება გველის. ჩვენ არამხოლოდ თამაში, არამედ ბურთიც უნდა ვაკონტროლოთ, თუმცა სიფრთხილეც გვმართებს, რადგან შესაძლოა, “ბაიერმა” ბურთის ასართმევად პრესინგს მიმართოს. ჩვენი მეტოქე კარგად დაბალანსებულია, კარგი ფეხბურთელები და კარგი მწვრთნელი ჰყავს.

“ატლეტიკო” მშვენიერ ფორმაშია და ენთუზიაზმით სავსეა. მნიშვნელოვანი მატჩია და გუნდურად უნდა ვიმოქმედოთ. არ ვფიქრობ, რომ ჩვენ ამ წყვილში ფავორიტები ვართ. მატჩი ანგარიშით 0:0 იწყება და ყველაფერი შეიძლება, მოხდეს”, – სიმეონეს კომენტარი უეფას ოფიციალურ ვებგვერდზე გამოქვეყნდა.

მატჩი “ბაიერსა” და “ატლეტიკოს” შორის დღეს, თბილისის დროით 23:45 საათზე დაიწყება და მას პაველ კრალოვეცის ხელმძღვანელობით ჩეხ მსაჯთა ბრიგადა მოემსახურება.

ფიოლერი: “ლევერკუზენი შმიდტს ენდობა”

Posted on თებერვალი 23, 2015 by Levan

ლევერკუზენის “ბაიერის” ხელმძღავანელობა კლუბის მთავარ მწვრთნელ როჯერ შმიდტს მხარდაჭერას უცხოდებს. ამის შესახებ განცხადება ლევერკუზენელთა სპორტულმა დირექტორმა, რუდი ფიოლერმა გააკეთა.

“ჩვენს ფეხბურთელებს და პირველ რიგში მთავარ მწვრთნელ სრულ ნდობას ვუცხადებთ. შმიდტი ამ თანაბდებობაზე უსაფუძვლოდ არ მოგვიწვევია. ჩვენი მიზნების მიღწევა მწვრთნელის დახმარებით გვსურს. ძალიან მნიშვნელოვანია, რომ ევროზონაში შევძლოთ მოხვედრა. სამწუხაროდ, ფრეების გამო ბევრი ქულა დავკარგეთ” – განაცხადა ფიოლერმა.