ჭდე: ლივერპული

მერსესაიდის “ლივერპულის” მთავარმა მწვრთნელმა, იურგენ კლოპმა ჩემპიონთა ლიგის ნახევარფინალში გასვლის შემდეგ (“მანჩესტერ სიტი” 1-5 “ლივერპული” საერთო ჯამში), პრესასთან ისაუბრა.

“ძალიან რთული იყო ასეთი შედეგის დაფიქსირება, განსაკუთრებით თუ მატჩის სტარტს გავითვალისწინებთ. საჩუქარი გავუკეთეთ მეტოქეს, გოლი მივართვით. მაგრამ უნდა აღვნიშნო, რომ გაშვებული გოლის შემდეგ გუნდის რეაგირება ძალიან რელევანტური იყო.

“სიტიმ” ყველაფერი გარისკა, ყოველი ღონე იხმარა, მაგრამ არ გაუმართლა. სიმართლე გითხრათ, პირველი ტაიმის ბოლოს არც ისე ბედნიერი ვიყავი შედეგით.

“სიტის” 2-3 გოლის გატანა შეეძლო პირველ ტაიმში, მაგრამ ჩვენც გვქონდა კონტრიერიშების შანსები. საუკეთესო თამაში არ გვიჩვენებია, მაგრამ, საბედნიეროდ, ეს საკმარისი აღმოჩნდა,” – აცხადებს გერმანელი სპეციალისტი.

“მანჩესტერ სიტისთან” “ენფილდზე” მოპოვებული უდიდესი უპირატესობის მიუხედავად (3:0), იურგენ კლოპი თვლის, რომ “ლივერპული” ჯერ ჩემპიონთა ლიგის ნახევარფინალში არ გასულა და ყურადღებით უნდა იყოს.

“არა, “სიტი” გაუნებელყოფილი სულაც არ არის. გადაწყვეტილი ჯერ არაფერია, მათ ჩვენი გაგდება შეუძლიათ. გაიხსენეთ, როდესაც 5-0 წავაგეთ “მანჩესტერ სიტისთან” ექტემბერში, ყველამ დაინახა, თუ რა შეუძლია ამ კლუბს, თუმცა ათი კაცით ვთამაშობდით.

ყველამ ძალიან კარგად ვიცით, თუ რას წარმოადგენს პეპი, ის მსოფლიოს საუკეთესო მწვრთნელია. მაგრამ ფაქტია, რომ ფეხბურთში სრულყოფილი კლუბი არ არსებობს – არის ცუდი და კარგი პერიოდები.

ცუდი პერიოდი ყველა კლუბს აქვს – ნამდვილად არ ვფიქრობ, რომ “ბარსელონა” მოსვენებულია და თვლის, რომ უკვე გასულია შემდეგ ეტაპზე. ჯერ გადაწყვეტილი არაფერია,” – აცხადებს გერმანელი სპეციალისტი.