ბრაზილიის ნაკრების მთავარმა მწვრთნელმა ლუის ფელიპე სკოლარიმ კოლუმბიასთან მატჩი შემდეგ საკუთარი გუნდის გასახდელში შექმნილ ვითარებაზე ისაუბრა.
“მატჩის შემდეგ, გასახდელში ნეიმარმა მითხრა, რომ ფეხებს ვერ გრძნობდა. მარსელოს შეეშინდა და ექიმს დაუძახა, მაგრამ ის ხალხმრავლობის გამო დროულად ვერ მოვიდა.
როდესაც ნეიმარი ვერტმფრენისკენ მიყავდათ ის ცრემლებს ვერ იკავებდა… საშინელი სანახაობა იყო” – განაცხადა ბრაზილიელთა მთავარმა მწვრთნელმა.
ბრაზილიის ნაკრების მთავარმა მწვრთნელმა ლუის ფელიპე სკოლარიმ ახსნა, თუ რატომ ითამაშა „ბარსელონას“ თავდამსხმელმა ნეიმარმა პანამასთან ანგარიშით 4:0 მოგებულ ამხანაგურ მატჩში მთელი 90 წუთის განმავლობაში.
სკოლარის თქმით, ნეიმარს სათამაშო რითმი აკლია. თავად ფეხბურთელმა კი ერთ-ერთ ბრაზილიურ ტელეარხთან საუბრისას აღნიშნა, რომ მუნდიალის დაწყებისთვის საჭირო ფორმაში იქნება.
შეგახსენებთ, რომ ფეხის ტრავმის გამო სამხრეთ ამერიკელმა დაახლოებით ერთი თვის განმავლობაში ვერ ითამაშა და მოედანზე მხოლოდ ესპანეთის პრიმერა დივიზონის ბოლო ტურის მატჩში დაბრუნდა.
ალექსანდრე მატევოსოვი
ბრაზილიის ნაკრების მთავარმა მწვრთნელმა ლუის ფელიპე სკოლარიმ აღიარა, რომ მსოფლიოს ჩემპიონატისთვის „ატლეტიკოს“ თავდამსხმელის დიეგო კოსტას გამოძახებისთვის მზად იყო. ამის მიუხედავად, ფორვარდმა ესპანეთის ნაკრებში თამაში ამჯობინა.
„კოსტას მუნდიალზე გამოძახებას ვაპირებდი. იგი 2014 წლის მსოფლიოს ჩემპიონატზე ჩვენი გუნდის მაისურით 100%-თ ითამაშებდა. მას აღნიშნულ თემაზე ორჯერ ვესაუბრე. პრობლემა იმაში მდგომარეობს, რომ პირველ ადგილზე მან სხვა ინტერესები დააყენა“, – განაცხადა ფეხბურთის ბრაზილიელმა სპეციალისტმა.
ალექსანდრე მატევოსოვი
ბრაზილიის ნაკრების მწვრთნელმა ლუის ფელიპე სკოლარიმ იმ მოთამაშეთა სია გამოაქვეყნა, რომლებიც საშინაო მუნდიალზე მიიღებენ მონაწილეობას.
მეკარეები: ჯეფერსონი, ვიქტორი, ჟულიო სეზარი
მცველები: დანტე, დავიდ ლუისი, ტიაგო სილვა, ენრიკე, დანი ალვესი, მაიკონი, მარსელო, მაქსველი.
ნახევარმცველები: რამირესი, ფერნანდინიო, ერნანესი, პაულინიო, ვილიანი, ლუის გუსტავო, ოსკარი, ბერნარდი.
თავდამსხმელები: ჰალკი, ფრედი, ნეიმარი, ჟო.
23 მოთამშიდან ბრაზილიის ეროვნულ ჩემპიონატს მხოლოდ 4 წარმოადგენს: ჯეფერსონი, ვიქტორი, ფრედი და ჟო.
”ქუინს პარკ რეინჯერსის” მეკარე ჟულიო სეზარი ბრაზილიის ეროვნული ნაკრების მთავარი მწვრთვნელის ლუის ფელიპე სკოლარის განცხადებას გამოეხმაურა.
”სკოლარის განცხადება ჩემთვის მოულოდნელი გახდა. მან კვლავ დამიცვა. სატრანსფერო ფანჯრის დროს შექმნილი გაუგებრობის შემდეგ, მე ქპს-ს ძირითად შემადგენლობაში უნდა შევინარჩუნო ადგილი. შემდეგი რვა თვის განმალობაში შესანიშნავად უნდა ვითამაშო, რათა მუნდიალზე მოვხვდე”, – განაცხადა სეზარმა.
შეგახსენებთ, რომ გუშინ, სამხრეთ ამერიკელთა თავკაცმა განაცხადა, რომ სეზარი ნაკრებში ადგილს იმ შემთხვევაშიც მიიღებს, თუ თავისი კლუბის შემადგენლობაში იშვიათად მოხვდება.
ალექსანდრე მატევოსოვი
