ჭდე: Luka Modric

2018 წლის მსოფლიოს ჩემპიონატის საკვალიფიკაციო ეტაპზე ხორვატიისა და კოსოვოს ნაკრებთა შორის გამართული მატჩის შემდეგ მასპინძელთა ნახევარმცველმა ლუკა მოდრიჩმა ფიფას პოლიტიკა გააკრიტიკა. აღნიშნული შეხვედრა შაბათს იყო ჩანიშნული, თუმცა უამინდობის გამო მატჩის ჩატარება სხვა დღისთვის გადაიდო, მოგვიანებით კი ცნობილი გახდა, რომ თამაში კვირას გაიმართებოდა.

“მომხდარმა ჩვენზე უარყოფითი გავლენა იქონია. შაბათ საღამოს გვითხეს, რომ მატჩი სხვა დღეს ჩატარდებოდა და საძანიბელად ჩვეულებრივზე ორი-სამი საათით გვიან დავწექით. მოგვიანებით გადაწყვიტეს, რომ შეხვედრა კვირას ჩაეტარებინათ და დღეს ისე გავიღვიძეთ, თავი ჯარში გვეგონა.

მნიშვნელოვანი მატჩისთვის მზადების პროცესი სრულად დაირღვა. ფიფამ გვიჩვევენა, რომ ფეხბურთელების მდგომარეობა არ აინტერესებს. მათთვის მთავარია, რომ შეხვედრა გაიმართოს. გარდა ამისა, ასეთ მოედანზე თამაში ძალიან სახიფათო იყო, თუმცა მათ არ ადარდებთ, მივიღებთ თუ არა ტრავმას მინდორზე”, – მოდრიჩის კომენტარი “მარკამ” გამოაქვეყნა.

მატჩი ხორვატიის ნაკრების გამარჯვებით, ანგარიშით 1:0 დასრულდა.

მადრიდის “რეალის” ნახევარმცველ ლუკა მოდრიჩს სერიოზული პრობლემები აქვს.

ხორვატიის ნაკრების ქომაგების ნაწილი მისთვის კაპიტნის სამკლავურის ჩამორთმევას მოითხოვს. საქმე იმაში გახლავთ, რომ მოდრიჩი ზაგრების “დინამოს” ყოფილ პრეზიდენტ ზდრავკო მამიჩს მიემხრო, რომელიც თაღლითობასა და კლუბის საკუთრებაში არსებული 20 მილიონი ევროს გაფლანგვაშია ბრალდებული.

ლუკა მოდრიჩი ბრალდების ერთ-ერთი მოწმე უნდა ყოფილიყო, მაგრამ მან მამიჩის სასარგებლო ჩვენება მისცა, რამაც ხორვატი ფანების დიდი ნაწილი აღაშფოთა. ბრალდების თანახმად, 2008 წელს ზდრავკო მამიჩმა მოდრიჩი “ტოტენჰემ ჰოთსპურში” გაყიდა, ტრანსფერისგან მიღებული თანხის ნაწილი კი უკანონოდ მიითვისა.

ხორვატი ქომაგების დიდი ნაწილი ლუკა მოდრიჩის პოზიციით იმდენად აღშფოთებულნი არიან, რომ მას “მამიჩის მეძავსაც” კი უწოდებენ. ფეხბურთელის მისამართით მუქარის შემცველი განცხადებებიც კეთდება.