“მანჩესტერ სიტის” ხელმძღვანელები კმაყოფილნი არიან პეპ გვარდიოლას მიერ მანჩესტერულ გრანდში გაკეთებული საქმით და მასთან ახალი ხელშეკრულების გაფორმების საჭიროებას ხედავენ.
როგორც იცით, “ბარსელონასა” და “ბაიერნის” ყოფილ თავკაცს ინგლისური კლუბი 2016 წელს ჩააბარეს. პეპმა თავისი პირველი ტიტული “ქალაქელთა” თავკაცის რანგში გასულ კვირას გაიფორმა.
“მანჩესტერ სიტისა” და გვარდიოლას შორის არსებულ ამჟამინდელ კონტრაქტს ვადა მომავალი სეზონის ბოლოს ამოეწურება. მიმდინარე კონტრაქტის მიხედვით პეპი გუნდისგან 15 მილიონ ფუნტს იღებს ხელფასის სახით ყოველწლიურად.
გეტყვით იმასაც, რომ პეპ გვარდიოლა ყოველთვის ამბობდა, რომ ერთი გუნდისთვის სურდა თავისი კარიერის მიძღვნა. ასე რომ, დიდი ალბათობით, პეპი ახალი კონტრაქტის გაფორმებაზე თანხმობას განაცხადებს.
