22 აპრილს, ჩემპიონთა ლიგის გათამაშებაში, “რეალსა” და “ატლეტიკოს” შორის გამართულ შეხვედრაში ერთადერთი გოლი მატჩის მიწურულს ხავიერ ერნანდესმა გაიტანა. კამერებმა კი, “სამეფო კლუბის” გახარებული ფეხბურთელები დააფიქსირეს.
Pepe Vs MandžukićPepe Vs Mandžukić
Posted by Sheva+ HD on Wednesday, 22 April 2015
14 აპრილს, ჩემპიონთა ლიგის გათამაშებაში, “ატლეტიკოსა” და “რეალს” შორის გამართულ შეხვედრაში დანი კარვახალსა და მარიო მანჯუკიჩს შორის სიტუაცია დაიძაბა.
პრიმერა დივიზიონის 24-ე ტურის შეხვედრაში მადრიდის “ატლეტიკომ” საკუთარ მოედანზე “ალმერია” მიიღო.
შეხვედრა მასპინძელთა დამაჯერებელი გამარჯვებით, 3:0 დასრულდა. ანგარიში მე-13 წუთზე მანჯუკიჩმა გახსნა. 20-ე და 29-ე წუთებზე კი გრიზმანმა დუბლი გაიფორმა და მატჩის ბედიც გადწყვიტა.
აღსანიშნავია, რომ 91-ე წუთზე სიკეირამ წითელი ბარათი მიიღო და მადრიდელებმა შეხვედრა 10 ფეხბურთელით დაასრულეს.
ატლეტიკო 3-0 ალმერია
გოლები: მანჯუკიჩი 13′ ; გრიზმანი 20′ ; 29′
ესპანეთის სუპერთასზე, “რეალსა” და “ატლეტიკოს” შორის გამართულ მატჩში (1:1), მარიო მანჯუკიჩსა და სერხიო რამოსს შორის უსიამოვნო რამ მოხდა.
მადრიდის “ატლეტიკომ” მიუნხენის “ბაიერნიდან” შეძენილი თავდამსხმელი მარიო მანჯუკიჩი წარადგინა. პრეზენტაციის დროს კი მცირე ინციდენტი მოხდა.
ხორვატი ფეხბურთელი, მარიო მანჯუკიჩი მიუნხენის “ბაიერნს” ტოვებს, ამის შესახებ თავად მოთამაშე აცხადებს.
როგორც 28 წლის თავდამსხმელი ამბობს, ის პეპ გვარდიოლას სათამაშო სტილს ვერ ერგება და მისი გუნდიდან წასვლის მთავარი მიზეზიც სწორედ ესაა.
“ბაიერნი” გასაოცარი კლუბია. გუნდის დატოვებაზე არასდროს მიფიქრია, მაგრამ ახლა ამაზე ნამდვილად ვფიქრობ. სიმართლე გითხრათ, პეპ გვარდიოლას ტაქტიკას ვერ ვერგები. “რეალის” წინააღმდეგ გამართულ პირველ დაპირისპირებაში მივხვდი, რომ რაც არ უნდა ვცადო, გუნდის სათამაშო სტილს ვერ მოვერგები.
მინდა, “ბაიერნის” ყველა ფეხბურთელს, პეპ გვარდიოლასა და გულშემატკივრებს დიდი მადლობა გადავუხადო. მიუნხენელი ფანები ჩემს გულში ყოველთვის დარჩებიან. ახლა ახალი გამოწვევების დროა”, – ამბობს მანჯუკიჩი.
შეგახსენებთ, რომ მანჯუკიჩით პრემიერ ლიგის კლუბები ინტერესდებიან.
როგორც იცით, მიუნხენის “ბაიერნი” გერმანიის ბუნდესლიგის გამარჯვებული კიდევ ერთხელ გახდნენ. 10 მაისს, ჩემპიონატის ბოლო ტურში გამართული მატჩის შემდეგ, ბავარიელთა ფეხბურთელებმა ჩემპიონობა სახალისოდ აღნიშნეს.
მარიო მანჯუკიჩმა ხავი მარტინესს ლუდი თავზე გადაასხა, ხოლო ესპანელმა ნახევარმცველმა სოციალურ ქსელში ასეთი რამ დაწერა: “მძულხარ, მარიო”.
მიუნხენის “ბაიერნის” თავდამსხმელის, მარიო მანჯუკიჩის აგენტი აცხადებს, რომ მის კლიენტს კლუბის დატოვება და “იუვენტუსში” გადასვლა არ სურს.
შეგახსენებთ, რომ რამდენიმე იტალიურმა სპორტულმა გამოცემამ ხორვატი ფეხბურთელი “ბიანკონერისთან” დააკავშირა.
“იუვენტუსი”? მარიო არსად წასვლას არ აპირებს, ის მხოლოდ “ბაიერნზე” ფიქრობს. ჩემს კლიენტს ბავარიელებთან კონტრაქტი კიდევ ორი წლით აკავშირებს, ის აქ თავს მშვენივრად გრძნობს”, – ამბობს აგენტი.
მიუნხენის “ბაიერნის” თავდამსხმელი, მარიო მანჯუკიჩი 27 ნოემბერს, ჩემპიონთა ლიგის გათამაშებაში, მოსკოვის “ცსკა”-სთან გასამართ შეხვედრას გამოტოვებს.
ხორვატმა ფეხბურთელმა ფეხის ტრავმა 23 ნოემბერს, გერმანიის ბუნდესლიგის მე-13 ტურში, დორტმუნდის “ბორუსიასთან” გამართულ მატჩში მიიღო, რის გამოც, 56-ე წუთზე, მარიო გიოტცემ შეცვალა.
მანჯუკიჩის მაგივრად, მიუნხენელთა განაცხადში მოხვდა 18 წლის შემტევი, იულიან გრინი.
ცნობისათვის, მანჯუკიჩმა მიმდინარე სეზონში ჩატარებულ 19 მატჩში, 10 გოლის გატანა მოახერხა.
“სამეფო კლუბი” მომდევნო ზაფხულის სატრანსფერო ფანჯრის გეგმების დალაგებას იწყებს.
არსებული ინფორმაციით, 2014 წელს მადრიდელთა მიზანი მიუნხენის “ბაიერნის” ხორვატი თავდამსხმელის შეძენა იქნება. ეს ინფორმაცია ცნობილმა ესპანელმა ფრანკის გალიარდომ გაავრცელა. აღსანიშნავია, რომ ეს სწორედ ის პიროვნებაა, რომელმაც გარეტ ბეილისა და “რეალის” ხელმძღვანელობას შორის მოლაპარაკებების დაწყებასთან დაკავშირებით პირველმა გვამცნო.
“თეთრები” მარიო მანჯუკიჩის სანაცვლოდ 40 მილიონი ევროს გადასახდელად ემზადებიან. ეს მოთამაშე ესპანელთა მთავარი სამიზნე მას შემდეგ გახდა, რაც დორტმუნდის “ბორუსიას” პოლონელმა თავდამსხმელმა რობერტ ლევანდოვსკიმ განაცხადა, რომ იანვარში იგი “რეკორდმაისტერებს” შეუერთდება.
აქვე გეტყვით იმასაც, რომ გასულ ზაფხულს “რეალი” ამ ორი ფეხბურთელიდან ერთ-ერთის გადაბირებას გეგმავდა, თუმცა კლუბის თითქმის მთელი ბიუჯეტი “ტოტენჰემიდან” ბეილის ტრანსფერს მოხმარდა.
სანდრო საპანაძე
