დორტმუნდის “ბორუსიას” შემტევმა ნახევარმცველმა გუშინდელი შეხვედრა შეაჯამა.
“პირველი მატჩი ცუდად ჩავატარეთ, ამიტომ მეორეში მოგვიწია მადრიდში დაშვებული შეცდომების გამოსწორება. პირველივე წუთებიდან თამამად შევუტიეთ.
ჩვენ უბრალოდ არ გაგვიმართლა, ძალიან ახლოს ვიყავით მესამე ბურთის გატანასთან. გოლის გატანის კარგი შანსები მადრიდშიც გვქონდა, თუმცა ვერც იქ გამოვიყენეთ შესაძლებლობები. შარშანდელი ფინალის შემდეგ, წელს 1/4-ფინალში გასვლა დამაკმაყოფილებელი შედეგი არ არის” – განაცხადა “ბორუსიას” ლიდერმა.
“შტუტგარტის” კარში გატანილი 3 გოლის ავტორი მარკო როისი მატჩის შემდეგ ჟურნალისტებს გაესაუბრა და “რეალთან” შეხვედრაზე ისაუბრა.
“გოლებით ძალიან გახარებული ვარ. იმედი მაქვს “რეალთანაც” შევძლებ თავის გამოჩენას. მადრიდელებთან ბოლომდე ვიბრძოლებთ.
მიმდინარე სეზონში რამდენიმე მატჩი ტრავმის გამო გამოვტოვე. ამიტომ, მოედანზე გასვლა და გოლების გატანა ჩემთვის ძალიან მნიშნველოვანია” – განაცხადა როისმა, რომელმაც ბუნდესლიგის მიმდინარე სეზონში 24 მატჩი ჩაატარა და 12 გოლი გაიტანა.
დორტმუნდის “ბორუსიას” შემტევი ნახევარმცველი, მარკო როისი აცხადებს, რომ იურგენ კლოპის შეგირდებს, მიმდინარე სეზონში, გერმანიის ბუნდესლიგაშ მეორე ადგილის დაკავება შეუძლიათ.
შეგახსენებთ, რომ დორტმუნდელები, 32 ქულით მეოთხე პოზიციას იკავებენ, ხოლო მეორე ადგილზე მყოფ “ლევერკუზენს” ხუთი ქულით ჩამორჩებიან.
“ჩვენ არაერთხელ დავამტკიცეთ, რომ ძალიან ძლიერი გუნდი გვყავს. ამიტომ, დარწმუნებული ვარ, რომ გერმანიის ბუნდესლიგაში მეორე ადგილის დაკავებას შევძლებთ”, – ამბობს როისი.
ბოლო დროს, დორტმუნდის „ბორუსიას“ ნახევარმცველის მარკო როისის შესაძლო ტრანსფერზე ევროპული პრესა საკმაოდ ხშირად წერს.
არაოფიციალური ინფორმაციით, გერმანიის ნაკრების წევრის შეძენის სურვილი „ბარსელონასა“ და „მანჩესტერ იუნაიტედის“ ხელმძღვანელებს აქვთ, რომლებიც 24 წლის მოთამაშის გადაბირებისთვის უკვე ზამთრის სატრანსფერო ფანჯრის დროს იქნებიან მზად.
როგორც ცნობილია, მხარეებს შორის არსებულ კონტრაქტში ის თანხა არის მითითებული, რომლის გადახდაც მარკოს შეძენის მსურველებს მოუწევს. 2017 წლამდე მოქმედ ხელშეკრულებაში აღნიშნული თანხა 35 მილიონ ევროს შეადგიენს.
ცნობისთვის, დორტმუნდის „ბორუსიას“ მაისურით როისმა 61 მატჩი გამართა და 28 გოლის გატანა შეძლო. 2012 წლის ზამთარს დორტმუნდელთა მენეჯერებს მისი ტრანსფერი 17 მილიონი ევრო დაუჯდათ.
ალექსანდრე მატევოსოვი
ვიდეოს, რომელიც ინტერნეტ-სივრცეში გავრცელდა, კომენტარი არ სჭირდება.
დორტმუნდის „ბორუსიასა“ და გერმანიის ეროვნული ნაკრების ნახევარმცველმა მარკო როისმა ვარჯიშზე ლამაზი გოლი გაიტანა.
გთავაზობთ აღნიშნული გოლის ამსახველ ვიდეომასალას.
