ლიონელ მესიმ ბარსელონაში რესტორანი გახსნა. ამის შესახებ ესპანური პრესა იტყობინება და ფოტოებსაც ავრცელებს. კვების ობიექტს Bellavista del Jardin del Norte ჰქვია.
საგულისხმოა, რომ აღნიშნული რესტორნის პროექტს არგენტინელი ფეხბურთელის უმცროსი ძმა, როდრიგო ხელმძღვანელობდა. ასევე, აქ მუშაობდნენ რესტავრატორი ძმები, ხუან კარლოსი, ბორხა და პედრო იგელსიასები. რესტორანი ენრიკ გარანადოსის ქუჩაზე მდებარეობს. იგი ყოველ დღე, 11 საათიდან 00:00 საათამდე ემსახურება სტუმრებს.
არგენტინის ეროვნული ნაკრები მსოფლიოს ჩემპიონატზე ვერმოხვედრის საფრთხის წინაშე დგას. სამხრეთამერიკელებს 16 ტურის შემდეგ 24 ქულა აქვთ და მეხუთე, საპლეიოფო პოზიციაზე იმყოფებიან. თუმცა, მათ მხოლოდ ერთი ქულით ჩამორჩება ჩილე. უკანასკნელ ტურში ამ გუნდმა ვენესუელასთან გააგორა ფრე.
დიეგო არმანდო მარადონამ საკუთარი ქვეყნის ნაკრებზე ისაუბრა.
“მათი ცქერა მაშინებს. ეს ის არაა, რასაც ჩვენი გუნდისგან ველით. ვფიქრობ, მწვრთნელს სასტარტო შემადგენლობაში უკეთესი ფეხბურთელების დაყენება შეუძლია. ერთ-ერთი ასეთი, გონსალო იგუაინია. მისი სათადარიგოთოა სკამზე დასმა უპატივცემულობაა.”
“მართალია, იგუაინმა ბევრი ისეთი შანსი ვერ გამოიყენა, რომელიც მთლიანად არგენტინული ფეხბურთის ისტორიას შეცვლიდა, თუმცა შენ არ შეგიძლია ყველასთვს ცნობილი მოთამაშე სხვა უცნობი ფეხბურთელით ასე უცებ ჩაანაცვლო. თუ მათ უნდათ, რომ იკარდი ბატისტუტად გარდაქმნანა, ცდებიან!” – აცხადებს მარადონა.
კატალონიის “ბარსელონას” ახალწვეულმა უსმან დემბელემ ლიონელ მესიზე ისაუბრა.
“ბარსელონას” თამაშებს, რა თქმა უნდა, ვუყურებდი. გამორჩეულად, ორი შეხვედრა დამამახსოვრდა. პირველი “ბარსასა” და “ჩელსის” დაპირისპირებაა. მახსოვს, როგორ გაიტანა ინიესტამ ჩემპიონთა ლიგის ფინალში გამსველლი გოლი. ერთი სული მაქვს, როდის ვნახავ და გავესაუბრები ანდრესს.”
“ხოლო, მეორე მატჩი ისევ ჩემპიონთა ლიგიდანაა. ამ დაპირისპირებაში “ბარსელონა” “არსენალს” შეხვდა. მახოსვს, პირველ თამაშში ჩემს ამჟამინდელ კლუბს საქმე არც ისე კარგად წაუვიდა, თუმცა განმეორებით მატჩში ლიონელ მესიმ ოთხი გოლი გაიტანა. ეს ის მომენტი იყო, როცა გავაცნობიერე, რომ მესი დედამიწიდან არ არის.”
“ინიესტაზე იმას ვიტყვი, რომ ის ძალიან ელეგანტურია. მას განსაკუთრებული მოძრაობები აქვს – ანდრესი გენიოსია! “ბარსელონას” ბევრ თამაშს ვუყურე. განსაკუთრებით, სწორედ ეს ორი მოთამაშე მომწონს. შევეცადე, მათთვის მიმებაძა, თუმცა გამიჭირდა,” – აცხადებს დემბელე.
კვირას ლა ლიგა სანტანდერის პირველ ტურში კატალონიის “ბარსელონა” “რეალ ბეტისს” დაუპირსპირდება. “ბლაგურნას” ამ შეხვედრაში დიდი ალბათობით, ტრავმირებული ფეხბურთელები, ლუის სუარესი და ხერარდ პიკე არ ეყოლება. ასევე, კლუბი დატოვა ნეიმარმაც – ვერც ის ვეღარ დაეხმარება შეტევას გოლების გატანაში.
აღნიშნული სიტუაციიდან გამოდმინარე, ინტერნეტში ზეზოს ასეთი კარიკატურა ვრცელდება.
“ბარსელონას” ბრაზილიელი სუპერვარსკვლავი კატალონიურ გრანდს ტოვებს და კარიერას ფრანგულ “პარი სენ-ჟერმენში” აგრძელებს. ამ ინფორმაციას მისი არგენტინელი თანაგუნდელი, ლეო მესიც ადასტურებს.
“ბოლო წლებში შენთან ყოფნამ უდიდესი სიამოვნება მომანიჩა, ჩემო მეგობარი. ცხოვრების ახალ ეტაპზე ყველაფერ საუკეთესოს გისურვებ. მალე გნახავ, სიყვარულით მესი,” – ვკითხულობთ მის გამოსამშვიდებელ წერილში, რომელსაც თან ვიდეოც ახლავს.
ცოტა ხნის წინ კატალონიის “ბარსელონას” ლეგენდამ, ჩავიმ განაცხადა, რომ “ბლაუგრანა” თავის აკადემიას სათანადოდ არ იყენებს და ახალგაზრდა ფეხბურთელებს შანსს არ აძლევს.
გუშინ ამაზე “ბარსას” პრეზიდენტმა”, ხოსე მარია ბართომეუმ ისაუბრა.
“პრობლემა ისეთი ფეხბურთელებია, როგორებიცაა ჩავის, მესი, ინიესტა და სხვები. რთულია, “ბარსელონაში” თავი დაიმკვიდრო, როცა იქ ნეიმარი, პიკე ბუსკეცი თუ სხვა მოთამაშეები გამოდიან. ჩავის განცხადება მესმის, თუმცა პრობლემა თავად ჩავია! სწორედ მან და მისმა სთანაგუდნელებმა შექმნეს ეს პრობლემა.”
“შესაძლოა, ახლა “ბარსელონას” აკადემიაში ახალი მესი თამაშოსბ, თუმცა მას მოუწევს კლუბი დატოვოს, რადგან უდიდესი კონკურენციის პრობებში თავის დამკვიდრება წარმოუდგენელია,” – აცხადებს ბართომეუ.
დღეს აშშ-ში, ამხანაგურ შეხვედრაში ერთმანეთს კატალონიის “ბარსელონა” და “მანჩესტერ იუნაიტედი” დაუპირისპირდნენ. საკმაოდ დაძაბულ შეხვედრაში ერთადერთი გოლის გატანა 31-ე წუთზე ნეიმარმა მოახერხა და “ბლაგურნას” მოაგებინა.
მატჩის ოპერატორებმა შეხვედრის წინ საინტერესო კადრები დააფიქსირეს: როგრო შეხვდნენ მოურინიო და ინგლისური კლუბის ფეხბურთელები “ბარსას” მოთამაშეებს:
ქართველი ფეხბურთელის, გიორგი კაკაბაძის “ხიმნასტიკი” ამხანაგურ შეხვედრაში კატალონიის “ბარსელონას” დაუპირისპირდება. ამის შესახებ ტარაგონული გუნდის ოფიციალური გვერდი იტყობინება.
აღნიშნული მატჩი ოთხ აგვისტოს, თბილისის დროით 22:00 საათზე “ნოუ ესტადიზე” გაიმართება.
აქვე იმასაც გეტყვით, რომ “ნასტიკი” სეგუნდა დივიზიონის პირველ შეხვედრას 20 აგვისტოს, “ალმერიას” წინააღმდეგ გამართავს.
გასულ სეზონში ლა ლიგის გამარჯვებული მადრიდის “რეალი”, ხოლო “კოპა დელ რეის” ტიტულის მფლობელი კატალონიის “ბარსელონა” გახდა. ეს იმას ნიშნავს, რომ მსოფლიო აგვისტოში ორ “ელ კლასიკოს” იხილავს, რომელიც ესპანეთის სუპერ თასის ეგიდით გაიმართება.
პირველი შეხვედრა 13 აგვისტოს, “კამპ ნოუზე” შედგება. განმეორებითი თამაში კი უკვე “სანტიაგო ბერნაბეუზე” 16 აგვისტოს ჩატარდება.
ამას გარდა, დადგინდა, რომ ლა ლიგის 2017/2018 წლების სეზონი ამ წლის აგვისტოს მესამე კვირაში დაიწყება და 2018 წლის 20 მაისს დამთავრდება. რაც შეეხება სამეფო თასის ფინალს, იგი მომდევნო წლის 21 აპრილსაა დაგეგმილი.
დამღლელი სეზონის შემდეგ, კატალონიის “ბარსელონას” ფეხბურთელები, ლიონელ მესი და ლუის სუარესი, ასევე, ლონდონის “ჩელსის” მოთამაშე, სესკ ფაბრეგასი იბიცაზე ერთად ისვენებენ.
პეპ გვარდიოლამ კატალონიის “ბარსელონას” სუპერვარსკვლავზე, ლიონელ მესიზე ისაუბრა.
“ლეო მსოფლიოს ყველა დროის ერთ-ერთი ნიჭიერი და პრივილეგირებული ფეხბურთელია. თუმცა, მას როგორც “ბარსელონაში”, ასევე არგენტინის ეროვნულ ნაკრებში ყოველწლიურად ძალიან დიდი წნეხი აქვს. ნეტავ მის ტვინში ჩამახედა და გამაგებინა, როგორ ახერხებს იგი, გაუძლოს ამ ტვირთს. ყოველ შეხვედრაში მისგან სამ გოლს ელიან. გარდა ამისა, მესის ჰყავს თანაგუნდელები, რომლებიც მას ენდობიან და მისი იმედი ნებისმიერი გასაჭირის დროს აქვთ. ასე, რომ მასზე ძალიან დიდი ზეწოლაა.”
“ვერ იტყვი, რომ მათ მხოლოდ “კოპა დელ რეი” მოიგეს. კატალონიელებს ძალიან რთული და სანახაობრივი სეზონი ჰქონდათ. “ბარსამ” ბევრი კარგი შეხვედრა ჩაატარა. ის ბოლო მატჩამდე სდევდა “რეალს”! ასევე, ჩემპიონთა ლიგაზეც ბოლომდე დაიხარჯნენ. ადამიანები ცდებიან, თუ ფიქრობენ, რომ “ბარსელონა”ყოველ წელს ევროპის ყველა გრანდს პირწმიდად მოუგებს,” – აცხადებს პეპი.
ხვალ ესპანეთის სამეფო თასის ფინალში შედგება. მადრიდში, “ვისენტე კალდერონზე” ერთმანეთს კატალონიის “ბარსელონა” და “ალავესი” დაუპირისპირდებიან.
საგულისხმოა, რომ ნახსენებ შეხვედრაში ახალი ბუცებით ითამაშებს “ბლაგურნას” ლიდერი, ლიონელ მესი. “ადიდას ნემეზიზს”, მესის გარდა, მოირგებენ რობერტო ფირმინო, რენატო სანჩესი და ჯესი ლინგარდი.
