გერმანიის ნაკრების ექს-კაპიტანმა მიხაელ ბალაკმა 2014 წლის მუნდიალის კენჭისყრის შედეგები შეაფასა.
ცნობისთვის, გერმანელების ჯგუფში ასევე პორტუგალია, განა და აშშ მოხვდნენ.
„ვიცი, რომ გერმანია კარგად არის მომზადებული. ეს კარგი გუნდია, რომელიც ტიტულის მოგებას შეეცდება. დარწმუნებული ვარ, ყველა მოთამაშე მხოლოდ ტურნირის მოგებაზე ფიქრობს“, – თვლის ბალაკი.
„პრობლემები? ვფიქრობ, მაღალი დონის მარცხენა მცველის გამოძახებაა საჭირო. მრავალი წლის განმავლობაში ამ პოზიციაზე ფილიპ ლამი თამაშობდა, თუმცა ახლა მან საპირისპირო ფლანგზე გადაინაცვლა“.
„ჩვენი ცენტრალური მცველები ძალიან ძლიერები არიან, მაგრა, სწორი დუეტის არჩევა მაინც მნიშვნელოვანია. ფეხბურთელები ერთმანეთს უნდა ეხმარებოდნენ. წინ კი პრობლემები არ გვაქვს. კლოზე, ისევე, როგორც გომესი – მაღალი დონის თავდამსხმელია. დარწმუნებული ვარ, ეს ორი ფორვარდი არაერთ გოლს გაიტანს“, – დაასრულა 37 წლის გერმანელმა.
ალექსანდრე მატევოსოვი
