„მილანის“ ვიცე-პრეზიდენტმა ადრიანო გალიანიმ განაცხადა, რომ მის კლუბს „მონაკოს“ ნახევარმცველის ჯოფრი კონდოგბიას დამატება გაუჭირდება.
„ფეხბურთელისთვის ბრძოლაში კონკურენციამ იმატა, რამაც მისი სატრანსფერო ფასიც გაზარდა. ახლა მისი მინიმალური ფასი 35 მილიონი ევროა. გამორიცხული არ არის, თანხა 40 მილიონამდე გაიზარდოს. თავად კონდოგბია კონტრაქტის გაფორმებისთვის, სავარაუდოდ, ერთ მილიონ ევროს მოითხოვს“, – განაცხადა გალიანიმ.
ცნობისთვის, „მილანის“ გარდა, კონდოგბიასთვის ასევე „ინტერი“ იბრძვის.
“მილანი” “მანჩესტერ სიტიდან” სტეფან იოვეტიჩის გადაბირების შესაძლებლობას განიხილავს.
უცხოური პრესის ცნობით ადრიანო გალიანი მოთამაშის აგენტს უკვე შეეხმიანა. გავრცელებული ინფორმაციით ჩერნოგორიელი მოთამაშის გადაბირებასთან ახლოს “ინტერი” იყო, თუმცა გარიგება არ შედგა.
გასულ სეზონში 25 წლის შემტევმა 17 შეხვედრაში 5 გოლის გატანა შეძლო.
იტალიურ პრესაში გავრცელებული ინფორმაციის თანახმად, “მილანს” სტევან იოვეტიჩისა და მოჰამედ სალას შეძენა სურს.
სავარაუდოდ, უახლოეს დღეებში “როსონერი” “მონაკოს” ნახევარმცველს ჟოფრეი კონდოგბიას დაიმატებს. Gazzetta dello Sport-ის ინფორმაციით კი, “მილანი” შეტევის გაძლიერებასაც აპირებს. კლუბის უპირველესი “მანჩესტერ სიტის” ფეხბურთელია.
შეგახსენებთ, რომ მოჰამედ სალა ამჟამად “ფიორენტინაში” “ჩელსიდანაა” განათხოვრებული. გადავა თუ არა ეგვიპტელი თავდამსხმელი “მილანში”, ეს ფლორენციული კლუბის გადაწყვეტილებაზე იქნება დამოკიდებული.
„მანჩესტერ სიტის“ ყოფილმა ნახევარმცველმა ნაიჯელ დე იონგმა „მანჩესტერ იუნაიტედში“ გადასვლასთან დაკავშირებული ჭრპოები უარყო.
ჰოლანდიის ნაკრების ნახევარმცველი „მილანთან“ კონტრაქტის გახანგრძლივებასთან ახლოსაა. როგორც „სქაი სპორტსი“ წერს, მხარეებიი შეთანხმების კიდევ ორი წლით გაგრძელებას აპირებენ.
შეგახსენებთ, რომ დე იონგი „როსონერის“ ღირსებას 2012 წლიდან იცავს.
“მილანის” მთავარი მწვრთნელის პოსტიდან გუშინ გათავისუფლებული ფილიპო ინძაგი კლუბისგან კომპენსაციას მიიღებს.
კონტრაქტის ნაადრევად გაწყვეტის გამო მილანური კლუბი იტალიელ სპეციალისტს 300 ათას ევროს გადაუხდის.
41 წლის ინძაგიმ გუნდი ერთწი წლის წინ ჩაიბარა. მისი ხელმძღვანელობით “მილანმა” სერია ა მე-10 პოზიციაზე დაასრულა და ევროთასების საგზური ვერ მოიპოვა.
შეგახსენებთ, რომ ინძაგის ნაცვლად მილანელებს სინიშა მიჰალივიჩი უთავკაცებს.
საფრანგეთის ჩემპიონები გუნდის საუკეთესო ფეხბურთელთან გამომშვიდობებას არ აპირებენ.
გუშინ, შვედი შემტევი და მისი აგენტი, მინო რაიოლა “პსჟ”-ს პრეზიდენტს, ნასერ ალ-ჰელაიფის შეხვდნენ, სადაც ზლატანი ცდილობდა, დედაქალაქელების ბოსი “მილანში” გაშვებაზე დაეთანხმებინა.
თუმცა, ალ-ჰელაიფი მკაცრად აცხადებს, რომ იბრაჰიმოვიჩი მანამ ითამაშებს გუნდში, სანამ 2016 წლამდე არსებულ ხელშეკრულებას ვადა არ გაუვა.
ამდენად, “როსონერის” შეტევის გაძლიერების მიზნით მოუწევს ჯექსონ მარტინესისა და ლუის ადრიანოს შეძენა.
გასულ სეზონში, ლიგა 1-ში შვედმა ვარსკვლავმა 24 მატჩი ჩაატარა და 19-ჯერ გაიტანა.
გელზენკირხენის “შალკეს” ნახევარმცველი კევინ-პრინს ბოატენგი შეიძლება “მილანში” დაბრუნდეს.
28 წლის ფეხბურთელის აგენტი, რომელმაც გერმანულ კლუბთან კონტრაქტის გაწყვეტის თაობაზე შეთანხმებას მიაღწია, “მილანთან” აწარმოებს მოლაპარაკებას.
“მილანის” სატელევიზიო არხი ამ ინფორმაციას უარყოფს.
შეგახსენებთ, რომ ბოატენგი “როსონერიში” 2010-დან 2013 წლამდე თამაშობდა.
სინიშა მიჰაილოვიჩი “მილანის” ახალი მწვრთნელი გახდა.
“როსონერის” ოფიციალურმა საიტმა დაადასტურა ინფორმაცია, რომ გამოცდილ სპეციალისტთან ორწლიანი ხელშეკრულება გააფორმეს.
აქედან გამომდინარე, ხორვატი მწვრთნელი იტალიურ გრანდში 2017 წლის ზაფხულამდე იმუშავებს.
სინიშამ ფილიპო ინძაგი შეცვალა, რომელიც გუნდმა დღეს გაანთავისუფლა.
შეგახსენებთ, რომ მიჰაილოვიჩი აქამდე “ბოლონიას”, “კატანიას”, “ფიორენტინას”, სერბეთის ნაკრებსა და “სამპდორიას” წვრთნიდა.
„მილანის“ ოფიციალურმა ტვიტერის გვერდმა გუნდის მთავარი მწვრთნლის პოსტიდან ფილიპო ინძაგის გათავისუფლება დაადასტურა.
შეგახსენებთ, რომ 41 წლის სპეციალისტი „შავ-წითლებს“ გასულ ზაფხულს ჩაუდგა სათავეში. განვლილ სეზონში მილანელებმა სერია ა-ს სატურნირო ცხრილში მხოლოდ მე-10 ადგილი დაიკავეს და ზედიზედ მეორე სეზონში ევროთასების მიღმა დარჩნენ.
ბოლო დროს ინძაგის შესაძლო შემცვლელთა შორის გენუის „სამპდორიას“ ექს-თავკაცი სინიშა მიჰაილოვიჩი სახელდებოდა.
მადრიდის “ატლეტიკოს” ნახევარმცველი, არდა თურანი შეიძლება, ამ ზაფხულს იტალიის ჩემპიონატს შეუერთდეს.
“როსონერის” წარმომადგენლებმა გამართეს მოლაპარაკებები თურქი შემტევის აგენტ, აჰმედ ბულუთთან. “მილანის” მომავალი მწვრთნელი, სინიშა მიჰაილოვიჩი კლუბის ლიდერად სწორედ 28 წლის წინახაზელს მოისაზრებს.
არდა თურანს “ლეიბებთან” ხელშეკრულება 2017 წლამდე აკავშირებს და მისი სატრანსფერო ღირებულება 41 მილიონი ევროა.
“გალათასარაის” აღზრდილი მადრიდში 2011 წლიდან თამაშობს. ყველა ტურნირზე ერთად, არდამ 178 მატჩი ჩაატარა და 22 გოლი გაიტანა.
ფეხბურთის სერბმა სპეციალისტმა სინიშა მიხაილოვიჩმა განაცხადა, რომ უახლოეს პერიოდში “მილანის” მთავარი მწვრთნელის პოსტზე დაინიშნება.
“ნუ ღელავთ, ორ კვირაში “მილანის” მწვრთნელი გავხდები”, – ციტირებს მიხაილოვიჩის სიტყვებს Sport Mediaset-ი.
გავრცელებული ინფორმაციის თანახმად, სერბი სპეციალისტი “როსონერისთან” ორწლიან კონტრაქტს მოაწერს ხელს, მანამდე კი კლუბის მთავარი მწვრთნელის პოსტიდან ფილიპო ინძაგი უნდა გაათავისუფლონ.
ცნობისთვის, ინძაგის “მილანთან” მოქმედი შრომითი ხელშეკრულება 2016 წლის 30 ივნისს ეწურება.
შეგახსენებთ, რომ “როსონერიმ” იტალიის ჩემპიონატის სატურნირო ცხრილში მეათე პოზიცია დაიკავა.
პორტუგალიურმა „ბენფიკამ“ ნახევარმცველ ადელ ტაარაბტის ტრანსფერი ოფიციალურად დაადასტურა. როგორც კლუბის ოფიციალური საიტი წერს, მოთამაშესთან 5-წლიანი კონტრაქტი გაფორმდა.
ცნობისთვის, ტაარაბტი „ბენფიკაში“ თავისუფალი აგენტის სტატუსით გადავიდა. ცოტა ხნის წინ მაროკოელმა „ქუინს პარკ რეინჯერსთან“ ხელშეკრულება გადაწყვიტა. განვლილი სეზონის შედეგის მიხედვით, ქპრ ჩემპიონშიპში დაბრუნდა.
შეგახსენებთ იმასაც, რომ 2013/14 წლების სეზონის მეორე ნაწილში ტაარაბტმა იჯარით „მილანში“ ითამაშა.
