ჭდე: ზლატან იბრაჰიმოვიჩი

“მანჩესტერ იუნაიტედის” შვედი თავდამსხმელის, ზლატან იბრაჰიმოვიჩის ხანგრძლივი რეაბილიტაციის პროცესი უკვე დასრულებულია და მსოფლიოს ერთ-ერთი ყველაზე ქარიზმატული ფეხბურთელი, შესაძლოა, მინდორზე დღეს ვიხილოთ.

“დასაწყისისთვის, ზლატანს “ნიუკასლთან” მატჩში სათადარიგოთა სკამზე დავსვავთ,” – აცხადებს “წითელი ეშმაკუნების” პორტუგალიელი სპეციალისტი, ჟოზე მოურინიო.

მოურინიომ ორი თავდამსხმელით თამაშის ვარიანტზეც გააკეთა კომენტარი: “მიმდინარე სეზონში ჩვენ რამდენიმეჯერ უკვე ვითამაშეთ ორი შემტევით. ეს ფორმაცია განსაკუთრებით საჭირო მაშინ არის, როდესაც სამი ცენტრალური მცველისა და გარემარბების იმედზე ვართ. ასე რომ, სავსებით შესაძლებელია, რომ ლუკაკუმ და იბრაჰიმოვიჩმა ერთად ითამაშონ.”

სტატისტიკისთვის გეტყვით, რომ “მანჩესტერ იუნაიტედის” მაისურით ჩატარებულ 46 მატჩში ზლატანმა 28 გოლის გატანა შეძლო.

გასულ სეზონში მიღებული მძიმე ტრავმის შემდეგ, იბრაჰიმოვიჩის დაბრუნებას ყველა მოუთმენლად ელოდება. “მანჩესტერ იუნაიტედის” ფეხბურთელმა ინგლისურ გამოცემა Sky Sports-თან ისაუბრა.

შვედმა იმ მიზეზებზე გაამახვილა ყურადღება, რის გამოც მან “იუნაიტედთან” ხელშეკრულება გაახანგრძლივა: “დავბრუნდი, რათა დაწყებული საქმე დავასრულო. ამ ტრავმის შემდეგ, ყველა ფირობდა, რომ ეს დასასრული იყო. პირველ სეზონში მოვახერხეთ და სამ ტიტულს დავეუფლეთ, მაგრამ პრემიერ ლიგის მოგება ვერ მოვახერხეთ. რაც გასულ წელს დავიწყეთ, წელს აუცილებლად დასრულდება. სწორედ ესაა ჩემი მიზანი. ვაპირებ დავუმტკიცო მათ, რომ მე ეს შემიძლია.” – აცხადებს ზლატან იბრაჰიმოვიჩი.

მედიკოსების ვარაუდით, შვედი ფეხბურთელი დეკემბერში მოახერხებს მინდორზე გასვლას. შეგახსენებთ, რომ ზლატანმა ტრავმა ევროპა ლიგის შეხვედრაში მიიღო, “ანდერლეხტის” წინააღმდეგ.

“მანჩესტერ იუნაიტედის” შვედი სუპერვარსკვლავი, ზლატან იბრაჰიმოვიჩი, რომელსაც ახლახან ამოეწურა კონტრაქტი მანჩესტერულ კლუბთან, საკმაოდ საინტერესო განცხადებას აკეთებს.

ინგლისური პრესის ცნობით, ზლატანმა თავის აგენტთან, მინო რაიოლასთან საიდუმლო შეხვედრა გამართა, სადაც მხარეებმა სამომავლო ვარიანტები განიხილეს და გადაწყვეტილებაც მიიღეს.

“წინ დიდი სიახლე გელით. უზარმაზარი იქნება,” – განუცხადა შვედმა ფეხბურთელებს ჟურნალისტებს შეხვედრის შემდეგ.

ცნობისთვის გეტყვით იმასაც, რომ “ინტერისა” და “ბარსელონას” ყოფილმა ფეხბურთელმა “იუნაიტედის” სადებიუტო სეზონში 28 გოლის გატანა შეძლო.