დღეს გამთენიისას “ჩემპიონთა საერთაშორისო თასზე” გაიმართა “ლივერპულისა” და “მილანის” დაპირისპირება.
შეხვედრის პირველმა ნახევარმა ინგლისელების უპირატესობით ჩაიარა, თუმცა მათ იტალიელების კარის აღება ვერ მოახერხეს.
მეორე ტაიმში, 59-ე წუთზე დივოკ ორიჯიმ ალბერტო მორენოს პასით ანგარიში გახსნა. ხოლო, 73-ეზე რობერტო ფირმინომ ნომინალური მასპინძლების უპირატესობა ორამდე გაზარდა და საბოლოო ანგარში – 2:0 დააფიქსირა ტაბლოზე.
იტალიური “ფიორენტინას” მთავარი მწვრთნელი, ვიჩენცო მონტელა აცხადებს, რომ “იების” თავდამსხმელი, ჯუზეპე როსი სერია A-ს საუკეთესო მოთამაშეა.
26 წლის ფეხბურთელი “ფიორენტინაში” 2013 წელს გადავიდა. როსიმ ფლორენციელთა შემადგენლობაში ჩატარებულ 12 მატჩში 11 გოლის გატანა მოახერხა.
“ნამდვილად არ შემიძლია დაგისახელოთ ფეხბურთელი იტალიის ჩემპიონატიდან, რომელიც ჯუზეპე როსიზე უკეთესია. მიხარია, რომ ჯუზეპე ფორმაშია. ის გუნდს დიდ დახმარებას უწევს, რაც ძალიან კარგია”, – ამბობს მონტელა.
იტალიური “ფიორენტინას” მთავარი მწვრთნელი, ვიჩენცო მონტელა “მილანთან” გამართულ შეხვედრას გამოეხმაურა და თქვა, რომ მისმა გუნდმა გამარჯვება დაიმსახურა.
შეგახსენებთ, რომ 2 ნოემბერს, “ფიორენტინა” “მილანს” ესტუმრა და მეტოქე ვარგასისა და ბორხა ვალეროს გოლების წყალობით, ანგარიშით 0:2 დაამარცხა.
“მართალია, მეორე ტაიმში ცოტათი დავიღალეთ, მაგრამ მეტოქეზე უკეთ მაინც გამოვიყურებოდით. კარგად ვითამაშეთ და სამი ქულა დამსახურებულად მოვიპოვეთ. ისეთი გუნდი გვყავს, რომელიც აუცილებლად მოუმატებს”, – ამბობს მონტელა.
იტალიური “ფიორენტინას” მთავარი მწვრთნელი, ვიჩენცო მონტელა აცხადებს, რომ მისმა გუნდმა მილანის “ინტერს” თამაშის შემობრუნების საშუალება მისცა.
შეგახსენებთ, რომ 26 სექტემბერს, იტალიის სერია A-ს მეხუთე ტურის შეხვედრაში, “ინტერმა” საკუთარ მოედანზე “ფიორენტინა” მიიღო და მეტოქე ანგარიშით 2:1 დაამარცხა.
“ჩემმა გუნდმა კარგად ითამაშა. რა თქმა უნდა, მატჩის მოგების საშუალება გვქონდა, მაგრამ, სამწუხაროდ, “ინტერს” თამაშის შემობრუნების საშუალება მივეცით”, – ამბობს მონტელა.
