13 ივლისს, მსოფლიოს 2014 წლის ჩემპიონატის ფინალში, გერმანიისა და არგენტინის ნაკრებებს შორის შეხვედრაში, გერმანელი კრისტოფ კრამერი არგენტინელ ეზეკილ გარაის შეეჯახა, რის გამოც გონება დაკარგა და 32-ე წუთზე შიურლემ შეცვალა.
როგორც მატჩის შემდეგ თავად კრამერმა განაცხადა, მას შეხვედრის პირველი ნახევარი საერთოდ არ ახსოვს. მისთვის, შეხვედრა მეორე ნახევრიდან დაიწყო.
ამ საკითხთან დაკავშირებით, კომენტარი ფინალის მთავარმა მსაჯმა ნიკოლა რიცოლიმ გააკეთა: “როცა კრამერი ფეხზე წამოდგა, ჩემთან მოვიდა და მკითხა: “ეს მსოფლიოს ჩემპიონატის ფინალია?”
“ამის შემდეგ, შვაინშტაიგერთან მივედი და ვუთხარი, რომ კრამერი უნდა შეეცვალათ”, – ამბობს რიცოლი.
ასევე, რიცოლის თქმით, კრამერმა მატჩის დასრულების შემდეგ მას მადლობა გადაუხადა.
