ჭდე: ნაკრები

თემურ ქეცბაიამ პოლონეთისთვის 23-კაციანი შემადგენლობა დაასახელა

Posted on by -

საქართველოს ეროვნული ნაკრები სეზონის მეოთხე ოფიციალურ შეხვედრას
თბილისში ჩაატარებს. თემურ ქეცბაიას გუნდი 14 ნოემბერს, პოლონეთის
ეროვნულ ნაკრებს დაუპირისპირდება. ქვეყნის პირველი გუნდი საწვრთნელ
შეკრებას 10 ნოემბრიდან ტექნიკურ ცენტრ „ბასაზე“ გაივლის. ნაკრების
მთავარმა მწვრთნელმა ეროვნულ გუნდში 23 ფეხბურთელი გამოიძახა.

მეკარეები: გიორგი ლორია („ოფი“, საბერძნეთი), როინ
კვასხვაძე(„ოთელოსი“, კვიპროსი), ომარ მიგინეიშვილი („დინამო“, თბილისი)

მცველები: გურამ კაშია („ვიტესი“, ჰოლანდია), უჩა ლობჟანიძე
(„ომონია“,კვიპროსი), აკაკი ხუბუტია („სპარტაკი“,ცხინვალი), სოლომონ
კვერკველია(„რუბინი“, რუსეთი), გია გრიგალავა („ანჟი“, რუსეთი), ლაშა
დვალი („სკონტო“,ლატვია), ლევან კაკუბავა („სამტრედია“)

ნახევარმცველები: მურთაზ დაუშვილი („კარპატი“, უკრაინა), სანდრო კობახიძე
(„ვოლინი“, უკრაინა) ჯაბა კანკავა („დნიპრო“,უკრაინა), თორნიკე
ოქრიაშვილი („გენკი“,ბელგია), ჯანო ანანიძე („სპარტაკი“,რუსეთი) მათე
ცინცაძე, გიორგი პაპუნაშვილი, გიორგი პაპავა, ირაკლი ძარია (ყველა
„დინამო“, თბილისი), ნიკა ძალამიძე („იაგელონია“, პოლონეთი)

თავდამსხმელები: ლევან მჭედლიძე („ემპოლი“, იტალია), ნიკოლოზ გელაშვილი
(„ფლამურტარი“,ალბანეთი), გიორგი ჭანტურია („კლუჟი“, რუმინეთი)

ევროპის ჩემპიონატის საკვალიფიკაციო ეტაპის მატჩი საქართველოსა და
პოლონეთს შორის, „დინამო არენაზე“ 14 ნოემბერს, 21 საათზე დაიწყება.
მატჩზე დასასწრები ბილეთის ფასი კი 5,7,10 და 15 ლარი იქნება.

GFF.GE

ნოემბრის სიმბოლური ნაკრები

Posted on by ბექა დოგრაშვილი

ევროპის სპორტულ გამოცემათა ასოციაციამ (ESM) ტრადიციული თვის სიმბოლური ნაკრები გამოაქვეყნა, რომელიც კონტინენტის ეროვნული ჩემპიონატების შედეგებით დაკომპლექტდა.

ტრადიციულ გამოკითხვაში ევროპის წამყვანი სპორტული გამოცემები მონაწილეობენ. სწორედ მათ მიერ მინიჭებული ქულებით კომპლექტდება თვის სიმბოლური ნაკრები.

ნოემბრის თვის სიმბოლური ნაკრები ასე გამოიყურება:

მეკარე: ენიამა („ლილი“, 3 ხმა);
მცველები: ლამი („ბაიერნი“, 6 ხმა), დანტე („ბაიერნი“, 6 ხმა), ფილიპე ლუისი (ატლეტიკო“, 4 ხმა), სახო („ლივერპული“, 3 ხმა);
ნახევარმცველები: რემსი („არსენალი“, 5 ხმა), პოგბა („იუვენტუსი“, 4 ხმა), ვიდალი („იუვენტუსი“, 4 ხმა);
თავდამსხმელები: კრიშტიანო რონალდუ („რეალი“, 12 ხმა), იბრაჰიმოვიჩი („პსჟ“, 10 ხმა), აგუერო („მანჩესტერ სიტი“, 6 ხმა).

აღსანიშნავია, რომ კრიშტიანო რონალდუ აღნიშნულ გუნდში  ერთადერთი ფეხბურთელია, რომელსაც 12-ივე გამოცემამ მისცა ხმა. დასახელებულ მოთამაშეთა გარდა, ევროპის სპორტულ გამოცემათა ასოციაციისგან (ESM) ხმები მიიღეს:

მეკარეები: ბუფონი („იუვენტუსი“), კურტუა („ატლეტიკო“), კრული („ნიუკასლი“), შჩესნი („არსენალი“);
მცველები: ბარძალი, ბონუჩი (ორივე „იუვენტუსი“) ბენატია („რომა“), ემრე ჯანი („ლევერკუზენი“), სრნა („შახტარი“), მერტეზაკერი, გიბსი (ორივე „არსენალი“) , კომპანი, კლიში (ორივე „მანჩესტერ სიტი“), პეპე , არბელოა (ორივე „რეალი“), ჰუმელსი („დორტმუნდი“), ბოატენგი („ბაიერნი“), დებიუში („ნიუკასლი“), კიერი („ლილი“), დე სილვესტრი („სამპდორია“), ტიაგო სილვა, ვან დერ ვილი (ორივე „პსჟ“);
ნახევარმცველები: რაულ გარსია („ატლეტიკო“), იოზილი („არსენალი“), ჩაბი ალონსო, ბეილი (ორივე „რეალი“), რობენი, გიოტცე (ორივე  „ბაიერნი“), სალაჰი („ბაზელი“), დე როსი („რომა“), ნური შაჰინი („დორტმუნდი“), რუნი („მანჩესტერ იუნაიტედი“), უილშირი („არსენალი“), ლამპარდი („ჩელსი“), გრიზმანი („სოსიედადი“), მატუიდი („პსჟ“);
თავდამსხმელები: მიტროღლუ („ოლიმპიაკოსი“), დიეგო კოსტა („ატლეტიკო“), ალექსის სანჩესი (“ბარსელონა“), ჟირუ („არსენალი“).

ბექა დოგრაშვილი

დიდი მზადება ალბასეტეში – ხვალ ესპანეთი vs საქართველოა

Posted on by ბექა დოგრაშვილი

საქართველოს ეროვნული საფეხბურთო ნაკრები წლის ბოლო ოფიციალურ მატჩს ანდრეს ინიესტას მშობლიურ ქალაქში ჩაატარებს. ფეხბურთელი, რომელსაც 100-ზე მეტ მატჩი აქვს ესპანეთის ეროვნულ გუნდში გამართული, ალბასეტეს მთავარ სიმბოლოდ ითვლება. მისი სახელი არამხოლოდ ჯანსაღ ცხოვრებასთან, არამედ მხარის საუკეთესო ღვინოებთანაა დაკავშირებული. სწორედ, 29 წლის ფეხბურთელის სახელობის მოედანზე ვარჯიშობს საქართველო 9 ოქტომბრიდან. გუშინ, გუნდმა ამ სავარჯიშო მოედანზე ბოლოჯერ ივარჯიშა.

თემურ ქეცბაიას შემადგენლობა ბოლო ორი კვირის მანძილზე არაერთხელ შეიცვალა. დისკვალიფიცირებული ფეხბურთელების გარდა, ნაკრებს ტრავმების გამო კიდევ რამდენიმე ფეხბურთელი გამოაკლდა.

ყველაზე ბოლოს, ესპანეთში შოთა გრიგალაშვილი ჩამოვიდა, რომელსაც ალბასეტეში ჩამოსვლის პარალელურად, შვილი შეეძინა. გუნდმა სრული, 22-კაციანი შემადგელობით ვარჯიში მხოლოდ გუშინ მოახერხა. ყველა ფეხბურთელი სრული მონდომებით ემზადება. სასტარტო შემადგელობის რამდენიმე წამყვანი მოთამაშის არყოფნის გამო, ყველა საკუთარი შანსის მოლოდინშია. მათ შორის, დებიუტანტებიც და ის ფეხბურთელებიც, რომლებიც ნაკრებში ხანგრძლივი შესვენების შემდეგ დაბრუნდნენ. ესპანეთის ნაკრები ხვალინდელი შეხვედრისთვის მადრიდში მოემზადა. ბელორუსთან მატჩის შემდეგ, გუნდი პირდაპირ მადრიდში ჩავიდა. ალბასეტეში კი, „ფურია როხა“ პირველ ვარჯიშს დღეს ჩაატარებს. მოედანი, სადაც ხვალ შეხვედრა უნდა ჩატარდეს, ადგილობრივი დროით 19 საათზე საქართველოს ნაკრებს დაეთმობა. 20.30 წუთიდან კი, მასპინძლები ივარჯიშებენ. ევროპისა და მსოფლიოს ჩემპიონების ჩამოსვლას დიდი მოლოდინი ახლავს. ამ მატჩიდან გამომდინარე, ორგანიზატორებმა ალბასეტეში მცხოვრებ ფეხბურთის გულშემატკივრებს დიდი საჩუქარი მოუმზადეს. ბოლო წლების განმავლობაში ესპანეთის ნაკრების მიერ მოპოვებულ თასები ჩამოიტანეს და სწორედ, იმ სასტუმროს წინ გამოფინეს, სადაც ფეხბურთელები ცხოვრობენ.

15 ოქტომბერს, ესპანეთისა და საქართველოს ეროვნულ ნაკრებებს შორის შეხვედრა სეგუნდადივიზიონის ბე ზონაში მოასპარეზე კლუბის მოედანზე, თბილისის დროით 23 საათზე დაიწყება.

 

სფფ-ის პრესსამსახური