ნუკრი რევიშვილი თბილისის “დინამოში” დაბრუნდა. ამის შესახებ კლუბის ოფიციალური გვერდი იტყობინება.
30 წლის მეკარემ გარდამავალ ჩემპიონატში სწორედ დედაქალაქურ გუნდთან ერთად იასპარეზა, თუმცა შემდეგ მოლდოვაში, “დაჩიაში” წავიდა სათამაშოდ. სულ ცოტა ხანი გავიდა და ორმხრივი შეთანხმების საფუძველზე, რევიშვილმა კლუბი დატოვა.
როგორც ცნობილი გახდა, მან კონტრაქტი “დინამოსთან” 1+1 სისტემით გააფორმა. რევიშვილი დედაქალაქურ კლუბში 29 ნომრით იასპარეზებს.
საქართველოს ეროვნული ნაკრების მეკარე, ნუკრი რევიშვილი რუსული “მორდოვიას” ღირსებას აღარ დაიცავს. გავრცელებული ინფორმაციის თანახმად, მხარეებს შორის არსებული კონტრაქტი ორმხრივი შეთანხმების საფუძველზე გაწყდა.
ქართველმა მეკარემ გასული სეზონის 22 მატჩში დაიცვა რუსული გუნდის კარი, ამ დროის მანძილზე, მან მხოლოდ 31 გოლი გაუშვა. მიმდინარე სეზონში მას არცერთი მატჩი არ ჩაუტარებია რუსეთის მეორე დივიზიონში.
"Мордовия" прекратила рабочие отношения с Нукри Ревишвили. Контракт расторгнут по обоюдному согласию сторон. pic.twitter.com/qKJBkuJnfK
— FC Mordovia Saransk (@fc_mordovia) August 5, 2016
საქართველოს ეროვნული საფეხბურთო ნაკრების მეკარე ნუკრი რევიშვილი ესპანეთთან ამხანაგურ მატჩში მიღებული ტრავმის შემდეგ მკურნალობას მადრიდში აგრძელებს. ქართველმა ფეხბურთელმა სათამაშო ეპიზოდში ყვრიმალის ძვლის ტრავმა მიიღო. მედიკოსთა გადაწყვეტილებით, 8 ივნისს ნუკრი რევიშვილს მადრიდის ერთ-ერთ კლინიკაში ოპერაცია ჩაუტარდა.
ამჟამად ფეხბურთელი თავს კარგად გრძნობს და საქართველოში უახლოეს დღეებში დაბრუნდება. ნუკრი რევიშვილი სავარჯიშო პროცესს სავარაუდოდ რამდენიმე კვირაში განაახლებს. ქართველი ფეხბურთელი მადრიდში ეროვნული ნაკრების ექიმის მეთვალყურეობის ქვეშ იმყოფება.
სფფ-ის პრესსამსახური
რუსეთის პრემიერლიგის მე-18 ტურში, რომელიც 2015 წელს ბოლოა, სარანსკის „მორდოვიამ“ გროზნოს „ტერეკს“ უმასპინძლა. აღნიშნულ შეხვედრაში საქართველოს ნაკრების მეკარემ ნუკრი რევიშვილმა სარანსკელთა კარი მშრალად შეინახა – შეხვედრა ფრედ, 0:0 დასრულდა.
ამრიგად, „მორდოვიამ“ 14 ქულა დააგროვა და ჯერჯერობით კვლავ ბოლოსწინა ადგილზე რჩება.
ჩემპიონატს „მორდოვია“ 2016 წლის პირველ მარტს უფასთან საშინაო შეხვედრით განაახლებს.
რუსეთს პრემეირლიგის მე-16 ტურში სარანსკის „მორდოვიამ“, რომლის კარს ნუკრი რევიშვილი იცავს, მოსკოვის „დინამოს“ უმასპინძლა და ანგარიშთ 1:1 დაუზავდა.
33-ე წუთზე საქართველოს ნაკრების გოლკიპერის კარი ალექსანდრ ტაშაევმა დაამწუხრა. სარანსკელებმა წონასწორობის აღდგენა მატჩის ძირითადი დროის დასრულებამდე 15 წუთით ადრე შეძლეს, გოლი ფრანგმა თავდამსხმელმა დემიენ დე ტალეკმა გაიტანა.
ამრიგად, „მორდოვიამ“ 13 ქულა დააგროვა და ამჟამად კვლავ ბოლოსწინა ადგილზე იმყოფება. შემდეგ ტურში რევიშვილის გუნდი „ურალს“ ეწვევა.
რუსეთის პრემიერლიგის მესამე ტურში სარანსკის „მორდოვიამ“, რომლის კარს ქართველი ნუკრი რევიშვილი იცავს, ეკატერენბურგის „ურალს“ უმასპინძლა.
აღნიშნულ შეხვედრაში რევიშვილმა ერთი გოლი გაუშვა. 41-ე წუთზე ქართველი მეკარის კარი სტუმართა თავდამსხმელმა ედგარ მანუჩარიანმა აიღო. ანგარიშის გათანაბრება სარანსკელებმა მხოლოდ 90-ე წუთზე მოახერხეს – თავისი გუნდი წაგებას ევგენი ლუცენკომ გადაარჩინა.
ამჟამად, სამი მატჩის შემდეგ, „მოდოვიას“ 2 ფრე და 1 მარცხი აქვს. შემდეგ ტურში რევიშვილი თავისი გუნდის კარს გროზნოში დაიცავს, სადაც მისი გუნდი ადგილობრივ „ტერეკს“ შეხვდება.
ქართველმა კიპერმა ნუკრი რევიშვილა სარანსკის “მორდოვიაში” სადებიუტო მატჩი ჩაატარა. რუსეთის პრემიერლიგის 1-ელ ტურში გუნდი მოსკოვის “ლოკომოტივთან” ანგარიშით 0:1 დამარცხდა. რევიშვილმა მატჩი სრულად ჩაატარა და შეხვედრის 73-ე წუთზე თერთმეტმეტრიანი დარტყმაც მოიგერია, თუმცა “მორდოვიას” კარში გაშვებული გოლი დიდწილად მისი უხეში შეცდომის შედეგად გავიდა.
— ნუკრი, როგორ შეაფასებდით ახალ გუნდში საფებიუტო მატჩს?
— პირველი შეხვედრა ყოველთვის რთულია. საერთო ჯამში, გუნდმა კარგად ითამაშა, გატანაც შეგვეძლო, თუმცა გოლი გავუშვით, რომელიც არ უნდა გაგვეშვა. სამწუხაროა პირველ მატჩში დამარცხება, თუმცა იმედი გვაქვს, რომ მომდევნო შეხვედრებში სასურველ შედეგს მივაღწევთ.
— გოლის ეპიზოდში ყველას მოეჩვენა, რომ ბურთი კარს ცდებოდა. რიკოშეტი იყო?
— დიახ. სამარცხვინო გოლი გავუშვი.
— დამნაშავედ საკუთარ თავს მიიჩნევთ?
— რა თქმა უნდა.
— პენალტის ეპიზოდში დარტყმა გამოიცანით თუ რეაგირება მოასწარით?
— რა თქმა უნდა, გამოვიცანი. დარტყმაზე რეაგირება ძალზედ რთულია.
აქვე გთავაზობთ “მორდოვიასა” და “ლოკომოტივს” შორის გამართული მატჩის ვიდეომიმოხილვას.
19 ივლისს, რუსეთი პრემიერ ლიგის პირველ ტურში, “მორდოვიამ” საკუთარ მოედანზე მოსკოვის “ლოკომოტივი” მიიღო და მეტოქესთან ანგარიშით 0:1 დამარცხდა.
“მორდოვიას” ძირითად შემადგენლობაში იყო ქართველი მეკარე ნუკრი რევიშვილი. 28 წლის კარის დარაჯმა შეხვედრის 73-ე წუთზე, მაიკონის მიერ შესრულებული თერთმეტმეტრიანი მოიგერია.
„ტოსნოს“ მეკარე ნუკრი რევიშვილი და მცველი ალბერტ ცხოვრებოვი კარიერას საქართველოს მოქმედი ჩემპიონის გორის „დილას“ შემადგენლობაში გააგრძელებენ.
განვლილ სეზონში რუსეთის პირველ დივიზიონში „ტოსნოს“ შემადგენლობაში რევიშვილმა 21 შეხვედრა ჩაატარა. გაზაფხულში გუნდის მთავარი მწვრთნელის პოსტზე სერგეი ნარუბინის მოსვლის შემდეგ ქართველს თამაშის შანსი არ ჰქონია.
რაც შეეხება ცხოვრებოვს, განვლილ სეზონში მან მხოლოდ რვა შეხვედრაში ითამაშა.
გასული კვირის მთავარი მოვლენა, მალტაზე ქართველი ფეხბურთელების მასობრივი მიგრაცია გახდა. “ვალეტას” რიგებში ერთბაშად სამი საქართველოს მოქალაქე ჩაირიცხა, საიდანაც ორი ეროვნული ნაკრების მოთამაშეებად ითვლება. მალტის წამყვანი კლუბის ღირსებას დაიცავენ: საქართველოს ერთ-ერთი გამორჩეული მეკარე ნუკრი რევიშვილი და ორი ახალგაზრდა იმედის მომცემი ფეხბურთელი, ირაკლი მაისურაძე და აბაიომი ოვონიკოკო.
ქართველი ფეხბურთელების სუსტ ლიგებეში თამაში აღარავის უკვირს. წარსულს ჩაბარდა ის დრო, როდესაც ჩვენი ნაკრების ფეხუბრთელები ევროპის ტოპ ლიგებში ასპარეზობდნენ. მაგრამ, თუ ადრე სომხეთის ან ყაზახეთის დონის ლიგებში, შესაბამისი კვალიფიკაციის ფეხბურთელები მიდიოდნენ, ახლა სამოყვარულო ლიგაში ეროვნული გუნდის წევრები მიდიან, რაც ნამდვილად საგანგაშოა.
მალტურ პრესაში გავრცელებული ინფორმაციით, ქართველი ფეხბურთელების “ვალეტაში” მიყვანა მერაბ ჟორდანიას ფინანსური დახმარებით მოხდა. საინტერესოა, რომ “ვიტესიდან” წამოსულმა ჟორდანიამ, 1 თვის წინ “ტორპედოს” ჩაბარებაზე თქვა უარი და როგორც ჩანს მალტურ ფეხბურთში არჩია თანხის დაბანდება.
ისე, ქართველი ფეხბურთელს მსოფლიოს ნებისმიერ კუთხეში ან ნებისმიერი დონის ლიგაში წააწყდებით. მაგალითად იტალიაში, რანგით მეექვსე დივიზიონის ბინადარ “ფოლგორე 1945-ში” ავთო ბუჩაშვილი გამოდის, რომელიც საქართველოში “გაგრაში” თამაშით არის ცნობილი. ქართველები ბალტიისპირეთშიც მრავლად არიან. ლიტვასა და ლატვიაში ქართველ ფეხბურთელთა მიგრაცია ბოლო დროს საკმაოდ გაიზარდა. წარმომადგენელი ფინეთის მეორე ლიგაშიც კი გვყავს. “კოოტეეპეეს” ღირსებას უკვე 5 წლის განმავლობაში 28 წლის მცველი გიორგი ოსიტაშვილი იცავს. გაგიკვირდებათ და, ქართველს ფარერის კუნძულებზეც უთამაშია. მამუკა ტორონჯაძე, რომელიც ახლა უკვე რუსთავის “მეტალურგის” ფეხბურთელია ფარერებზე 2010 წელს გაემგზავრა და ჯერ “სუდუროის” შემდეგ კი “რუნავიკის” ღირსებას იცავდა. თუმცა, ყველაზე ორიგინალური ალბათ მაინც გიორგი ციმაკურიძეა. სლოვაკეთიდან საქართველოში დაბრუნების წაწრუმატებელი მცდელობის შემდეგ, ციმაკურიძემ კვლავ უცხოეთში გადაწყვიტა თამაში და ტაილანდს მიაშურა, სადაც იქაურ პირველი ლიგის “ტტმ”-ში ჩაირიცხა, შემდეგ პრემიერლიგის “ბანგკოკში” გადავიდა, თუმცა შემდეგ კვლავ პირველ ლიგას დაუბრუნდა და “ფუკეტის” ღირსებას იცავს.
ბოლოს, იმედი გამოვთქვათ, რომ მომავალში ქართველ ლეგიონერებზე საუბრისას, უფრო მაღალი დონის ჩემპიონატებზე მოგვიწევს წერა.
საქართველოს ნაკრების ფეხბურთელები ნუკრი რევიშვილი და ირაკლი მაისურაძე, რომლებიც ჩემპიონატის პირველ ეტაპზე გორის “დილას” ღირსებას იცავდნენ კარიერას მალტის ჩემპიონატში მოასპარეზე “ვალეტაში” გააგრძელებენ. მართლაც რომ უცნაური ამბავია. ქართველი ფეხბურთელების სუსტ ლიგებში თამაში ნამდვილად აღარავის უკვირს, მაგრამ როდესაც ქვეყნის ერთ-ერთი საუკეთესო მეკარე და ძალიან პერსპექტიული ახალგაზრდა ნახევარმცველი მალტის ნახევრად სამოყვარულო ლიგაში მიდიან, მართლაც ბევრი კითხვა იბადება.
გასაგებია, რომ მალტაზე, რომელიც ცხოვრების დონით ნამდვილად უსწრეფს საქართველოს, ძალიან კარგი პირობებია. მაგრამ, ფეხბურთელებმა ალბათ კარიერაზეც უნდა იფიქრონ. იმედია ამ ფეხბურთელების მალტური ვოიაჟი ხანმოკლე აღმოჩნდება და ეს ულამაზესი კუნძული კარგ ტრამპლინად აღმოჩნდება უკეთეს ლიგაში მოსახვედრად.
ასევე შეგახსენებთ, რომ “ვალეტაში” კარიერას “გაგრას” ფორვარდი აბაიომი ოვონიკოკოც გააგრძელებს.
30 ოქტომბერს გორის „დილა“ დავით ყიფიანის სახელობის თასის 1/8 ფინალის საპასუხო მატჩს სტუმრად ქობულეთში გამართავს ბათუმის „დინამოსთან“. შეგახსენებთ, ამ გუნდების პირველ დაპირისპირებაში გორელებმა ირაკლი მოდებაძის გოლით იმარჯვეს.
რამდენიმე წარუმატებელი შეხვედრის შემდეგ, „დილამ“ ეროვნული ჩემპიონატის ბოლო კალენდარულ შეხვედრაში სტუმრად მოახერხა „ვიტ ჯორჯიას“ დამარცხება ანგარიშით 2:0 და საგრძნობლად გამოიკეთა ხასიათი.
სათასო დაპირისპირებას „დილა“ სრული მობილიზებით ხვდება. დღევანდელ თამაშთან დაკავშირებით, მცირე კომენტარი გააკეთა „დილასა“ და საქართველოს ეროვნული ნაკრების გოლკიპერმა ნუკრი რევიშვილმა:
„რაც შეეხება მომავალ თამაშს, ჩვენ პირველი მატჩი მინიმალური ანგარიშით გვაქვს მოგებული და წინ ძალიან რთულ შეხვედრას ველით. ბათუმის „დინამოს“ ჰყავს რამოდენიმე ისეთი ფეხბურთელი, რომლებსაც არაერთ წამყვან კლუბებში უთამაშიათ. გვაქვს რამოდენიმე საკადრო პრობლემა, მაგრამ გუნდში არის ის კონტიგენტი გამოცდილი და ახალგაზრდა ფეხბურთელებისა, რომლებსაც შესწევთ ძალა, ორი მატჩის ჯამში დავამთავროთ ჩვენს სასარგებლოდ. წინა შეხვედრაში გამარჯვებამ გუნდს დაუბრუნა ის რწმენა, რაც აქამდე გვქონდა. ვფიქრობთ თუ ერთი გოლის გატანა მოვახერხეთ, მოწინააღმდეგეს კიდევ უფრო დავუმძიმებთ ამოცანას და მომავალ ეტაპზე თამაშის საშუალებას შევძლებთ. ასე რომ, მოუთმენლად ველით მომავალი მატჩის დაწყებას.“
„დილას“ პრესსამსახური
