„ლოს-ანჯელეს კლიპერსი“ ეროვნული საკალათბურთო ასოციაციის ახალ სეზონს 30 ოქტომბერს „ოკლაჰომა-სიტი თანდერთან“ მატჩით დაიწყებს, რის შესახებაც „Los Angeles Times“-ის ჟურნალისტი ბრედ თერნერი იტყობინება.
განვლილი სეზონის პლეიოფში ეს ორი გუნდი ერთმანეთს დასავლეთ კონფერენციის ნახევარფინალში შეხვდა. სერია ოკლაჰომელთა გამარჯვებით 4:2 დასრულდა.
2014/15 წლების სეზონის სრული განრიგი ოთხშაბათს გამოქვეყნდება.
2014/15 წლების სეზონიდან იმ კლუბებს, რომლებმაც ისტორიაში ნაციონალური საკალათბურთო ასოციაცია ერთხელ მაინც მოიგეს, საკუთარ მაისურებზე საჩემპიონო სიმბოლოს გამოსახულების უფლება ექნებათ.
როგორც ლიგის ეკიპირების ვიცე-პრეზიდენტმა კრისტოფერ არენამ განაცხადა, „ოკლაჰომა-სიტი თანდერი“ 1979 წელს „სიეტლის“ გამარჯვებასთან დაკავშირებით მსგავს სიმბოლოს არ გამოიყენებს. ეს გადაწყვეტილება თავად კლუბის ხელმძღვანელობამ მიიღო.
შეგახსენებთ, რომ განვლილი სეზონის დასავლეთ კონფერენციის ფინალისტი 2008 წლამდე „სიეტლს სუპერსონიკსის“ სახელით გამოდიოდა.
„Yahoo! Sports“-ს თუ დავუჯერებთ, „ოკლაჰომა-სიტი თანდერის“ ერთ-ერთი ლიდერი ესპანეთში გასამართ მსოფლიო ჩემპიონატზე არ გაემგზავრება.
რასელ უესტბრუკმა გადაწყვიტა, არ გაერისკა და ტრავმის მიღების აცილების მიზნით თავისი კლუბის სამწვრთნელო ბანაკში დარჩენა ამჯობინა, რომელიც სექტემბერში დაიწყება.
განვლილ სეზონში უესტბრუკმა „ოკლაჰომას“ შემადგენლობაში 46 შეხვედრა ჩაატარა, მისმა საშუალო მონაგარმა კი 21,8 ქულა, 5,7 მოხსნა და 6,9 გადაცემა შეადგინა.
„The Oklahoman“-ის მიერ მოპოვებული ინფორმაციის მიხედვით, შემტევი უკანახაზელი თაფო სეფოლოშა მომდევნო სეზონში „ოკლაჰომა სიტი თანდერში“ აღარ ითამაშებს.
შეგახსენებთ, რომ უახლოეს დროში თაბო თავიასუფალი აგენტი გახდება.
განვლვილ სეზონში „თანდერში“ მისმა საშუალო მონაგარმა 6,3 ქულა და 3,6 მოხსნა შეადგინა.
გეტყვით იმასაც, რომ „ოკლაჰომაში“ სეფოლოშა 2009 წლიდან გამოდის.
„ESPN New York“-ის ინფორმაციით, დერეკ ფიშერი „ნიქსის“ ხელმძღვანელობას შეუთანხმდა. მხარეები კონტრაქტს სულ მალე გააფორმებენ, რომლის მიხედვითაც, 39 წლის ფიშერი ხუთ წელიწადში ხელფასის სახით ოცდახუთ მილიონ დოლარს მიიღებს.
„ლოს-ანჯელეს ლეიკერსში“ ფილ ჯექსონის თავკაცობით დერეკმა ნაციონალური საკალათბურთო ასოციაცია ხუთჯერ მოიგო. მხარეებმა შეთანხმება სწორედ ჯექსონისა და ფიშერის კარგი ურთიერთობის წყალობით მიაღწიეს.
ჯამში კი, ლიგაში დერეკმა 18 სეზონი ჩატარა. მიმდინარე და გასულ სეზონში ვეტერანმა „ოკლაჰომა-სიტი თანდერის“ შემადგენლობაში ითამაშა.
შეგახსენებთ, რომ რეგულარული ჩემპიონატის შედეგების მიხედვით, „ნიქსი“ პლეიოფში ვერ მოხვდა, რის შემდეგად კლუბმა მაიკ ვუდსონი მთავარი მწვრთნელის პოსტიდან გაათავისუფლა.
ალექსანდრე მატევოსოვი
„ლოს-ანჯელეს ლეიკერსის“ ხელმძღვანელობა გუნდის პოტენციურ მთავარ მწვრთნელად დერეკ ფიშერს არ მოიაზრებს, რის შესახებაც „ლოს-ანჯელეს თაიმსი“ წერს.
კალიფორნიელებმა გადაწყვიტეს, რომ ამ პოსტზე გამოცდილი სპეციალისტი დანიშნონ.
39 წლის ფიშერი, რომელიც „ლეიკერსში“ 1996 წლიდან 2004 წლამდე და ასევე 2007 წლიდან 2012 წლამდე გამოდიოდა, 2013/14 წლების სეზონი „ოკლაჰომა-სიტი თანდერში“ ჩაატარა.
აქვე შეგახსენებთ, რომ დიდი ალთობით, დერეკი „ნიუ-იორკ ნიქსის“ მთავარი მწვრთნელი გახდება, რომლის პრეზიდენტიც ფილ ჯექსონი გახლავთ.
ალექსანდრე მატევოსოვი
ნაციონალური საკალათბურთო ასოციაციის სადისციპლინო კომიტეტმა „ნიუ-იორკ ნიქსის“ პრეზიდენტი ფილ ჯექსონი „ოკლაჰომა-სიტი თანდერის“ გამთამაშებელზე დერეკ ფიშრზე გაკეთებული კომენტარის გამო 25 ათასი დოლარით დააჯარიმა, რის შესახებაც ESPN.com-ი იუწყება.
ბოლო პრესკონფერენციაზე ჯექსონმა განაცხადა, რომ, შესაძლოა, გუნდის მთავარ მწვრთნელად სწორედ „თანდერის“ 39 წლის მოთამაშე დანიშნოს.
შეგახსენებთ, რომ ვეტერანი კალათბურთელი ბოლო დროს ნიუ-იორკელთა მომავალ თავკაცად მოიაზრება.
ალექსანდრე მატევოსოვი
„სან-ანტონიო სპურსთან“ წაგებული სერის შემდეგ „ოკლაჰომა-სიტი თანდერის“ მთავარმა მწვრთნელმა სკოტ ბრუკსმა განაცხადა, რომ კლუბის დატოვებას არ აპირებს.
„წასვლის ვარიანტს არც კი განვიხლავ. უბრალოდ ჩემ ყოველდღიურ სამუშაოს ვასრულებ.
მომწონს ჩემი გუნდი და ის საქმე, რომელსაც აქ ვაკეთებ. ვიცი, რომ ყველამ მომავალში უკეთესად უნდა ვიმუშაოთ“, – სპეციალისტის ეს სიტყვები ESPN.com-ს მოჰყავს.
ალექსანდრე მატევოსოვი
გამთენიისას ნაციონალური საკალათბურთო ასოციაციის დასავლეთ კონფერენციის ფინალური სერიის მესამე მატჩი გაიმართა. ამჯერად მატჩი „ოკლაჰომა-სიტი თანდერის“ დარბაზში შედგა, გამარჯვება კი 9 ქულით „თანდერმა“ მოიპოვა, რითაც სერიაში ანგარიში შეამცირა.
საუკეთესო მასპინძელთა რიგებში რასელ უესტბრუკი იყო, რომელმაც 26 ქულა დააგროვა. მასზე ერთი ქულით ნაკლები თავის ანგარიშზე კევინ დურანტმა ჩაიწერა. რაც შეეხება სტუმრებს, მათ შემადგენლობაში მანუ ჟინობილი გამოირჩა, რომლის შედეგმაც 23 ქულა შეადგინა.
აღსანიშნავია, რომ თამაში „თანდერის“ ესპანელმა ფორვარდმა სერჟ იბაკამ მოახერხა, რომელმაც სერიის დაწყების წინ ტრავმა მიიღო, რის გამოც მისი მიმდინარე სეზონში თამაში კითხვის ნიშნის ქვეშ იყო.
„ოკლაჰომა-სიტი თანდერი“ – „სან-ანტონიო სპურსი“ 106:97
„თანდერი“: უესტბრუკი (26 ქ. 8 მ. 7 გ. 3 ჩ. 5 დ.), დურანტი (25 ქ. 10 მ.), იბაკა (15 ქ. 7 მ. 4 ბ.), ჯექსონი (15 ქ. 5 პ.), ადამსი (7 ქ. 9 მ. 4 ბ.)
„სპურსი“: ჟინობილი (23 ქ.), დანკანი (16 ქ. 8 მ.), ლეონარდი (10 ქ.), პარკერი (9 ქ.), გრინი (8 ქ.), დიაო (6 ქ. 6 მ. 6 პ.)
„იაჰუ სპორტსის“ ინფორმაციით, „ოკლაჰომა-სიტი თანდერის“ ვეტერანს დერეკ ფიშერს „ნიუ-იორკ ნიქსის“ მთავარი მწვრთნელის პოსტის დაკავების ყველაზე მეტი შანსი აქვს.
აქამდე იყო ვარაუდი, რომ ნიუ-იორკელები კონტრაქტის გაფორმებას „დენვერ ნაგეტსის“ თავკაცთან ბრაიან შოუსთან შეეცდებოდნენ, თუმცა ამ უკანასკვნელმა კოლორადოში დარჩენა ამჯობინა. აქედან გამომდინარე, ამ ეტაპზე „ნიქსის“ თავკაცობის ყველაზე მეტი შანსი სწორედ ფიშერს აქვს.
ცნობისთვის, დერეკს „ლოს-ანჯელეს ლეიკერსის“ შემადგენლობაში ფილ ჯექსონის თავკაცობით ზედიზედ ხუთი ჩემპიონატი აქვს მოგებული.
თავად 39 წლის კალათბურთელის გეგმების შესახებ კი ამჟამად არაფერია ცნობილი
ალექსანდრე მატევოსოვი
„ოკლაჰომა-სიტი თანდერის“ ვეტერანმა დერეკ ფიშერმა, რომელიც „ნიუ-იორკ ნიქსის“ შესაძლო თავკაცად მოიაზრება, ჯერ არ იცის, დაიწყებს თუ არა სამწვრთნელო კარიერას.
„სიმართლე რომ გითხრათ, სამწვრთნელო საქმიანობის დაწყებაზე არც კი მიფიქრია. ჩემი აზრით, ამისთვის დიდი სურვილი, დრო და მონდომებაა საჭირო. მსგავს სიტუაციებში სათანადო დროის დადგომას უნდა ელოდო“, – განუცხადა ფიშერმა „USA Today“-ს.
ალექსანდრე მატევოსოვი
„ოკლაჰომა-სიტი თანდერის“ გამთამაშებელმა რასელ უესბრუკმა „ლოს-ანჯელეს კლიპერსთან“ სერიის მეოთხე მატჩის შემდეგ მეტოქეები სიმულაციაში დაადანაშაულა.
„დღეს ძალიან ბევრი სიმულაცია იყო. ეს ყველაფერი იაფ ტრიუკებს ჰგავდა“, – განუცხადა უესტბრუკმა CBSSports.com-ს.
ალექსანდრე მატევოსოვი
