„ლოს-ანჯელეს კლიპერსისა“ და „ოკლაჰომა-სიტი თანდერის“ მატჩის მესამე მეოთხედში კალიფორნიელთა თავდამსხმელი ბლეიკ გრიფინი სერჟ იბაკას შეეჯახა, რის შედეგადაც ცხვირიდან სისლი წამოუვიდა.
მიუხედავად ამისა, მსაჯებს იბაკა „პერსონალურით“ არ გაუფრთხილებიათ, რის გამოც გრიფინი უკმაყოფილო დარჩა.
აქვე წარმოგიდგენთ ამ ეპიზოდის ამსახველ ვიდეოს:
„ლოს-ანჯელეს კლიპერსის“ მთავარმა მწვრთნელმა დოკ რივერსმა „ოკლაჰომა-სიტი თანდერთან“ წაგების მიზეზებზე ისაუბრა.
„თანდერს“ პრაქტიკულად ყველაფერი გამოსდიოდა. ისინი სამქულიანებს, ალეი აპებს და სხვა შანსებს იყენებდნენ. ბოლოს ჩვენმა მეტოქემ ყველა ეპიზოდი გამოიყენა. ამ ყველაფრის გაკეთებას ჩვენც ვცდილობდით, თუმცა ვერაფერი გამოგვივიდა. ჩვენი თავდასხმა სათანადოდ ვერ თამაშობდა, რადგან დაცვაში პრობლემები შგვექმნა“, – განაცხადა კალიფორნიელთა თავკაცმა.
ალექსანდრე მატევოსოვი
გამთენიისას ნაციონალური საკალათბურთო ასოციაციის პლეიოფის მეორე რაუნდის ორი სერიის მესამე მატჩი ჩატარდა.
ვაშინგტონში „უიზარდსმა“ „ინდიანა პეისერსი“ მიიღო და 22 ქულით დამარცხდა. საუკეთესო დედაქალაქელთა რიგებში ბილი აღმოჩნდა, რომელმაც 16 ქულა დააგროვა. სტუმართა შემადგენლობიდან პოლ ჯორჯი გამოირჩა – მისმა მონაგარმა 23 ქულა 8 მოხსნა და 3 ჩაჭრა შეადგინა.
„ვაშინგტონ უიზარდსი“ – „ინდიანა პეისერსი“ 63:85 (17:17, 16:17, 12:26, 18:25)
„უიზარდსი“: ბილი (16 ქ.), უოლი (15 ქ. 6 პ. 7 დ.), არიზა (12 ქ. 15 მ. 3 ჩ.), გორტატი (4 ქ. 10 მ.)
„ინდიანა პეისერსი“: ჯორჯი (23 ქ. 8 მ. 3 ჩ.), ჰიბერtი (14 ქ. 5 მ. 3 ბ.), უესტი (12 ქ.), სკოლა (11 ქ.), სტივენსონი (9 ქ. 7 მ. 5 პ.), ჰილი (9 ქ. 5 მ. 5 პ. 3 ჩ.)
ანგარიში სერიაში: 2:1 „პეისერსის“ სასარგებლოდ
ლოს-ანჯელესში „კლიპერსმა“ „ოკლაჰომა-სიტი თანდერი“ მიიღო და 6 ქულით წააგო. საუკეთესო დოკ რივერსის გუნდის რიგებიდან ბლეიკ გრიფინი იყო – მან 34 ქულა დააგროვა, 8 მოხსნა და 3 ბლოკშოთი გააკეთა. „თანდერის“ მხრიდან დურანტი და უესტბრუკი გამოირჩნენ – კევინის მონაგარმა 36 ქულა, 8 მოხსნა და 6 პასი შეადგინა, ხოლო უესტბრუკმა 23 ქულა დააგროვა, 13 პასი და 8 მოხსნა გააკეთა.
„ლოს-ანჯელეს კლიპერსი“ – „ოკლაჰომა-სიტი თანდერი“ 112:118 (33:29, 30:32, 27:25, 22:32)
„კლიპერსი“: გრიფინი (34 ქ. 8 მ. 3 ბ.), პოლი (21 ქ. 16 პ. 3 ჩ. 0 დ.), კროუფორდი (20 ქ.), ბარნსი (14 ქ. 5 მ.), ჯორდანი (10 ქ. 11 მ. 3 ბ.)
„თანდერი“: დურანტი (36 ქ. 8 მ. 6 პ.), უესტბრუკი (23 ქ. 13 პ. 8 მ.), იბაკა (20 ქ. 6 მ.), ბატლერი (14 ქ.), ჯექსონი (14 ქ.)
ანგარიში სერიაში: 2:1 „თანდერის“ სასარგებლოდ
„ოკლაჰომა-სიტი თანდერის“ ფორვარდი კევინ დურანტი რეგულარული სეზონის MVP-დ დასახელდა.
გამოკითხვის შედეგების მიხედვით, კევინმა 1232 ქულა დააგროვა – 125 სპორტული მიმომხილველიდან 119-მა ხმა სწორედ დურანტს მისცა. „თანდერის“ ფორვარდის შემდეგ მეორე ადგილი ლებრონ ჯეიმსმა დაიკავა (891 ქულა), ხოლო „ლოს-ანჯელეს კლიპერსის“ მძიმე ფორვარდი ბლეიკ გრიფინი სამეულში 434 ქულით შევიდა.
მიმდინარე სეზონში დურანტი თვის საუკეთესო მოთამაშე ხუთჯერ გახდა, ასევე ექვსჯერ კვირის საუკეთესი კალათბურთელად დასახელდა. კეიდის ანგარიშზე ზედიზედ 41 მატჩია, რომელშიც მისმა მონაგარმა 25 ქულა შეადგინა.
რეგულარულ სეზონში „ოკლაჰომას“ წამყვანი კალათბურთელის საშუალო შედეგმა 32 ქულა, 7,4 მოხსნა და 5,5 გადაცემა შეადგინა.
ალექსანდრე მატევოსოვი
„მაიამი ჰიტის“ ფორვარდმა ლებრონ ჯეიმსმა, რომელმაც ბოლო ხუთ სეზონში MVP-ს ოთხი წუდება მოიპოვა, კევინ დურანტს მიმდინარე სეზონში ამ პრიზის მოგება მიულოცა.
„დურანტმა ეს წოდება დაიმსახურა, ისევე, როგორც პატივისცემა. იგი ბრწყინვალე სეზონს ატარებს“, – განუცხადა ჯეიმსმა ESPN.com-ს.
შეგახსენებთ, რომ ოფიციალურად „თანდერის“ ფორვარდი ამ პრიზს მიმდინარე კვირას მიიღებს.
ალექსანდრე მატევოსოვი
„ოკლაჰომა-სიტი თანდერის“ ფორვარდი კევინ დურანტი სეზონის MVP-დ დასახელდება, რის შესახებაც ESPN.com-ი იუწყება.
დურანტი, რომლისთვისაც ეს პირველი MVP-ს წოდებაა, რეგულარული ჩემპიონატის საუკეთესო სნაიპერი გახდა – ერთ მატჩში მისმა საშუალო მონაგარმა 32 ქულა შეადგინა. ბოლო, ვისაც მსგავსი შედეგი ჰქონდა, ალენ აივერსონი იყო, რომელიც ასეთი მონაგარით 2001 წელს გამოირჩა.
შეგახსენებთ, რომ ბოლოს სეზონის MVP-დ „მაიამი ჰიტის“ ლიდერი ლებრონ ჯეიმსი დასახელდა, რომელმაც ეს წოდება ზედიზედ ორჯერ მოიპოვა.
ალექსანდრე მატევოსოვი
დღეს, გამთენიისას,„მემფის გრიზლისსა“ და „ოკლაჰომა-სიტი თანდერს“ შორის ნაციონალური საკალათბურთო ასოციაციის პლეი-ოფის სერიის მეექვსე მატჩი გაიმართა, რომელიც „თანდერის“ გამარჯვების 84:104 დასრულდა. შეხვედრის საუკეთესო მოთამაშედ კი კევინ დურანტი დასახელდა, რომელმაც 36 ქულა დააგროვა.
წარმოგიდგენთ ოკაჰომელთა წამყვანი მოთამაშის მატჩისშემდგომ კომენტარს:
„ვალდელნი ვიყავით, მოგვეგო. როდესაც ასეთ მდგომარეობაში ხარ, მოტივაცია გემატება. მეშვიდე და გადამწყვეტ მატჩში კიდევ უფრო კარგად უნდა ვითამაშოთ, რათა შემდგომ ეტაპზე გავიდეთ“, – განუცხადა ფორვარდმა ESPN.com-ს.
ალექსანდრე მატევოსოვი
„მემფის გრიზლისთან“ სერიის მეხუთე მატჩი „ოკლაჰომა-სიტი თანდერის“ 39 წლის გამთამაშებლისთვის დერეკ ფიშერისთვის პლეი-ოფში 245-ე გამოდგა.
ნაციონალური საკალთბურთო ასოციაციის ოფიციალური ვებსაიტის ცნობით, ეს ლიგის ისტოიაში საუკეთესო შედეგია.
ცნობისთვის, წინა რეკორდი რობერტ ორის ეკუთვნის, რომელმაც პლანეთს საუკეთესო საკალათბურთო ლიგის პლეი-ოფში 244 მატჩი ჩაატარა.
„ჰიუსტონ როკეტსთან“ მატჩში „ოკლაჰომა სიტი თანდერის“ ფორვარდმა კევინ დურანტმა 28 ქულა დააგროვა.
ამ შედეგით „თანდერის“ ლიდერს ზედიზედ ორმოც შეხვედრაში 25 ქულაზე ნაკლები არ დაუგროვებია.
ბოლოს მსგავსი შედეგი კი მაიკლ ჯორდანს 1986/1987 წელს ჰქონდა.
ცნობისთვის, „როკეტსთან“ მატჩი „თანდერმა“ 111:107 დათმო.
ალექსანდრე მატევოსოვი
„ტორონტო რეპტორსის“ გამთამაშებელმა გრევის ვასკესმა, რომელიც მერილენდის სკოლაში კალათბურთის თამაშს კევინ დურანტთან ერთად იწყებდა, „ოკაჰომა სიტი თანდერის“ ლიდერით აღფრთოვანებულია.
„ამჟამად დურანტი ლიგაში როგორც იესოა. როდესაც იგი თქვენს გუნდში თამაშობს, შეგიძლიათ არაფრის გეშინოდეთ“, – განუცხადა ვასკესმა „ოკლაჰომენის“ ჟურნალისტს.
„რეპტორსთან“ გუშინდელ შეხვედრაში დურანტმა 51 ქულა დააგროვა და თავის გუნდს ოვერტაიმში მოაგებინა.
ალექსანდრე მატევოსოვი
„ოკლაჰომა სიტი თანდერთან“ წაგებული მატჩის შემდეგ „ჩიკაგო ბულსის“ ცენტრმა ჟოაკიმ ნოამ მეტოქის ლიდერი კევინ დურანტი შეაქო.
„მისი თამაში განსაკუთრებულ ყურადღებას საჭიროებს. ახლა სწორედ დურანტზე საუბრის დრო მოვიდა. ვფიქრობ, დღეს იგი მსოფლიოს საუკეთესო კალათბურთელია“, – განაცხადა ფრანგმა მოთამაშემ.
ალექსანდრე მატევოსოვი
„ოკლაჰომა სიტი თანდერის“ ლიდერმა კევინ დურანტმა ნაციონალური საკალათბურთო ასოციაციის გამორჩეულ მოთამაშეზე კობი ბრაიანტზე ისაუბრა.
„კობი – ყველა დროის ერთ-ერთი საუკეთესო კალათბურთელია. მისი ვინმესთან შედარება რთულია. საკალათბურთო ნიჭის მხვრივ მაიკლ ჯორდანთან ერთად იგი ერთ დონეზეა. აქ საუბარი მხოლოდ საკალათბურთო ნიჭზეა, რაც თამაშში ყველაზე მნიშვნელოვანია. ზუსტად ამიტომ, კობი იმ ორ კალათბურთელთა შორისაა, რომელსაც სწრაფად თამაში, სამქულიანების ჩაგდება, დანკები, დრიბლინგი და სხვა არანაკლებად მნიშვნელოვანი პლიუსები აქვს. ამ მხვრივ მაიკისგან იგი არაფრით განსხვავდება“, – განუცხადა „დურანტულამ“ „ლოს-ანჯელეს დეილი ნიუსს“.
ალექსანდრე მატევოსოვი
