ფიფას პრეზიდენტმა იოზეფ ბლატერმა განაცხადა, რომ მსოფლიო ფეხბურთის მმართველი ორგანო ისრაელისა და პალესტინის ნაკრებებს შორის ამხანაგური მატჩის ჩატარებას აპირებს.
შეგახსენებთ, რომ ცოტა ხნის წინათ პალსტინის ფეხბურთის ასოციაციამ მოითხოვა, ისრაელს საფეხბურთო საქმიანობა აეკრძალოს. პალესტინის მხარე ამტკიცებს, რომ ისრაელი თავის ფეხბურთელებს ღაზის სექტორსა და მდინარე იორდანის დასავლეთ სანაპიროზე გადაადგილების საშუალებას არ აძლევს. გარდა ამისა, ებრაულ მხარეს პალესტინის ტერიტორიიდან სპორტული აღჭურვილობის იმპორტი აკრძალული აქვს.
“პრემიერ-მინისტრ ბენიამინ ნეთანიაჰუსთან შეხვედრისას ერთ-ერთი თემა ისრაელისა და პალესტინის ნაკრებებს შორის გასამართი ამხანაგური მატჩი იყო. შეხვედრის ჩატარების თარიღი ჯერჯერობით უცნობია, თუმცა მთავარია, რომ ეს ორივე მხარესთვის მშვიდობის მატჩი იქნება”, – ციტირებს ბლატერის სიტყვებს AFP.
