როგორც ჩანს, „ლოს-ანჯელეს ლეიკერსის“ ესპანელი ფორვარდი პაუ გასოლი კალიფორნიული კლუბის ხელმძღვანელობას ახალი კონტრაქტის გაფორმების თხოვნით მიმართავს.
„თამაშს „ლეიკერსის“ მაისურით გავაგრძელებდი. მეტიც, კარიერის დასრულება სწორედ ამ კლუბში მსურს. ვნახოთ, რა მოხდება სეზონის ბოლოს“, – განაცხადა გასოლმა.
შეგახსენებთ, რომ 33 წლის მოთამაშეს „ლეიკერსთან“ მოქმედი კონტრაქტი მიმდინარე სეზონის ბოლომდე აკავშირებს.
ცნობისთვის, მიმდინარე სეზონში პაუს საშუალო მონაგარი 14,5 ქულასა და 9,8 მოხსნას შადგენს. ჯამში მან 19 მატჩი ჩაატარა და საშუალოდ 30,7 წუთი ითამაშა.
ალექსანდრე მატევოსოვი
