„მანჩესტერ სიტის“ ნახევარმცველმა ფრენკ ლამპარდმა „ჩელსისთან“ ფრედ 1:1 დასრულებული მატჩი შეაჯამა.
„ბოლო მატჩებში ცოტა მოვუკელით, თუმცა დღეს უკეთესად გამოვედით. არამგონია, შედეგის გამო გული არ უნდა დაგვწყდეს.
პირადად ჩემთვის, „სტემფორდ ბრიჯზე“ ჩასვლა ცოტა უცნაური იყო. ვნერვიულობდი, თუმცა მიხარია, რომ გულშემატკივრები თბილად დამხვდნენ. მატჩამდე რთული იყო იმის თქმა, თუ როგორ მიმიღებდა აქაური პუბლიკა. მიხარია, რომ დავბრუნდი და ნაცნობი სახეები ვნახე“, – განაცხადა ფრენკმა.
„ინტერის“ ახალწვეულმა მაცელო ბროზოვიჩმა თავის ტრანსფერზე ისაუბრა.
„აქ ყოფნაზე ყოველთვის ვოცნებობდი. „ინტერი“ დიდებული კლუბია, რომელსაც დიდი ისტორია აქვს. ასეთი კარგი გულშემატკივრები აქამდე არასდროს მინახავს.
იმედია, ჩემზე დაკისრებულ იმედს გავამართლებ. ჯერ ახალგაზრდა ვარ და მომავალში, უკეთეს ფეხბურთელად ჩამოყალიბებაზე ვოცნებობ.
საყრდენი ნახევარმცველის პოზიციაზე ვითამაშებდი. ყველაფერი სქემისგან იქნება დამოკიდებული. თამაშის მანერით, ფრენკ ლამპარდს ვგავარ. მსურს, მისი დონის მოთამაშე გავხდე“, – განაცხადა ბროზოვიჩმა.
„მანჩესტერ სიტის“ ფეხბურთელები ერთ-ერთ ბოლო ვარჯიშზე ერთმანეთს საჯარიმო დარტყმების შესრულებაში შეეჯიბრნენ.
„ჰამბურგთან“ არაბეთის გაერთიანებულ საამიროებში გამართულ ამხანაგურ მატჩში „მანჩესტერ სიტის“ ნახევარმცველმა ფრენკ ლამპარდმა ტრავმა მიიღო, რომლის გამოც მოედანი ნაადრევად დატოვა. გამოცდილი შუახაზელი პირველი ტაიმის მე-20 წუთზე დაშავდა.
ცნობისთვის, ხსენებული მატჩი „ქალაქელებმა“ ანგარიშით 2:0 მოიგეს – გოლები სტეფან იოვეტიჩმა და ედინ ჯეკომ გაიტანეს.
მიმდინარე სეზონში ინგლისის პრემიერლიგაში ლამპარდმა 17 მატჩი ჩაატარა და ხუთი გოილი გაიტანა. შემდეგ მატჩს მანჩესტერელები 24 იანვარს ჩაატარებენ – ინგლისის თასის 1/16 ფინალში მათი მეტოქე „მიდლსბრო“ იქნება.
“მანჩესტერ სიტიმ” ფრენკ ლამპარდთან საიჯარო ხელშეკრულების გახანგრძლივება ოფიციალურად დაადასტურა. “ნიუ-იორკ სიტის” საკუთრებაში მყოფი 36 წლის ნახევარმცველი ინგლისურ პრემიერლიგაში სეზონის ბოლომდე დარჩება.
ინგლისის მთავარი საფეხბურთო ლიგის მიმდინარე გათამასებაში ლამპარდმა 14 მატჩი ჩაატარა და 4 გოლი გაიტანა. ჩემპიონთა ლიგაში კი ორჯერ ითამაშა და საკუთარ გუნდს 1/8 ფინალში გასვლაში დაეხმარა.
შეგახსენებთ, რომ 2001-2014 წლებში ლამპარადი “ჩელსის” ღირსებას იცავდა. გასულ ზაფხულს კი “ნიუ-იორკ სიტისთან” გააფრომა კონტრაქტი, რის შემდეგაც იჯარის წესით “მანჩესტერ სიტიში” გადავიდა.
„ჩელსის“ მთავარი მწვრთნელი ჟოზე მოურინიო ნაწყენი არ არის, რომ ფრენკ ლამპარდი გოლებს „მანჩესტერ სიტის“ მაისურით იტანს.
„მართალი ვიყავი, როდესაც ლამპარდი გავუშვი. ჩვენ სწორი გადაწყვეტილება მივიღეთ. თუ მომავალზე იფიქრებთ, მაშინ, მიხვდებით, რომ ფაბრეგასი და მატიჩი კლუბისთვის დიდ სამუშაოს კიდევ ათი წლის განმავლობაში შეასრულებენ.
ჩვენი პროექტი ბოლომდე უნდა გავაცნობიეროთ. იგი უამრავ წელიწადზე და არა კონკრეტულ სეზონზეა გათვლილი. შესაძლოა, შემედავოთ და მითხრათ, რომ დროგბასა და ტერის სახით „ჩელსის“ ასაკოვანი ფეხბურთელები ჰყავს. ეს სხვა შემთხვევაა. დიდიე თავდამსხმელია, რომელსაც შეცვლაზე გამოსვლა და სხვა შემტევების დახმარება შეუძლია“, – ციტირებს პორტუგალიელს გამოცემა „მირორი“.
„მანჩესტერ სიტის“ მაისურით ლამპარდმა 11 მატჩი ჩაატარა და 301 წუთში 4 გოლისა და 2 შედეგიანი პასის გაკეთება მოასწრო.
ინგლისის პრემიერლიგის XVI ტურში “მანჩესტერ სიტიმ” ფრენკ ლამპარდის კინკილა გოლის წყალობით “ლესტერ სიტი” ანგარიშით 1:0 დაამარცხა. 36 წლის ინგლისელი ნახევარმცველი პრემიერლიგაში გატანილი გოლების რაოდენობით ლონდონის “არსენალის” ყოფილ თავდამსხმელ ტიერი ანრის გაუთანაბრდა.
ანრისა და ლამპარდის ანგარიშზე 175-175 გოლია. პრემიერლიგის ყველა დროის საუკეთესო მეგოლეთა შორის ისინი მეოთხე-მეხუთე ადგილებს ინაწილებენ.
“ძალიან ბედნიერი ვარ. არ მეგონა, რომ ამას შევძლებდი. ანრის დიდ პატივს ვცემ. ის პრემიერლიგის ისტორიაში ერთ-ერთი საუკეთესო ფეხბურთელია და მასთან გათანაბრება მართლაც საოცარი რამ გახლავთ”, – ლამპარდის სიტყვებს BBC აქვეყნებს.
ცნობისათვის, ინგლისის პრემიერლიგის ყველა დროის საუკეთესო ბომბარდირი “ნიუკასლ იუნაიტედის” ყოფილი თავდამსხმელი ალან შირერი გახლავთ, რომელსაც 260 გოლი აქვს გატანილი. მეორე ადგილზე 187 გატანილი ბურთით “მანჩესტერ იუნაიტედის” ყოფილი ფორვარდი ენდი კოულია, ხოლო მესამე ადგილი 178 გოლით უეინ რუნის უკავია.
Daily Mail-ის ცნობით “მანჩესტერ სიტი” ფრანკ ლამპარდის იჯარას არ გაახანგრძლივებს. ასე რომ, 36 წლის ფეხბურთელი 2015 წლის იანვარში “ნიუ-იორკ სიტის” ფეხბურთელი გახდება.
პრემიერლიგის მიმდინარე გათამაშებაში ლამპარდმა 6 მატჩში ჩაატარა და ორი გოლის გატანა მოახერხა.
“მანჩესტერ სიტის” ნახევარმცველმა ფრენკ ლამპრადმა ტრავმის გამო “ტოტენჰემთან” მატჩის დასრულება ვერ შესძლო. 36 წლის ფეხბურთელმა დაზიანება პირველ ტაიმში მიიღო, რის შემდეგაც ინგლისელი ფერნანდინიომ შეცვალა.
აღსანიშნვია, რომ ამ ეპიზოდამდე ლამპარდმა საგოლე პასის განხორციელება მოახერხა.
მიმდინარე სეზონში ლამპარდის ანგარიშზე ოთხი მატჩი და ორი გატანილი გოლია.
“მანჩესტერ სიტიმ” შესაძლოა ფრენკ ლამპარდის იჯარა გაახანგრძლივოს, რაც გუნდში ცენტრალური ნახევარმცველების უკმარისობით არის გამოწვეული.
იანვარში იაია ტურე აფრიკის თასზე გაემგზავრება და მანჩსტერულ კლუბში ცენტრალური ნახევარმცველებიდან მხოლოდ ფერნანდინიო და ფერნანდო დარჩებიან. შესაბამისად, “სიტის” ხელმძღვანელობა ლამპარდის სეზონის ბოლომდე შენარჩუნებას ეცდება.
შეგახსენებთ, რომ “ჩელსის” ყოფილმა ნახევარმცველმა მიმდინარე სეზონში ორი შეხვედრა ჩაატარა და ყოფილი გუნდის კარში გოლიც გაიტანა.
მოგეხსენებათ, „ჩელსისთან“ შეხვედრაში „მანჩესტერ სიტის“ ნახევარმცველმა ფრენკ ლამპარდმა ყოფილი გუნდის კარში „ქალაქელთა მაისურით თავისი პირველი გოლი გაიტანა.
„ეს რთული სიტუაციაა. პროფესიონალი არ ვიქნებოდი, თუ მოედანზე არ გამოვიდოდი და ჩემს მოვალეობას არ შევასრულებდი. ახლა სხვადასხვა ემოციას განვიცდი.
ერთი მხვრივ, მიხარია, რომ გუნდმა, რომლის შემადგენლბოაშიც ვირიცხები, ეს მატჩი ფრედ დაასრულა. მე პროფესიონალი ვარ, მაგრამ მინდოზე გასვლასა და მითუმეტეს გოლის გატანას არ მოველოდი.
როდესაც დილით გავიღვიძე, ამას ვერც გავიფიქრებდი. ჯამში, მაინც კმაყოფილი ვარ“, – განაცხადა ფრენკმა.
დღეს, თბილისის დროით 19:00 საათზე, გაიმართა ინგლისის პრემიერ ლიგის მე-5 ტურის ცენტრალური შეხვედრა, სადაც მანჩესტერ სიტიმ, ლონდონის ”ჩელსის” უმასპინძლა. შეხვედრა საკმაოდ საინტერესო, დაძაბული და დრამატული აღმოჩნდა. ანგარიში სტუმრება, 71-ე წუთზე გახსნეს, გოლი შურლეს ანგარიშზეა. შურლეს გოლს, 85-ე წუთზე, ლონდონის ”ჩელსის ყოფილმა ლეგენდალურმა ფეხბურთელმა უპასუხა და ანგარიში გაათანაბრა, ფრენკ ლამპარდმა, გატანილი გოლი ღირსეულად არ აღნიშნა.
