დღეს საქართველოს ფუტსალის ეროვნული ჩემპიონატის მატჩები გაიმართა. შეხვედრებს ტრადიციულად “არენა 2” მასპინძობდა.
“არმაზმა” 11-4 დაამარცხა “როდოპოლისი”. ხოლო დღის და საერთოდ მთელი ტურის გამორჩეული და ყველაზე დაძაბული მატჩი “გრანდმა” და “ქვახვრელმა” ჩაატარეს. ახალგაზრდა მოთამაშეებით დაკომპლექტებულმა თბილისის “გრანდმა” მინიმალური სხვაობით შესძლო მოწინააღმდეგის დამარცხება – 8-7. ეს “გრანდის” მეორე გამარჯვებაა სამ ტურში.
საკმაოდ კარგი ამბავი გავიგეთ ფუტსალის სამყაროდან. როგორც იქნა საშველი დაადგა და თბილისში, საქართველოში ფუტსალის პირველი სკოლა გაიხსნება. ამ მნიშვნელოვანი საქმის წამომწყებია თბილისი “გრანდი“. ეს გუნდი წელს პირველად მონაწილეობს ფუტსალის უმაღლეს ლიგაში. აქვე აუცილებლად არის აღსანიშნავი, რომ “გრანდს“ ამ საქმეში ფუტსალის ასოციაციას ეხმარება, რაც ძალიან მნიშვნელოვანია.
“გრანდის“ მთავარი მიზანი, ახალგაზრდა ფეხბურთელების აღზრდა იქნება, რომლებიც შემდგომში ქართულ კლუბებს და რაც ყველაზე მნიშნველოვანია ნაკრებ გუნდებს გამოადგებიან.
საქართველოში ფუტსალის პირველი სკოლა სულ მალე დაიწყებს ფუნქციონირებას. გთავაზობთ სკოლის საკონტაქტო ნომერს.
551509830
სპორტკომპლექს “არენაში” საქართველოს ფუტსალის უმაღლესი ლიგის მეორე ტურის შეხვედრები გაიმართა. გათამაშების ფავორიტებმა იოლი გამარჯვებები მოიპოვეს.
“სტუ-თელასი” – “სამცხეთი” 19-1
“იბერია სტარი” – “განთიადი” 21-0
შეგახსენებთ გუშინდელი შეხვედრების შედეგებს.
“გრანდი” – “დიცი” 17-2
“როდოპოლისი” – “ქვახვრელი” 5-6
დღეს სპორტკომპლქს “არენაში”, საქართველოს ფუტსალის ეროვნული ჩემპიონატის მეორე ტურის შეხვედრები გაიმართა. ქუთიასის “როდოპოლისი” გორის გუნდთან დამარცხდა ერთი ბურთის სხვაობით – 6-5.
ხოლო მეორე შეხვედრაში, თბილისის “გრანდმა” დიდი ანგარიშით დაამარცხა დიცი – 17-2. ორივე გუნდის შემადგენლობაში “გრანდის” ახალწვეული, საქართველოს ახალგაზრდული ნაკრების ყოფილი მეკარე, ლაშა წამალაშვილი გამოირჩეოდა. რომელიც უმაღლეს ლიგას შესანიშნავი თამაშით დაუბრუნდა.
ტურის დარჩენილი შეხვედრება ხვალ გაიმართება:
12:00 “სამცხეთი” – “სტუ-თელასი”
14:00 “განთიადი” – “იბერია-სტარი”
დღეს სპორტკომპლექს “არენა II” – ში საქართველოს ფუტსალის XXI ეროვნული ჩემპიონატი გაიხსნა. აღსანიშნავია, რომ წლევანდელ გათამაშებას საკმაოდ ფართო გეოგრაფია აქვს. ჩემპიონატში მონაწილეობას ცხრა გუნდი მიიღებს და ისინი ერთმანეთში ორ წრეს ითამაშებენ.
პირველ დღეს ორი შეხვედრა გაიმართა. საქართველოს მრავალგზის ჩემპიონი “იბერია” სამცხე-ჯავახეთის წარმომადგენელ, “ფარვანას” დაუპირისპირდა და გამანადგურებელი ანგარიშით დაამარცხა მოწინააღმდეგე 30-2. მიუხედავად იმისა, რომ “იბერია” ყველა ლეგიონერმა დატოვა, გუნდი მაინც რჩება წამყვან ძალად ეროვნულ ჩემპიონატში და გათამაშების მთავარი ფავორიტიც არის.
მატჩის შემდეგ ჩვენ ფედერაციის წარმომადგენლებს გავესაუბრეთ და გავიგეთ, თუ რას ფიქრობენ ისინი წლევანდელ ჩემპიონატზე.
ლევან ცქიტიშვილი: “ჩემპიონატში ცხრა გუნდი მონაწილეობს. გათამაშება თბილისი მერიის ფინანსური მხარდაჭერით ტარდება. ასევე სპორტის სამინისტრო და ფეხბურთის ფედერაცია გვეხმარებიან. ვაპირებთ ეროვნული თასის გათამაშებას. განსაკუთრებით სასიხარულოა, რომ ჩემპიონატში სხვადასხვა რეგიონების გუნდები მონაწილეობენ. გათამაშების მთავარი ფავორიტი, როგორც ყოველთვის “იბერია” იქნება”.
კახა დევდარიანი: “ჩემპიონატში ფაქტობრივად მთელი საქართველოა ჩართული. 1993 წლის მერე, როდესაც პირველი ჩემპიონატი ჩავატარეთ ფუტსალში, ასეთი ფართო გეოგრაფია გათამაშებას ჯერ არ ჰქონია. რაც ყველაზე სასიხარულოა, კიდევ არიან მსურველები და ამ გუნდებს ჩვენ ეროვნული თასის გათამაშებაში მივცემთ თავის გამოჩენის საშუალებას. აღსანიშნავია, რომ ჩემპიონატი ტარდება უფასოდ და არცერთი გუნდი საწევრო გადასახადს არ იხდის. მომავალში ვაპირებთ ბავშვთა და ქალთა ჩემპიონატების ჩატარებას. სურვილი გვაქვს, რომ ფუტსალი ყველა სკოლაში შევიდეს და მასიური გახდეს. ეს ხელს შეუწყოფს სპორტის ამ სახეობის განვითარებას.”
პირველი ტურის მეორე შეხვედრაში ერთმანეთს “სტუ-თელასი” და თბილისის “გრანდი” დაუპირისპირდნენ.მატჩის დაწყებამდე ჩვენ “გრანდის” სპორტულ დირექტორს, გიორგი შანიძეს გავესაუბრეთ.
გიორგი შანიძე: “გრანდი ისანი-სამგორის რაიონს წარმოადგენს. ახალგაზრდა ფეხბურთელებით ვართ დაკომპლექტებულები. პირველად ვთამაშობთ უმაღლეს ლიგაში და ცოტა ვნერვიულობთ. თუმცა მოვემზადეთ, ამხანაგური თამაშები ვითამაშეთ და ვფიქრობ, რომ საერთო ჯამში ცუდი შედეგი არ გვექნება ჩემპიონატში”
შეხვედრა კი “სტუ-თელასის” უპირატესობით მიმდინარეობდა. “გრანდის” ფეხბურთელებს აშკარად ეტყობოდათ ნერვიულობა. საბოლოო ჯამში 14:0 გამოცდილი სტუ-ელების სასარგებლოდ. თუმცა, უნდა აღინიშნოს, რომ “გრანდის” ახალგაზრდა ფეხბურთელებსაც ბევრჯერ ჰქონდათ გოლის გატანის საშუალება, მაგრამ სტუ-ს მეკარე ჩინებულად ირჯებოდა დღევანდელ შეხვედრაში და მეტოქე გუნდის მოთამაშეებს კარის აღების საშუალება არ მისცა.
