ჭდე: ქეცბაია

თემურ ქეცბაიამ საქართველოს ეროვნული ნაკრების შემადგენლობა დაასახელა

Posted on by -

საქართველოს ეროვნული საფეხბურთო ნაკრები ევროპის ჩემპიონატის საკვალიფიკაციო ეტაპის ორ უახლოეს მატჩს შოტლანდიისა და გიბრალტარის წინააღმდეგ ჩაატარებს. თემურ ქეცბაიას ნაკრები 11ოქტომბერს გლაზგოში შოტლანდიას შეხვდება. 14 ოქტომბერს კი გიბრალტარს, ფაროში (პორტუგალია) დაუპირისპირდება. ოფიციალური მატჩებისთვის ეროვნული ნაკრების მთავარმა მწვრთნელმა 24 ფეხბურთელი გამოიძახა.

მეკარეები: გიორგი ლორია („ოფი“, საბერძნეთი), როინ კვასხვაძე („ოთელოსი“, კვიპროსი), ომარ მიგინეიშვილი(„დინამო თბილისი“)

მცველები: გურამ კაშია („ვიტესი“, ჰოლანდია), უჩა ლობჟანიძე („ომონია“, კვიპროსი), აკაკი ხუბუტია („გოვერლა“, უკრაინა) სოლომონ კვერკველია („რუბინი“, რუსეთი), გია გრიგალავა („ანჟი“, რუსეთი), გიორგი რეხვიაშვილი („ბოლუსპორი“, თურქეთი), დავით კვირკველია („სამტრედია“), ლაშა დვალი („სკონტო“,ლატვია)

ნახევარმცველები: მურთაზ დაუშვილი („კარპატი“, უკრაინა), სანდრო კობახიძე („ვოლინი“, უკრაინა) ჯაბა კანკავა („დნიპრო“, უკრაინა), ვალერი ყაზაიშვილი(„ვიტესი“, ჰოლანდია), თორნიკე ოქრიაშვილი („გენკი“, ბელგია), ჯანო ანანიძე („სპარტაკი“, რუსეთი) ავთო ებრალიძე („ჟილ ვისენტე“, პორტუგალია“), მათე ცინცაძე, გიორგი პაპუნაშვილი, გიორგი პაპავა, ირაკლი ძარია (ყველა „დინამო“, თბილისი),

თავდამსხმელები: ლევან მჭედლიძე („ემპოლი“, იტალია), ნიკოლოზ გელაშვილი („ფლამურტარი“, ალბანეთი)

ეროვნული ნაკრები გასვლითი მატჩებისთვის მზადებას 6 ოქტომბერს გლაზგოში დაიწყებს.

ევრო 2016-ის საკვალიფიკაციო ეტაპის მეორე და მესამე ტურის ორივე მატჩის ტელე-რეპორტაჟს საზოგადოებრივი მაუწყებლის პირველი არხი შემოგთავაზებთ.

სფფ-ის პრესსამსახური

მარცხი არც თუ ისე ძლიერ მეტოქესთან…

Posted on by Levan

შეხვედრის პირველი ნახევარი საქართველოს ნაკრები ტერიტორიული უპირატესობით მიმდინარეობდა. ქეცბაიას შეგირდებმა რამდენიმე სახიფათო მომენტიც შექმნეს, თუმცა რეალურ საგოლე მომენტამდე საქმე არ მისულა. აქტიურობდნენ ყაზაიშვილი და ოქრიაშვილი. დამაჯერებელი იყო ძარია.

მაგრამ, მიუხედავად ტერიტორიული უპირატესობისა, პირველი ნახევრის ყველაზე რეალური საგოლე მომენტი არაბებმა შქმნეს, თუმცა ცენტრალური დაცვის მიერ დაშვებული შეცდომა ლობჯანძემ გამოასწორა და სიტუაციაც განმუხტა.

მეორე ნახევარი ქართველების შეტევებით დაიწყო და პირველივე წუთებზე “ჯვაროსნებმა” გოლის გატანაც კი მოახერხეს. თუმცა, დვალიშვილი თამაშგარე მდგომარეობაში აღმოჩნდა და არბიტრმა კარის აღება არ ჩათვალა.

მეორე ნახევარში თამაშის ხასიათი არ შეცვლილა გუნდები დაბალ ტემპში აგრძელებდნენ ასპარეზობას.

57-ე წუთზე საქართველოს ნაკრებს გოლის გატანის შესანიშნავი შესაძლებლობა ჰქონდა. გრიგალავას პასის შემდეგ საჯარიმოში ბურთი ოქრიაშვილმა მიიღო და კარიდან 3 მეტრში მდგომ დვალიშვილს გაუკეთა გადაცემა. თუმცა, ლადოს დარტყმა არაბთა მეკარემ მოიგერია.

ამის შემდეგ უპირატესობას ჩვენი მეტოქე დაეუფლა, რაც საბოლოოდ შედეგზეც აისახა.

73-ე წუთზე საქართველოს ნკრების საჯარიმოს ხაზთან სახიფათო საჯარიმო დაინიშნა. ალამოუდმა რბილად ჩააწოდა, ალ ფარდამ კი თავით ბურთი ლორიას კარში გადაგზავნა და ანგარიშიც გახსნა – 1:0.

გაშვებული გოლის შემდეგ საქართველოს ნაკრები გააქტიურად. გოლის გატანის მცდელობა კობახიძეს ჰქონდა, თუმცა სანდროს დარტყმული არაზუსტი გამოდგა.

85-წუთზე ჩვენს ნაკრებს გათანაბრების რეალური შანსი მიეცა. ლადო დვალიშვილმა კვლავ ვერ შესძლო მცირე მანძილიდან გოლის გატანა.

ბოლო წუთებზე არაბებიც გააქტიურდნენ. შორეული დარტყმა ლორიამ ლამაზ ნახტომში მოიგერია. სამწუხაროდ, ეს შეხვედრის ბოლო დასამახსოვრებელი მომენტი აღმოჩნდა…

საქართველოს ეროვნული ნაკრებმა მატჩი ასეთი შემადგენლობით დაიწყო:
ლორია, ლობჟანიძე, ხუბუტია, კაშია, გრიგალავა, კვერკველია, კანკავა, ყაზაიშვილი, კობახიძე, ძარია, ოქრიაშვილი.

ეროვნული ნაკრების დებიუტანტი ასაკობრივი გუნდიდან

Posted on by -

საქართველოს საფეხბურთო ნაკრები შვეიცარიაშია. თემურ ქეცბაიას გუნდი არაბეთის გაერთიანებული საემიროების ნაკრების წინააღმდეგ სათამაშოდ ნიონთან ახლოს ემზადება. ეროვნული გუნდი 30 მაისს საქართველოს 19 წლამდე ნაკრების ელიტრაუნდის შეხვედრას სრული შემადგენლობით დაესწრო.

ასაკობრივი გუნდის ისრაელთან მატჩის შემდეგ კი ნაკრებს ერთი ფეხბურთელი დაემატა. თემურ ქეცბაიას
გადაწყვეტილებით შვეიცარიაში რჩება და ნაკრებთან ერთად მოემზადება “დინამო” თბილისის 18 წლის ფეხბურთელი გიორგი პაპუნაშვილი, რომელიც 19 წლამდე ელიტრაუნდის გათამაშებაზე ერთერთი საუკეთესო იყო. ტრავმის გამო თბილისში დაბრუნდა მურთაზ დაუშვილი. საქართველოს ეროვნული ნაკრები შვეიცარიაში დღეს პირველ ვარჯიშს სწორედ იმ მოედანზე გამართავს,სადაც ასაკობრივმა ნაკრებმა ელიტრაუნდის ბოლო შეხვერა ჩაატარა. საქართველოსა და არაბეთის გაერთიანებული საემიროების მატჩი შვეიცარიაში, ჟენევასთან ახლოს Stade des Αrberes-ზე, 3 ივნისს ჩატარდება.

სფფ-ის პრესსამსახური

შვეიცარია

ქეცბაია: “უკრაინა და რუსეთი? არ არის პრობლემა”

Posted on by Levan

საქართველოს ნაკრების მთავარმა მწვრთნელმა თემურ ქეცბაიამ ევროპის ჩემპიონატის შესარჩევი ეტაპის წილისყრის დაწყებამდე რუსულ პრესასთან მცირე კომენტარი გააკეთა.

“ყველა გუნდს აქვს თავისი დადებითი მხარეები. მაღელვებს თუ ვინ შეგვხვდება მესამე-მეოთხე კალათებიდან. ახალი ფორმატის გათვალისწინებით, ევროზე მოხვედრის შანსი ფაქტობრივად ყველას აქვს.
უკრაინა და რუსეთი? არ არის პრობელმა. გავალთ მოედანზე და ვითამაშებთ” – განაცხადა ქეცბაიამ.

შეგახსენებთ, რომ დღეს ნიონში გასამართი წილისყრა თბილისის დროით 15 საათზე დაიწყება.

სახელმწიფო ქეცბაიას ხელფასს აღარ გადაიხდის

Posted on by Levan

საქართველოს ეროვნული ნაკრების მთავარი მწვრთნელის ხელფასს სახელმწიფო აღარ გადაიხდის. სპორტისა სამინისტროსა და ფეხბურთის ფედერაციის გადაწყვეტილებით, ქეცბაიას ანაზღაურებას საკუთარ თავზე ფეხბურთის ფედერაცია აიღებს. ის თანხა კი, რომელსაც სამინისტრო ქეცაიბას ხელფასზე ხარჯავდა, ეროვნულ ჩემპიონატში მონაწილე კლუბებზე გადანაწილდება.

აღნიშნული ინფორმაცია საქართველოს სპორტის სამინისტრომ ოფიციალურ საიტზე გამოქვეყნებული წერილით დაადასტურა. თუმცა წერილში აღინიშნება, რომ ის სფფ-ში ნაკრების მწვრთნელის ხელფასის მოთხოვნის საპასუხოდ გაიგზავნა, რასაც ფეხბურთის ფედერაცია დღეს გავრცელებულ განმარტებაში უარყოფს.

საქართველოს ფეხბურთის ფედერაციის პრესსამსახურის ცნობით, მას შემდეგ, რაც სამინისტრომ სახელმწიფო ბიუჯეტიდან ქეცბაიას კონტრაქტის სახელფასო პირობებში ცვლილებების შეტანა მოითხოვა, სფფ-მ კონტრაქტით გათვალისწინებული ვალდებულებების საკუთარ თავზე აღება გადაწყვიტა.

თემურ ქეცბაია ეროვნული ნაკრების მთავარი მწვრთნელის პოსტზე ევროპის 2016 წლის ჩემპიონატის საკვალიფიკაციო ეტაპის დასრულებამდე იმუშავებს.

რევაზ არველაძე: “ყველა მხარეს ურთიერთპატივისცემისკენ მოვუწოდებ”

Posted on by -

საქართველოს ფეხბურთის ფედერაციის გენერალური მდივანი, რევაზ არველაძე საქართველოს ეროვნულ ნაკრებში არსებულ დაპირისპირებას გამოეხმაურა და თქვა, რომ ის ყველა მხარეს ურთიერთპატივისცემისკენ მოუწოდებს.

შეგახსენებთ, რომ ცოტა ხნის წინ, ეროვნული ნაკრები ალექსანდრე ამისულაშვილმა დატოვა, რასაც დიდი გამოხმაურება მოყვა.

“ფეხბურთში ხშირად ხდება ისე, რომ გუნდში რაღაც გაუგებრობა იქმნება. აქამდე, ჩვენთან ხერხდებოდა ის, რომ მათ ამხელა გამოხმაურებები არ მოჰყოლოდა.

კონფლიქტი ყველა მხარეს აზარალებს. ამრიგად, მინდა, მათ ვურჩიო, რომ ერთმანეთის და საზოგადოების მიმართ უფრო მეტი პატივისცემა გამოიჩინონ”, – ამბობს არველაძე.

ფედერაციის გენერალური მდივანის თქმით, საქართველოს ნაკრების თამაშის ხარისხი და მსოფლიოს 2014 წლის ჩემპიონატის შესარჩევ ეტაპზე, ჯგუფში დაკავებული პოზიცია არადამაკმაყოფილებელია.

“სიმართლე გითხრათ, მეოთხე ადგილი და თამაშის ხარისხი დამაკმაყოფილებელი სულაც არ არის. თუმცა, ჩვენ მხოლოდ პირველი ნაკრები არ გვყავს. იმ ახალგაზრდებს, რომლებმაც ცოტა ხნის წინ წარმატებას მიაღწიეს, შრომა უნდა დაუფასდეთ.”

ქეცბაიამ ესპანეთისათვის შემადგენლობა დაასახელა

Posted on by -

საქართველოს ეროვნული საფეხბურთო ნაკრები სეზონის ბოლო ოფიციალურ შეხვედრას 15 ოქტომბერს ესპანეთში ჩაატარებს. ალბასეტეში დაგეგმილი მატჩისთვის ეროვნული გუნდის მთავარმა მწვრთნელმა 23 ფეხბურთელი გამოიძახა.

მეკარეები: გიორგი ლორია („დინამო“ თბილისი), ნუკრი რევიშვილი („დილა“, გორი), როინ კვასხვაძე („ზესტაფონი“)

მცველები: უჩა ლობჟანიძე („დნიპრო“, უკრაინა), აკაკი ხუბუტია („მორდოვია“, რუსეთი), გურამ კაშია („ვიტესი“, ჰოლანდია), ალექსანდრე ამისულაშვილი, ( „კრილია სოვეტოვი“, რუსეთი), გიორგი ხიდეშელი („ტორპედო“ , ქუთაისი), დავით კვირკველია („დინამო“ თბილისი), გულვერდ თომაშვილი („დილა“, გორი) გიორგი ფოფხაძე („იაგელონია“ პოლონეთი), მათე ღვინიანიძე ( „სევასტოპოლი“ უკრაინა)

ნახევარმცველები: ლევან ხმალაძე („დინამო“ თბილისი) ალექსანდრე კობახიძე ( „დნიპრო“, უკრაინა), თორნიკე ოქრიაშვილი ( „ილიჩევეცი“, უკრაინა), ირაკლი მაისურაძე ( „დილა“ გორი), ელგუჯა გრიგალაშვილი („დინამო“ თბილისი), ჯანო ანანიძე („როსტოვი“, რუსეთი) ირაკლი ძარია („დინამო“ თბილისი),

თავდამსხმელები: ვლადიმერ დვალიშვილი („ლეგია“, პოლონეთი), ნიკოლოზ გელაშვილი („ყარაბაღი“, აზერბაიჯანი), ბაჩანა ცხადაძე („ინტერი“ ბაქო), ირაკლი მოდებაძე („დილა“ გორი)

სფფ-ს პრეს-სამსახური