ჭდე: რაგბი

დიად გამარჯვებათა ხსოვნა გვმართებს და იმათი დაფასებაც, ვინაც ისინი გამოჭედა.

მატჩის ფოტოები >>>

მსოფლიო თასზე უკვე მეოთხედ რომ გავედით, უპრიანია გავიხსენოთ 12 წლის წინდელი თრილერი:

2002 წლის 13 ოქტომბერს, ეროვნულ სტადიონზე 17:13 ვძლიეთ რუსეთი და პირველად მოვიპოვეთ სანუკვარი საგზური.

მას აქეთ გამარჯვებებმა იმრავლა, მაგრამ ის პირველი განსაკუთრებით ტკბილი მოსაგონარია.

რაგბის კავშირი ულოცავს სრულიად რაგბის თემსა და ქართული სპორტის ყველა ქომაგს იმ დიადი დღის მორიგ წლისთავს.

საქართველო 17:13 რუსეთი

საქ: ხამაშურიძე ურჯუკაშვილი (ელიზბარაშვილი 74-75) ზიბზიბაძე ალანია კაცაძე <10-9> ჯიმშელაძე აბუსერიძე / შველიძე ა.გიორგაძე ცაბაძე (რატიანიძე 63) დიდებულიძე ნადირაძე; ზ.მჭედლიშვილი (ჩხაიძე 66) ლაბაძეზედგინიძე^კაპ – ლ: ცაბაძე: 4ჯ: ურჯუკაშვილი

რუს: დიმჩენკო სიმონოვ კორობეინიკოვ ა.სერგეევ კუზინ <10-9> რაჩკოვ (ზაკარლიუკ 41) მოტორინ / შუკაილოვ (ხროკინ 13-20, 63) რომაკ (ნიკოლაიჩუკ 74) ჰენდრიკს (ტრავკინ 73) ფედჩენკო ს.სერგეევ^კაპ; ფოლსხენკ გრაჩოვ ზიკოვ (აზარენკო 77) – ლ ა: რაჩკოვ;
გ ჯ: სიმონოვ

რეფ როლან (ირლ) @ კვი 13/10 2002, თბილისი, ეროვნული (50 ათასი)

0:3(2) 3:3(7) 6:3(21) 6:6(23ა) 6:13(29) 9:13(35) 14:13(39) / 17:13(60) ბოლო(80+1)

Rugby.GE

დასრულდა სამხრეთ აფრიკული აფეესის ქართული ტურნე. 10 ოქტომბერს შევარდენის სანაკრებო ბაზამ ქართულ-სამხრეთ აფრიკულ ასაკობრივ რაგბის მესამე, ფინალურ ეტაპს უმასპინძლა.
ფოტოები: საქ U15-აფეეს U14 >>>

ფოტოები: საქ U17-აფეეს U16 >>>

 

შეგახსენებთ, რომ ბოლო ათი დღის განმავლობაში საქართველოში ტურნეზე სამხრეთ აფრიკული ‘აფეესის’ 14 და 16 წლამდელთა გუნდები იმყოფებოდნენ. ქართული ტურნეს ფარგლებში სტუმრები ქართველ 15 და 17 წლმადელებს 3, 6 და 10 ოქტომბერს ეთამაშნენ.

პირველი სამატჩო დღე შევარდენზე შედგა, რომელშიც აფრიკელ ჭაბუკებს საქართველოს 15 წლამდელთა ნაკრები და აღმოსავლეთ საქართველოს 17 წლამდელები ეთამაშნენ. ორივე შეხვედრაში მასპინძლებმა გაიმარჯვეს.

სამი დღის შემდეგ, ტურნეს მეორე ეტაპი ქუთაისში, აიას ახალ სტადიონზე შედგა. პირველი შეხვედრა დასავლეთ საქართველოს 15 წლამდელებმა 17-19 დათმეს, ხოლო საღამოს მეორე მატჩში 17 წლამდელებმა 15-0 სძლიეს სტუმართა 16 წლამდელებს.

როგორც ზემოთ ავღნიშნეთ, ასპარეზობის ბოლო ეტაპი გუშინ, 10 ოქტომბერს შევარდენის სანაკრებო ბაზაზე გაიმართა.16:30 საათზე საქართველოს 15-წლამდელთა ნაკრები აფეესის 14 წლამდელებს ეთამაშა და მატჩში ანგარიშით 14-5 სძლია მოწინააღმდეგეს.

მეორე შეხვედრაში, რომელიც 18:00 საათზე დაიწყო, საქართველოს 17-წლამდელთა ნაკრები აფეესის 16 წლამდელთა გუნდს შეხვდა. მატჩი ქართველმა ჭაბუკებმა ანგარიშით 49-3 მოიგეს.

აღსანიშნავია, რომ მთელი ტურნეს მანძილზე, მატჩებზე მრავლად მოდიოდა ქომაგი. ქუთაისში კი, მაყურებელთა ოდენობამ თითქმის სამ ათასს მიაღწია. რაც მთავარია სამივე სამატჩო დღეს კლასიკური სარაგბო ატმოსფერო და კარგი ქომაგობა იყო ტრიბუნებზე. მაყურებელი არც მოწინააღმდეგის კარგ თამაშს აკლებდა ტაშს და დამრტყმელებსაც სიჩუმეში ეძლეოდათ თვიანთი სიზუსტის გამოცდა.

გაისად 4 ასაკობრივი გუნდით თანატოლების წინააღმდეგ
ტურნეს დასრულების შემდეგ, აფეესის მთავარმა მწვრთნელმა ბერნარდ ფესსერმა განაცხადა, რომ ნამდვილად არ მოელოდა ასეთი მაღალი დონის მოწინააღმდეგესთან თამაშს – „ჩვენი გუნდი საკმაოდ ხშირად მართავს ტურნეებს და განებივრებულნი ვართ მოგებებით, შესაბამისად ჩვენი სურვილი იყო ასაკით დიდ მოწინააღმდეგესთან თამაში. მინდა შევაქო ქართული გუნდები, ვინაიდან მათ თანამედროვე და სწრაფი რაგბი შემოგვთავაზეს. ასევე მინდა მადლობა გადავუხადო ჩემს მოთამაშეებს, ვინაიდან ანგარიშისა და ძლიერი მოწინააღმდეგის მიუხედავად, მათ ყოველ შეხვედრაში ბოლომდე იბრძოლეს.

„ჩვენმა გუნდმა კარგი გამოცდილება მიიღო და მიმაჩნია, რომ ასეთი მატჩები ჭაბუკი მორაგბეებისათვის უმნიშვნელოვანესია, რადგან მიღებული გამოცდილება მათ მთელი ცხოვრების მანძილზე გასდევთ.

„გაისად ვაპირებთ კვალვ გავმართოთ ქართული ტურნე, რომელზეც 13, 14, 16 და 19 წლამდელ გუნდებს ჩამოვიყვანთ, მაგრამ ამ შემთხვევაში უკვე თანატოლებთან ვიასპარეზებთ და არა ასაკით უფროსებთან.“

„დიდი მადლობა მინდა გადავუხადო ქართულ მხარეს მასპინძლობისათვისა და ასეთი დონის მატჩების ორგანიზებისათვის. რაგბის სიყვარული ჩვენს სისხლშია და მიხარია, რომ საქართველოშიც ანალოგიურად უყვართ ეს თამაში.“

 

ტურნეს სამივე დღის მატჩები და ანგარიშები

03/10/2014 – შევარდენის სანაკრებო ბაზა, თბილისი

 

საქრთველო U15 19-7 აფეეს U14; მატჩის ვიდეო: I ტაიმი >>> II ტაიმი >>>

აღმოსავლეთ საქრთველო U17 34-5 აფეეს U16; მატჩის ვიდეო: I ტაიმი >>> II ტაიმი >>>

 

 

06/10/2014 – აიას ახალი ბაზა, ქუთაისი

 

დასავლეთ საქრთველო U15 17-19 აფეეს U14; მატჩის ვიდეო: I ტაიმი >>> II ტაიმი >>>

დასავლეთ საქრთველო U17 15-0 აფეეს U16; მატჩის ვიდეო: I ტაიმი >>> II ტაიმი >>>

10/10/2014 –  შევარდენის სანაკრებო ბაზა, თბილისი

 

საქრთველო U15 14-5 აფეეს U14; მატჩის ვიდეო: I ტაიმი >>> II ტაიმი >>>

საქრთველო U17 49-3 აფეეს U16; მატჩის ვიდეო: I ტაიმი >>> II ტაიმი >>>

Rugby.GE

საქართველოს XXV ჩემპიონატის მეხუთე ტურში ყოჩებმა კაც-ნაკლულებმაც ძლიეს ლოკომოტივი და ლიდერობა განიმტკიცეს.

ტურის ფოტოები >>>

V ტური

თიბიეს 9:17 ხარები

3ჯ: ჯოგლიძე –
2ლ: გ.ბებიაშვილი მელიქიძე; 2გ ჯ: ხუციშვილი

მსაჯი ჩიხლაძე @ 4/10 შევარდენი; აცდა: 3ჯ – ჯ 2ა # შეცვლა: 11 / 7

ლოკომოტივი$ 18:19 ყოჩები

2ლ: გ.ბიწაძე კლიმიაშვილი; გ 2ჯ: წიკლაური –
ლ: გეგენავა; გ 4ჯ: სოხაძე / სბ: გოგიშვილი ხიდეშელი; წბ: გოგიშვილი

მსაჯი თევზაძე @ 4/10 ავჭალა; აცდა: გ – 2ჯ 2ა # შეცვლა: 5 / 5

ლელო 9:9 ჯიქი

3ჯ: ყიასაშვილი –
3ჯ: ხარაზიშვილი / სბ: ნადირაძე

მსაჯი ჩიხლაძე @ 5/10 შევარდენი; აცდა: . – 2ა # შეცვლა: 4 / 4

არმია$ 9:10 აია

3ჯ: ბაირამაშვილი –
ლ: ყურაშვილი; გ ჯ: ჯინჭველაშვილი

მსაჯი გვირჯიშვილი @ 5/10 ავჭალა; აცდა: ჯ ა – 3ჯ ა # შეცვლა: 4 / 5

არმაზი 23:22 ბათუმი$

2ლ: მინაშვილი სოსელია; 2გ 3ჯ: ნიკოლავა –
3ლ: გიგაშვილი თხელიძე (2 3) 2გ ჯ: კობახიძე / სბ: ზაბახიძე

მსაჯი ამაშუკელი @ 6/10 შევარდენი; აცდა: . – გ ჯ 3ა # შეცვლა: 4 / 5

სრული ოქმები

ბოლნისის კლუბი ერთადერთია, თამაში რომ არ წაუგია.

ყოჩებმა რკინიგზასთან 10 წუთი 13 კაცის ამარა იბრძოლეს და კიდევ 35 – თოთხმეტით, მაგრამ შეჯიბრების საუკეთესო მექულის, თემურ სოხაძის მიერ არჩეული სწორი ტაქტიკითა და გოლებით მაინც მოიგეს * 19:18

ფრედ დასრულდა “ლელო სარასენსისა” და ჯიქის პრინციპული შერკინება. ამ მატჩში ლელო არ დადებულა.

ყოჩების მდევარმა ხარებმა შევარდენზე ძლიეს თიბიესი, მაგრამ პრემიამდე ერთი ლელო დააკლდათ.

აიამ ავჭალაში ერთი ქულით აჯობა არმიას, ორშაბათს კი ბათუმმა თუმც მეტი ლელო დაუდო არმაზს, საბა ნიკოლავას გოლებით მაინც ვაზისუბნელებმა გაიმარჯვეს.

სულ ტურის ხუთ თამაშში გუნდები 11-ჯერ ეწივნენ მიზანს, რაც ერთობ ცოტაა (საშუალოდ 2.2)

უკეთესობაა დისციპლინის მხრივ: გაიცა მხოლოდ 4 ყვითელი და ერთიც წითელი ბარათი.

Rugby.GE

ჩრდილოეთ ნახევარსფეროში ნოემბრის ტესტ-მატჩებამდე ერთი თვით ადრე რაგბის საერთაშორისო საბჭომ შეხვედრების მსაჯების ვინაობა გამოაქვეყნა.

ნოემბრის ტესტ სერიის არბიტრების სია სრულად >>>

წლეულს ბორჯღალოსნების სამივე ტესტს ფრანგი მსაჯები მოემსახურებიან.
8 ნოემბერს საქართველო-ტონგას მატჩს პასკალ გოზერ უხელმძღვანელებს. მას შოტლანდიელი ენდრიუ მაქმენემი და ქართული რაგბის ქომაგისთვის უკვე კარგად ნაცნობი რუმინელი ვლად იორდაკესკუ დაეხმარებიან.
პირველი ტესტიდან ერთი კვირის თავზე, 16 ნოემბერს საქართველო 2007 წლის მსოფლიო თასის შემდეგ პირველად ერკინება ირლანდიის ეროვნულ ნაკრებს. შეხვედრა დუბლინში ავივა სთედიუმზე გაიმართება და მას მატიო რეინალი იმსაჯებს. მატჩის ერთ-ერთი თანამსაჯი, ქართველი ქომაგისთვის ასევე კარგად ცნობილი, ინგლისელი ლუკ პირსიიქნება, მეორე თანამსაჯად არგენტინელი ფედერიკო ანსელმი დაინიშნა.

 

2014 წლის ნოემბრის ტესტ-მატჩების სერიის ბოლო რკენას, ბორჯღალოსნები შინ 23 ნოემბერს, იაპონიის ნაკრებთან გამართავენ. გუნდებმა ბოლოს 2012 წლის ნოემბერში, თბილისში ითამაშეს. აღნიშნულ ტესტში ამომავალი მზის ქვეყნის ნაკრებმა 25-22 გაიმარჯვა.

საქართველო-იაპონიის ტესტს რომენ პუატი გაუძღვება, რომელაც 2013 წლის ნოემბრის ტესტებზე საქართველო-სამოას მატჩი იმსაჯა. შეხვედრის მთავარ არბიტრს უელსელი იენ დევისი დაეხმარება, ხოლო მეორე თანამსაჯის ვინაობა მოგვიანებით გაირკვევა, თუმცა ცნობილია, რომ იგი ფრანგი იქნება.

Rugby.GE

სამხრეთ აფრიკული ‘აფეესის’(AVS) ჭაბუკები ქართულ ტურნეს შეუდგნენ. გუშინ, 3 ოქტომბერს შევარდენის სანაკრებო ბაზაზე სამ დღიანი ასპარეზობის პირველი სამატჩო დღე შედგა.

ფოტოები: საქ U15-აფეეს U14 >>>

ფოტოები: აღმ.საქ U17-აფეეს U16 >>>

საღამოს პირველი შეხვედრა, რომელიც საქართველოს 15-წლამდელთა ნაკრებსა და ‘აფეესის’ 14-წლამდელთა გუნდებს შორის გაიმართა, დაგეგმილი 16:30 საათის ნაცვლად ნახევარი საათით გვიან დაიწყო. აღსანიშნავია, რომ თავიდან შევარდენზე დაახლოებით 200-300 გულშემატკივარი იყო შეკრებილი, მაგრამ მალევე ტრიბუნა თითქმის შეივსო და გემრიელი სარაგბო ქომაგობა გაჩაღდა – ქართული სარაგბო პუბლიკა არც ქართველი მოზარდების და არც აფრიკელი სტუმრების კარგ თამაშს აკლებდა ტაშსა თუ ოვაციას.

შეხვედრებში კი, საქართველოს 15-წლამდელთა ნაკრბმა აფრიკელ 14-წლამდელებს  19-7 სძლია;

ხოლო საღამოს მეორე მატჩში, აღმოსავლეთ საქართველოს 17-წლამდელთა ნაკრები ‘აფეესის’ 16-წლამდელებს  34-5 მოიგო;

 

‘აფეესის’ კლუბის ქართული ტურნეს ფარგლებში კიდევ ორი ეტაპი გაიმართება:

 

ორშაბათს, 6 ოქტომბერს სამხრეთ აფრიკელები ქუთაისს ესტუმრებიან:

 

16:30 დასავლეთი საქართველო 15-წ. – აფეეს 14-წ. (2 X 30 წუთი)

18:00 დასავლეთი საქართველო 17-წ. – აფეეს 16-წ. (2 X 35 წუთი)

 

ასპარეზობის ბოლო ეტაპი პარასკევს, 10 ოქტომბერს, კვლავ “შევარდენზე” გაიმართება. პროგრამა პირველი ეტაპისას ემთხვევა:

 

16:30 საქართველო 15-წ. – აფეეს 14-წ. (2 X 30 წუთი)

18:00 საქართველო 17-წ. – აფეეს 16-წ. (2 X 35 წუთი)

Rugby.Ge

გუშინ, საქართველოს ჩემპიონატის პირველ ლიგაში მოასპარეზე პატარძეულის “ვეფხვებს” ერთობლივი ვარჯიშისა და მასტერკლასის გასამართად ბორჯღალოსნები, ეროვნული სარაგბო აკადემიის სამწვრთნელო შტაბი და ნაკრების მთავარი მწვრთნელი, მილტონ ჰეიგი იწვივნენ.

ვარჯიში საგარეჯოს ცენტრალურ სტადიონზე 11 საათზე დაიწყო და საათ–ნახევარს გასტანა. სტუმრებმა ჯერ გასახურებლად რამოდენიმე წრე არბენინეს პატარძეულელებს, ხოლო მოგვიანებით მილტონ ჰეიგი და ბიჭები უშუალოდ მასტერკლასზე გადავიდნენ.

 

ეროვნული ნაკრების მოთამაშეებმა პატარძეულელები ავარჯიშეს პასის და შებოჭვის ტექნიკაში და ბოლოს უკონტაქტო რაგბიც ითამაშეს.

 

„უპირველეს ყოვლისა, მინდა მადლობა გადავუხადო მილტონ ჰეიგს და ნაკრების ბიჭებს სტუმრობისათვის. მსგავსი ღონისძიებები ძალზე მნიშვნელოვანია რეგიონში რაგბის პოპულარიზაციისათვის, ვინაიდან დღეს უამრავ ადგილობრივ მოზარდს მიეცა ბორჯღალოსნების ნახვის შესაძლებლობა. ჩვენში ბევრი მოზარდი ჭიდაობაზე დადის, თუმცა რაგბი ამ მხარეში ძალზე პოპულარული სპორტია და ვიმედოვნებ, რომ ასეთი მასტერკლასების შემდეგ სულ უფრო მეტი კახელი ჭაბუკი ჩაებმება ოვალური ბურთის ფერხულში.

„ჩვენი გუნდი პირველ ლიგაში ასპარეზობს. ვამაყობთ იმით, რომ პატარძეულის ვეფხვებში რაგბის თამაში დაიწყო და გაიზარდა ბორჯღალოსანი მურაზ გიორგაძე, რომლისგანაც მისი ყოფილი თანაგუნდელები დღეს ბევრ რამეს ისწავლიან.

„ვიმედოვნებ, რომ მსგავსი მასტერკლასები კახეთის და საქართველოს სხვა რეგიონებში სისტემატურ ხასიათს მიიღებს, რაც რაგბის პოპულარიზაციისათვის აუცილებელია“ – განაცხადა პატარძეულის ვეფხვების მთავარმა მწვრთნელმა, ზვიად ცუხიშვილმა.

RUGBY.GE

“ჩელენჯ თასზე” თბილისის “კავკასიელების” დებიუტის შემდეგ საქართველოს XXV ჩემპიონატი მეხუთე ტურით ახლდება.

რაუნდი სამ დღეს გასტანს. ორ-ორი თამაში შაბათ-კვირასაა და ერთიც ორშაბათს.

უქმეებზე მატჩები 16 საათზე დაიწყება, სადაგ დღეს კი – ნახევარი საათით ადრე.

სამი მატჩი შევარდენზეა და ორიც ავჭალაში.

ლიდერს. ბოლნისის ყოჩებს ჯერ თამაში არ წაუგიათ და შაბათს, ავჭალაში ხვდებიან ლოკომოტივს.

პრინციპული იქნება კვირას, შევარდენზე, ლელო-სარასენსისა და ჯიქის შერკინებაც.

ბათუმს არმაზი ანგისაში უნდა მიეღო, მაგრამ ავდრის გამო მეტოქენი ამ ჯერზე თბილისში შეიყრებიან, ხოლო მეორე წრის მატჩი აჭარაში გაიმართება.

ტურის ლაივ-სქორი ტრადიციულად მოეწყობა ჩვენი საითის ტაბლოზე; ფოტოები დაიდება ფეისბუქზე, ხოლო შუა კვირაში იუთუბზე მიმოხილვაც აიტვირთება.

RUGBY.GE

საქართველოს რაგბის კავშირის საშეჯიბრო კომიტეტის

გ ა ნ ც ხ ა დ ე ბ ა

2014 წლის 25-26 ოქტომბერს თბილისში გაიმართება საქართველოს პირველობის ორ დღიანი ტურნირი 7-კაცაში უმაღლესი ლიგის 10 და პირველი ლიგის 2 გუნდის მონაწილებით.

სრკ საშეჯიბრო

კომიტეტის თავმჯდომარე

ნიაზ მამრიკიშვილი

29/09/2014

Rugby.GE