ჭდე: რეი ალენი

ეროვნული საკალათბურთო ასოციაციის იმ კლუბების ხელმძღვანელები, რომლებიც რეი ალენის შეძენით დაინტერესებულები იყვნენ, ახლა დარწმუნებულები არიან, რომ მიმდინარე სეზონში იგი აღარ ითამაშებს, რის შესახებაც „Yahoo Sports“-ის წყაროები წერენ.

39 წლის რეი ვარჯიშობს, თუმცა ჯერ იმ დონეზე არ ასულა, რომელიც მას ლიგაში დაბრუნებაში ხელს შეუწყობს. ბოლო დროს ამის შესახებ არც მას და არც მის აგენტს არ უსაბრიათ.

ალენის შეძენის მთავარ კანდიდატებად „კლივლენდი“ და ლიგის სხვა ფავორიტები სახელდებოდნენ.

„Fox Sports“-ს თუ დავუჯერებთ, გამოცდილი სნაიპერი რეი ალენი მიმდინარე სეზონში თამაშს გეგმავს, მასთან კონტრაქტის გაფორმება ერთდროულად ექვს კლუბს სურს.

„ბოსტონ სელტიკსისა“ და „მაიამი ჰიტის“ ყოფილი მოთამაშის დამატება „კლივლენდ კავალიერსის“, „გოლდენ სტეიტ უორიორსის“, „ატლანტა ჰოუქსის“, „ვაშინგტონ უიზარდსის“, კვლავ „მაიამისა“ და „ლოს-ანჯელეს კლიპერსის“ ხელმძღვანელებს უნდათ.

აშშ-ს პრესა ზემოხსენებულ კლუბებს შორის ფავორიტად „კლივლენდ“ მოიხსენიებს, სადაც მისი ყოფილი თანაგუნდელები ლებრონ ჯეიმსი, მაიკ მილერი და ჯეიმს ჯონსი თამაშობენ.

შეგახსენებთ, რომ ალენი კალათბურთში დაბრუნებას ჯერ კიდევ 2014 წლის ზაფხულში გეგმავდა.

როგორც ESPN.com-ი წერს, გასულ კვირას რეი ალენის სახლში შვიდი 18-19 წლის ბიჭი შევიდა. როგორც გაირკვა, შვიდივე ახალგაზრდა პოლიციამ დააკავა და სახლში უკანონო შეჭრაში დასდო ბრალი.

ბიჭები „მაიამის“ ყოფილი უკანახაზელის სახლში მაშინ შევიდნენ, როდესაც რეის ცოლი და შვილი მეორე სართულზე იმყოფებოდნენ. ხმის გაგონებისას ალენის მეუღლემ დაიყვირა, რის გამოც ახალგაზრდები გაიქცნენ.

როგორც თავად დაკავებულები აცხადებენ, სახლის კარი ღია იყო და მათ უბრალოდ იმის ნახვა სურდათ, თუ როგორ ცხოვრობს ცნობილი კალათბურთელი. ამის მიუხედავად, ალენის მეუღლემ განცხადება მაინც შეიტანა და ახლა ახალგაზრდებს ერთ წლამდე თავისუფლების აღკვეთა ემუქრებათ.