ჭდე: რობერტო მანჩინი

მანჩინი: “ინტერის” მიზანი ჩემპიონთა ლიგაზე მოხვედრაა”

Posted on by ბექა დოგრაშვილი

მილანის “ინტერის” მთავარმა მწვრთნელმა რობერტო მანჩინიმ გუნდის წლევანდელ მიზნებზე ისაუბრა. იტალიელი სპეციალისტი ამბობს, რომ “ნერიაძური” ჩემპიონთა ლიგის ზონაში მოსახვედრად იბრძოლებს.

“ახლა ლიდერთა შორის ვართ, მაგრამ სეზონი გრძელი და რთულია. ძალიან ბევრი უნდა ვიმუშაოთ იმისთვის, რომ პოზიციები შევინარჩუნოთ. ამ სეზონში ჩვენი მიზანი ჩემპიონთა ლიგის ზონაში მოხვედრაა. გასულ სეზონში რთული იყო სიტუაციის შეცვლა. ახლა ყველაფერი სხვაგვარადაა. ახალგაზრდა გუნდი გვყავს, ორი-სამი გამოცდილი მოთამაშით. კიდევ უფრო მეტს ვითხოვ, მაგრამ ამ ფეხბურთელებითაც კმაყოფილი ვარ”, – მანჩინის კომენტარი Goal.com-მა გამოაქვეყნა.

 

მანჩინი უკმაყოფილოა

Posted on by ბექა დოგრაშვილი

იტალიის სერია A-ს მე-9 ტურში “პალერმომ” საკუთარ მოედანზე მილანის “ინტერი” მიიღო. შეხვედრა ფრედ, ანგარიშით 1:1 დასრულდა.

მატჩის შემდეგ “ნერიაძურის” მთავარმა მწვრთნელმა რობერტო მანჩინიმ აღნიშნა, რომ უკმაყოფილოა როგორც გუნდის თამაშით, ასევე ტაბლოზე დაფიქსირებული შედეგით.

“პირველ ნახევარში მეტოქემ რამდენიმე პრობლემა შეგვიქმნა. ცუდად ვმოქმედებდით როგორც დაცვაში, ასევე თავდასხმაში. შემდეგ სტევან იოვეტიჩმა თავისი ადგილი მონახა და თამაში შედარებით გამოვასწორეთ.

ახლა სატურნირო ცხრილში ლიდერთა შორის ვიმყოფებით, მაგრამ კმაყოფილები არ ვართ, რადგან გამარჯვება გვინდოდა. სამწუხაროდ, ეს არ გამოგვივიდა”, – განაცხადა მანჩინიმ “მედიასეტის” ეთერში.

 

მანჩინი: „დარწმუნებული ვარ, „იუვენტუსი“ კვლავ „სკუდეტოსთვის“ იბრძოლებს“

Posted on by Alix

მილანის „ინტერის“ მთავარმა მწვრთნელმა რობერტო მანჩინიმ „იუვენტუსთან“ განვლილი მატჩი შეაფასა, რომელიც გატანილი გოლების გარეშე დასრულდა.

„ეს ის თამაში იყო, რომელშიც ბევრი მომენტი არც იქნებოდა. ჯამში, შედეგით კმაყოფილი ვარ. გასათვალისწინებელია, რომ ჩემი ფეხბურთელების ნაწილი ნაკრებებიდან პარასკევს დაბრუნდა.

მეორე ტაიმში ჩვენს ნახევარზე მეტი დრო გავატარეთ. მატჩი ორთაბრძოლებით გამოირჩა. დღეს ძლიერი მეტოქე გვყავდა. დარწმუნებული ვარ, რამდენიმე თვეში „იუვენტუსი“ კვლავ „სკუდეტოსთვის“ იბრძოლებს“, – განაცხადა მანჩინიმ.

მანჩინი: “ეს მარცხი არაფერს არ ცვლის”

Posted on by ბექა დოგრაშვილი

იტალიის სერია A-ს VI ტურში მილანის “ინტერმა” “ჯუზეპე მეაცაზე” “ფიორენტინა” მიიღო და ანგარიშით 1:4 დამარცხდა.

მატჩის შემდეგ “ნერიაძურის” თავკაცმა რობერტო მანჩინიმ განაცხადა, რომ შეხვედრის დებიუტში განვითარებულმა მოვლენებმა საბოლოო შედეგზე გადამწყვეტი მნიშვნელობა იქონია.

“მატჩი საშინლად დაიწყო. გოლი მე-4 წუთზე გავუშვით, შემდეგ კონტრშეტევაზეც დაგვიჭირეს, ამას გაძევება მოჰყვა. ამის შემდეგ თამაშის შემოტრიალება პრაქტიკულად შეუძლებელი აღმოჩნდა. ვულოცავ “ფიორენტინას”.

ამ მატჩამდე ღრუბლებში არ დავფრინავდით, ასე რომ ეს მარცხი ციდან მიწაზე არ დაგვანარცხებს. დღევანდელი წაგება ჩვენს სასეზონო მიზანს არ ცვლის”, – მანჩინის სიტყვები Football italia-მ გამოაქვეყნა.

 

მანჩინი იტალიაში ყველაზე მაღალანაზღაურებადი მწვრთნელია

Posted on by ბექა დოგრაშვილი

იტალიურმა გამოცემა “ლა გაძეტა დელო სპორტმა” სერია A-ს გუნდებში მომუშავე მწვრთნელების ანაზღაურება გამოაქვეყნა.

როგორც ირკვევა, იტალიაში ყველაზე მეტს მილანის “ინტერის” თავკაც რობერტო მანჩინის უხდიან. მისი წლიური ჯამაგირი 4 მილიონ ევროს შეადგენს.

ტურინის “იუვენტუსის” თავკაცი მასიმილიანო ალეგრი წელიწადში 3,5 მილიონ ევროს იღებს. “რომას” მთავარი მწვრთნელი რუდი გარსია სეზონში 2,8 მლნ ევროს გამოიმუშავებს.

“მილანის” თავკაცი სინიშა მიხაილოვიჩი წელიწადში 2 მილიონ ევროს მიიღებს, ხოლო “ნაპოლის” დამრიგებელი მაურიციო სარი 800 ათასი ევროთი დაკმაყოფილდება.

სერია A-ში ყველაზე დაბალი ხელფასი “ემპოლის” თავკაც მარკო ჯამპაოლის აქვს, რომელსაც წელიწადში 200 ათას ევროს გადაუხდიან.

 

უესლი სნეიდერმა “ინტერთან” მატჩის დაწყების წინ მანჩინის ფურცელი გადასცა (ვიდეო)

Posted on by -

2 აგვისტოს, “გალათასარაისა” და “ინტერს” შორის გამართული მატჩის (1:0) დაწყების წინ, თურქთა ჰოლანდიელმა ნახევარმცველმა უესლი სნეიდერმა ყოფილ მწვრთნელ რობერტო მანჩინის ფურცელი გადასცა, რომელზეც ოთხი ვარსკვლავი იყო გამოსახული.

მოგეხსენებათ, “გალათასარაის” თურქეთის ჩემპიონატი 20-ჯერ აქვს მოგებული, ხოლო კლუბს ერთი ვარსკვლავი ხუთ მოგებულ ჩემპიონატზე ენიჭება.

მანჩინი: “თუ ევროპის ლიგაზე ვერ მოვხვდებით, ამით “ინტერის” სიდიადე არ შეწყდება”

Posted on by ბექა დოგრაშვილი

იტალიის ჩემპიონატის 35-ე ტურის ერთ-ერთი ცენტრალური მატჩი “სტადიო ოლიმპიკოზე” გაიმართება, სადაც რომის “ლაციო” ევროპის ლიგის საგზურისთვის მებრძოლ მილანის “ინტერს” მიიღებს. “ნერიაძურის” მთავარი მწვრთნელი რობერტო მანჩინი, რომელიც თავის დროზე “ლაციოს” ღირსებას მოთამაშის და მწვრთნელის ამპლუაშიც იცავდა, დამდეგ შეხვედრაში ღია, სანახაობრივ თამაშს ელის. მისი თქმით, დრო მოვიდა, მილანური გუნდები ძველ დონეს დაუბრუნდნენ და სკუდეტოსთვის იბრძოლონ.

“ორივე გუნდს დიდი მოტივაცია აქვს — “ლაციო” ჩემპიონთა ლიგაზე მოსახვედრად, “ინტერი” კი ევროპის ლიგის საგზურისთვის იბრძვის. ჩვენ შორის დაპირისპირება ყოველთვის საინტერესო გამოდის ხოლმე. ვფიქრობ, ღია თამაში იქნება, ბევრი სახიფათო მომენტით.

“ინტერი” ყველაფერს გააკეთებს იმისთვის, რომ ევროპის ლიგაზე მოვხვდეთ. თუ ამას ვერ შევძლებთ, ამით “ინტერის” სიდიადე არ შეწყდება, მომდევნო სეზონშიც ვიბრძოლებთ მაღალი პოზიციებისთვის. გუნდმა თამაში გააუმჯობესა, კმაყოფილი ვარ ამ პროგრესით. ჩვენ ვაშენებთ გუნდს, რომელიც იბრძოლებს ჩემპიონთა ლიგაზე მოსახვედრად და იტალიის ჩემპიონობისთვის. რა თქმა უნდა, ეს გარკვეულ დროს მოითხოვს. მჯერა, სწორ გზას ვადგავართ”, – მანჩინის სიტყვები Football Italia-მ გამოაქვეყნა.

მატჩი “ლაციოსა” და “ინტერს” შორის დღეს, თბილისის დროით 22:45 საათზე დაიწყება.

მანჩინიმ პროგრესი დაინახა

Posted on by Levan

“ინტერის” მთავარმა მწვრთნელი, რობერტო მანჩინი თვლის, რომ მისი ხელმძღვანელობით მილანური კლუბი პროგრესირებს.

“მუშაობა უნდა გავაგრძელოთ, მაგრამ უკვე დიდ პროგრესს ვხედავ. გუნდის პრეზიდენტი ხვდება, რომ ამას დრო სჭირდება. ის არ ჰგავს იტალელებს, რომლებიც ფიქრობენ, რომ შედეგები ერთ დღეში მოდის. ჩვენი მიზანი პროგრესის დაწყებაა, რომელიც ჩემპიონობისკენ მიგვიყვანს” – განაცხადა მანჩინიმ.

 

მანჩინი: “პოდოლსკი არსენალში დაბრუნდება”

Posted on by საბა

“ინტერის” მთავარი მწვრთნელი, რობერტო მანჩინი დარწმუნებულია, რომ ლუკას პოდოლსკი, რომელიც “ნერაძურიმ” “არსენალიდან” ინათხოვრა, კვლავ ლონდონში დაბრუნდება.

“იტალიაში ყველას ერთი ჩვევა აქვს – შედეგს სწრაფად ვერ აჩვენებენ,”-გააკრიტიკა მანჩინიმ გერმანელი და ხედრან შაქირი.

“ასეთი სიტუაცია აქვს ლუკას პოდოლსკის. მან შეიცვალა სათამაშო ქვეყანა, მაგრამ ნამდვილი პროფესიონალია. მიუხედავად იმისა, რომ მას და შაქირს ერთნაირი სიტუაცია აქვთ, იგი იჯარითაა გადმოსული და “არსენალში” დაბრუნდება.

მიმდინარე სეზონში, პოდოლსკიმ “ინტერის” მაისურით 7 მატჩი ჩაატარა და აქედან სასტარტოში არცერთიდან დაუწყია.

იაია ტურე რობერტო მანჩინის ყოველკვირეულად ხვდება

Posted on by ბექა დოგრაშვილი

“მანჩესტერ სიტის” ნახევარმცველი იაია ტურე კლუბში ორი პირობის დაკმაყოფილების შემთხვევაში დარჩება.

როგორც ავტორიტეტული იტალიელი სპორტული ჟურნალისტი ტანკრედი პალმერი წერს, კოტ დივუარელი ფეხბურთელი “ქალაქელთა” რიგებში იმ შემთხვევაში გააგრძელებს თამაშს, თუ კლუბის აღმასრულებელ დირექტორ ფერან სორიანოსა და სპორტულ დირექტორ ჩიკი ბეგირისტაინს დაკავებული პოსტებიდან გაათავისუფლებენ.

პალმერი ამბობს, რომ იაია ტურეს შესაძლო ტრანსფერის თაობაზე “მანჩესტერ სიტი” და მილანის “ინტერი” მოლაპარაკებას განაგრძობენ, თავად ფეხბურთელი კი იანვრიდან ყოველკვირეულად ხვდება “ნერიაძურის” თავკაც რობერტო მანჩინის.

იაია ტურემ მიმდინარე სეზონში “მანჩესტერ სიტის” რიგებში ჩატარებულ 34 მატჩში ათი გოლი გაიტანა.

 

მანჩინი: “მსაჯმა სუფთა პენალტი არ დანიშნა”

Posted on by ბექა დოგრაშვილი

იტალიის ჩემპიონატის 31-ე ტურის ცენტრალური შეხვედრა, რომელიც მილანურ გუნდებს შორის გაიმართა, უგოლოდ დასრულდა. მატჩის შემდეგ “ინტერის” მთავარმა მწვრთნელმა რობერტო მანჩინიმ განაცხადა, რომ “მილანის” კარის მიმართულებით მსაჯებმა პენალტი არ დანიშნეს.

“სამწუხაროა, რომ ვერ გავიმარჯვეთ, თუმცა მეტი რაღა უნდა გვექნა?! მსაჯმა სუფთა პენალტი არ დანიშნა. ასპროცენტიანი პენალტი იყო. გასულ კვირას არბიტრმა გუარინის მიერ ხელით თამაში დაინახა და დღეს რატომ ვერ შენიშნეს იგივე?

ოცი მატჩია, მსაჯობაზე უკმაყოფილება არ გამომიხატავს, თუმცა ბოლო ორ შეხვედრაში საკამათო ეპიზოდები ჩვენი მეტოქეების სასარგებლოდ გადაწყდა. პალასიოს მიერ გატანილი გოლის არჩათვლას არ ვგულისხმობ. იმ მომენტის განმეორება ვნახე და დავინახე, რომ როდრიგომ თამაშის წესი დაარღვია.

გამარჯვებისთვის ბოლომდე ვიბრძოლეთ, მაგრამ ვერ მოვიგეთ. “მილანი” თავს კარგად იცავდა და რამდენიმე ეპიზოდში გაუმართლა კიდეც. როდესაც არ ფორტუნა ზურგს გაქცევს, ვერაფერს იზამ. იმედია, მომავალ სეზონში ყველაფერი სხვანაირად იქნება”, – მანჩინის სიტყვები Football Italia-მ გამოაქვეყნა.

 

მანჩინი: “ინტერი” ზაფხულში ტოპფეხბურთელს დაიმატებს”

Posted on by ბექა დოგრაშვილი

მილანის “ინტერის” მთავარმა მწვრთნელმა რობერტო მანჩინიმ კლუბის სამომავლო მიზნებზე ისაუბრა. ფეხბურთის იტალიელი სპეციალისტი ამბობს, რომ ზაფხულის სატრანსფერო პერიოდში “ნერიაძური” უმაღლესი დონის ერთ-ერთ მოთამაშეს დაიმატებს.

“ჩემს მოთამაშეებს ამ სეზონში დარჩენილი ათივე მატჩის მოგება ვთხოვე. ჩვენ ბოლომდე ვიბრძოლებთ ევროპის ლიგის ზონაში მოსახვედრად.

მომდევნო წლებში სკუდეტოს მოგებისთვის უნდა ვიბრძოლოთ. “ინტერი” ტოპკლუბია და ამიტომ, ზაფხულში ტოპფეხბურთელს ვიყიდით.

მომწონს “ტორინოს” მოთამაშე მატეო დარმიანი, “მანჩესტერ სიტის” ნახევარმცველ ჯეიმს მილნერთან კონტრაქტს ვაფორმებთ. ის გადაწყვეტს, რა არის მისთვის უკეთესი.

იაია ტურე “სიტის” ეკუთვნის, ევგენი კონოპლიანკა და მატია პერინიც კარგი ფეხბურთელები არიან. პიერო აუზილიოც ვითარდება”, – აღნიშნა მანჩინიმ.

შეგახსენებთ, რომ მიმდინარე სეზონის დასრულებამდე 10 ტურით ადრე მილანის “ინტერს” სატურნირო ცხრილში მე-10 პოზიცია უკავია და ევროპის ლიგაზე გამსვლელ მე-5 ადგილზე მყოფ “ნაპოლისთან” ათქულიანი ჩამორჩენა აქვს.