„ინტერის“ მთავარი მწვრთნელის რობერტო მანჩინის თქმით, მისი კლუბი მიუნხენის „ბაიერნის“ ნახევარმცველით ჯერდან შაჩირით ინტერესდება.
„შაჩირის დამატების ვარიანტს განვიხილავთ, თუმცა კონკრეტული ჯერ არაფერია. ვეძებთ მოთამაშეს, რომელსაც თამაში როგორც თავდასხმაში, ასევე გარემარბის პოზიციაზე შეუძლია. შაჩირი ამ მოთხოვნას აკმაყოფილებს.
ლავესი, ისევე, როგორც შაჩიღი, ევროპულ გრანდში თამაშობს და მისი დამატება რთული იქნება“, – განაცხადა მანჩინიმ.
მილანის „ინტერის“ მთავარმა მწვრთნელმა რობერტო მანჩინიმ ბოლო დროს გავრცელებული ჭორები უარყო, რომელთა მიხედვითაც, „ნერაძურის ხელმძღვანელობა „ნაპოლის“ ყოფილი და „პარი სენ-ჟერმენის“ ამჟამინდელი თავდამსხმელის ეზეკილ ლავესის გადაბირებას ცდილობს.
„ლავესი ჩინებული ფეხბურთელია, თუმცა მას პსჟ-სთან კონტრაქტი აქვს. რომელიმე ტრანსფერთან დაკავშირებით არც ერთ კლუბთან არ გვისაუბრია“, – განაცხადა მილანირი კლუბის დამრიგებელმა.
შეგახსენებთ, რომ პსჟ-ში არგენტინელი 2012 წლიდან გამოდის.
მილანის “ინტერის” მთავარი მწვრთნელი მასიმო მორატი გამოტყდა, რომ მომავალში იტალიის ნაკრების თავკაცის პოსტზე სიამოვნებით იმუშავებდა.
“თუ იტალიის ნაკრების გაძღოლის შანსი მომეცემა, ეს ჩემთვის დიდი პატივი იქნება. საზღვარგარეთ მუშაობა მომიწია. უცხოეთში მუშაობა ტვინს “ხსნის” და ვთვლი კიდევაც, რომ ყველა იტალიელ მწვრთნელს უნდა ჰქონდეს ქვეყნის საზღვრებს გარეთ მუშაობის გამოცდილება”, – მანჩინის სიტყვებს Tribalfootball-ი აქვეყნებს.
შეგახსენებთ, რომ რობერტო მანჩინის საზღვარგარეთ ინგლისურ “მანჩესტერ სიტისა” და თურქულ “გალათასარაიში” უმუშავია.
გეტყვით იმასაც, რომ მილანის “ინტერს” იტალიის ჩემპიონატის სატურნირო ცხრილში მე-11 პოზიცია უკავია.
მილანის “ინტერის” მთავარმა მწვრთნელმა რობერტო მანჩინიმ კიდევ ერთხელ ისაუბრა ყოფილი შეგირდის, მარიო ბალოტელის შესახებ, რომელიც ამჟამად “ლივერპულის” ღირსებას იცავს.
“ბალოტელი ზლატან იბრაჰიმოვიჩის კოპირებას ცდილობს, თუმცა შვედს საკმაო გამოცდილება და კლასი აქვს. მარიოს კი ჯერ კიდევ ბევრი აქვს სასწავლი. ვიმედოვნებ და ვუსურვებ, რომ მას იბრას დონემდე მიეღწიოს”, – მანჩინის სიტყვები “ლა გაძეტა დელო სპორტმა” გამოაქვეყნა.
შეგახსენებთ, რომ მანჩინი და ბალოტელი თავის დროზე ერთად “ინტერში” და “მანჩესტერ სიტიში” მუშაობდნენ.
მილანის “ინტერის” მთავარმა მწვრთნელმა რობერტო მანჩინიმ “კიევოს” წინააღმდეგ გამართული შეხვედრა შეაფასა და თქვა, რომ “ნერაძური” უფრო საშიში გუნდი ხდება.
შეგახსენებთ, რომ 15 დეკემბერს, “კიევომ” “ინტერი” საკუთარ მოედანზე მიიღო და ანგარიშით 0:2 დამარცხდა.
“ძალიან მნიშნველოვანი გამარჯვება მოვიპოვეთ, რაც ნიშნავს იმას, რომ ფეხბურთელებმა საკუთარ ძალებში ირწმუნებს. ვფიქრობ, გუნდი უფრო საშიში ხდება და ჩვენ ნებისმიერი მეტოქის დამარცხება შეგვიძლია”, – ამბობს მანჩინი.
„ინტერის“ მთავარმა მწვრთნელმა რობერტო მანჩინიმ თავის ყოფილ ფეხბურთელ მარიო ბალოტელიზე ისაუბრა, რომელთან ერთადაც „ნერაძურიში“, შემდგომ კი, „მანჩესტერ სიტიში“ მუშაობდა.
„მე ბალოტელის ნიჭის თაყვანისმცემელი ვარ. მასზე ვფიქრობ და მსურს, რომ იგი ბედნიერი იყოს. ბოლოს ერთმანეთს ორი წლის წინ ვესაუბრეთ“, – ციტირებს მანჩნის „Football Italia“.
„იანვარში „ინტერს“ საინტერესო სამუშაო ელის. არ ვიცი, საბოლოოდ, ვინ შემოგვიერთდება, თუმცა გარკვეული ცვლილებები იქნება“, – დაასრულა მილანური კლუბის დამრიგებელმა.
მილანის “ინტერის” მწვრთნელი, რობერტო მანჩინი, გუნდის გაძლიერებაზე ფიქრობს. Turkish Football -ის ცნობით იტალიელ სპეციალისტს საკუთარ გუნდში “გალათასარაის” ნახევარმცველის, სელჩუკს ინანის ხილვა სურს.
“ჯერჯერობით არ გადაგვიწყვეტია გვჭირდება თუ არა სელჩუკი. კონტაქტი “ინტერსა” და “გალათასარაის” შორის ამ ეტაპზე არ ყოფილა” – განაცხადა მილანური კლუბის სპორტულმა დირექტორმა, პიერო აუზილიომ.
დავამატებთ, რომ ამ სეზონშ 29 ინანმა 18 შეხვედრაში მიიღო მონაწილეობა და ორი გოლის გატანა მაოხერხა.
მილანის “ინტერის” მთავარმა მწვრთნელმა რობერტო მანჩინიმ მიმდინარე სეზონში საკუთარი კლუბის წინაშე დასახული მიზნის შესახებ ისაუბრა.
“ჩვენი მიზანი ჩემპიონთა ლიგაზე მოხვედრაა. ეს არ არის ადვილი ამოცანა, თუმცა განსაკუთრებით სასიამოვნოა, როდესაც რთულ საქმეს თავს წარმატებით ართმევ.
ჩვენ მხოლოდ გამარჯვებებზე ვფიქრობთ და როდესაც ამ ტურნირზე მოვხვდებით, ერთად ვნახავთ, როგორ ვიასპარეზებთ. ვფიქრობ, სხვა გუნდებიც დაკარგავენ ქულებს და ამით უნდა ვისარგებლოთ. მესამე ადგილისთვის ბრძოლა “ნაპოლისთან”, “მილანთან” და “ფიორენტინასთან” გვიწევს”, – ციტირებს მანჩინის სიტყვებს Football Italia.
“ინტერის” მთავარი მწვრთნელი, რობერტო მანჩინი, თვლის, რომ ამჟამად “რომა” მის გუნდზე ძლიერია.
“ვფიქრობ, რომ “რომა” უფრო ძლიერი გუნდია. მათ გრძელვადიანი პროექტი და ძალიან კარგი მწვრთნელი ყავთ. რომაულ კლუბს სკუდეტოს მოგების მშვენიერი შანსიც აქვს.
“ლაციოში” თამაში დროს რომში ვცხოვრობდი და ბევრი დერბიც მითამაშია
“რომას” წინააღმდეგ, რაც ყოველთვის დაუვიწყარი მოვლენა იყო” – განაცხადა მანჩინიმ.
ფეხბურთის იტალიელმა სპეციალისტმა რობერტო მანჩინიმ განაცხადა, რომ მილანის “ინტერის” მთავარი მწვრთნელის პოსტზე დაბრუნებას არ მოელოდა.
“გულშემატკივრებს ვუყვარვარ და ეს ძალიან მახარებს. სიმართლე გითხრათ, ვერასდროს წარმოვიდგენდი, რომ “ინტერში” დავბრუნდებოდი, თუმცა ყველაფერი სწრაფად მოხდა. ერთ დროს გუნდთან ერთად საკმაოდ კარგ შედეგებს მივაღწიე, ახლა კი ყველაფრის გაფუჭების საფრთხის წინაშე ვარ. უნდა გავიმეოროთ ათი წლის წინანდელი წარმატება, როდესაც გუნდმა იტალიის ჩემპიონატი მოიგო”, – ციტირებს მანჩინის სიტყვებს Goal.com-ი.
შეგახსენებთ, რომ რობერტო მანჩინი “ინტერს” 2004–2008 წლებში ხელმძღვანელობდა. იმ პერიოდში მან გუნდთან ერთად სამჯერ მოიგო იტალიის ჩემპიონატი, ორ-ორჯერ კი ქვეყნის თასსა და სუპერთასს დაეუფლა.
აქვე აღსანიშნავია, რომ “ინტერის” თავკაცის პოსტზე დაბრუნებულ მანჩინის სადებიუტო მატჩი 23 ნოემბერს თანაქალაქელი “მილანის” წინააღმდეგ ელის.
მილანის “ინტერში” დაბრუნებული რობერტო მანჩინის ხელფასის ოდენობა ცნობილია. La Gazzetta dello Sport-ის ინფორმაციით მიმდინრე სეზონში მანჩინი 2.7 მილიონ ევროს მიიღებს. მომდევნო ორ სეზონში კი მწვრთნელს ხელფასის სახით 4 მილიონს გადაუხდიან, რასაც შედეგების მიხედვით ბონუსებიც დაემატება.
აღსანიშნავია, რომ “ინტერი” თანამდებობიდან გათავისუფლებულ ვალტერ მაცარის ანაზღაურებასაც გადაიხდის, რომლის კონტრაქტი 2016 წლის ზაფხულამდეა გათვლილი.
როგორც მოგეხსენებათ, მილანის “ინტერის” მთავარი მწვრთნელის პოსტზე ვალტერ მაცარი რობერტო მანჩინიმ ჩაანაცვლა.
მანჩინიმ “ნერიაძურის” ხელმძღვანელის ამპლუაში ჩატარებულ პირველივე ვარჯიშზე მოისურვა გუნდის განლაგების შეცვლა.
შაბათს ჩატარებულ ვარჯიშზე “ინტერის” ახალმა თავკაცმა 4-3-1-2 სქემა მოსინჯა.
მილანური კლუბის ნომინალური შემადგენლობა ასე გამოიყურებოდა: კარისო, ნაგატომო, ვიდიჩი, ჟუანი, დოდო, ობი, მვილა, გუარინი, პალასიო, იკარდი, ოსვალდო.
შეგახსენებთ, რომ “ინტერის” ყოფილი მთავარი მწვრთნელი ვალტერ მაცარი გუნდს სამი ცენტრალური მცველით ათამაშებდა.
რობერტო მანჩინი “ინტერს” 2004–2008 წლებშიც ხელმძღვანელობდა. იმ პერიოდში მან გუნდთან ერთად სამჯერ მოიგო იტალიის ჩემპიონატი, ორ-ორჯერ კი ქვეყნის თასსა და სუპერთასს დაეუფლა.
აქვე აღსანიშნავია, რომ “ინტერის” თავკაცის პოსტზე დაბრუნებულ მანჩინის სადებიუტო მატჩი 23 ნოემბერს თანაქალაქელი “მილანის” წინააღმდეგ ელის.
