თურქული “ადანა დემირსფორის” თავდამსხმელი მარიო ბალოტელი გამოტყდა, რომ ყოველთვის სურდა “ნაპოლის” რიგებში თამაში. 31 წლის იტალიელი ფეხბურთელის თქმით, გუნდში მისი ხილვა ნეაპოლური კლუბის პრეზიდენტ აურელიო დე ლაურენტისს არ უნდა.
“ყოველთვის ვოცნებობდი “ნაპოლიში” თამაშზე. დე ლაურენტისს პატივს ვცემ, მაგრამ, სამწუხაროდ, მას კლუბში ჩემი ხილვა არ სურდა. ასე რომ, ამ გუნდში ვერაფრით მოვხვდი, მაგრამ ყოველთვის ვამბობ, რომ უნდა გწამდეს. თავს მშვენივრად ვგრძნობ, ფიზიკურად სრულ მზადყოფნაში ვარ, ტექნიკაც ადგილზეა. ასე რომ, ვნახოთ”, – აღნიშნა ბალოტელიმ.
იტალიელ ფეხბურთელსა და თურქულ კლუბს შორის გაფორმებულ შრომით ხელშეკრულებას ვადა 2024 წლის 30 იანვარს ეწურება.
