“ენფილდი” რომაული ლეგიონის მისაღებად სრულ მზადყოფნას აცხადებს. დღეს, 24 აპრილს ორი უდიდესი ტრადიციის მქონე კლუბი ერთმანეთის ძალებს გამოცდის, სასწორზე კი ორივე მათგანის ოცნება – ჩემპიონთა ლიგის ფინალური ეტაპის საგზური დევს.
დღეს ერთმანეთს ორი ძალიან ნიჭიერი და გამოცდილი სპეციალისტი დაუპირისპირდება. მეტწილად, სწორედ იურგენ კლოპისა და დი ფრანჩესკოს დუელი გადაწყვეტს ორმატჩიან შერკინებაში გამარჯვებულის ვინაობას.
გარდა ამისა, ეს მატჩი განსაკუთრებულად მნიშვნელოვანი იქნება “მერსესაიდელთა” ეგვიპტელი მეფისათვის, რომელსაც ჩვენ მოჰამედ სალაჰის სახელით ვიცნობთ – შეგახსენებთ, რომ სწორედ “რომადან” გადავიდა ის “ლივერპულში” გასულ ზაფხულს.
ვინ რა თქვა?
იურგენ კლოპი, “ლივერპულის” მთავარი მწვრთნელი:
“მომ “რომაში” ფანტასტიკური დრო გაატარა, მაგრამ ის უკვე აანალიზებს, რომ ისინი მისი თანაგუნდელები აღარ არიან. ორივე კლუბს ძალიან კარგი შანსი აქვს ფინალში მოხვედრის. გვინდა ყველაფერი გავაკეთოთ სასურველი მიზნის მისაღწევად. ასეთი შანსი იშვიათად თუ გვეძლევა, ამიტომაც “რომა”, ისევე როგორც ჩვენ, ბოლომდე ვიბრძოლებთ.”
ეუსებიო დი ფრანჩესკო, “რომას” მთავარი მწვრთნელი:
“ენფილდი” განსაკუთრებული ადგილია. ინგლისური სტადიონები ყოველთვის გამოირჩევიან ატმოსფეროთი. იტალიაში ფანები ასეთ მხარდაჭერას იშვიათად იჩენენ, რასაც ვერ ვიტყვით ჩვენს გულშემატკივრებზე. ჩვენი წარმატების გასაღები გუნდური თამაში უნდა იყოს. “ლივერპული” “ბარსელონასაგან” განსხვავდება, მაგრამ ჩვენ მაინც ის თამაში უნდა ვაჩვენოთ, რაც გვახასიათებს.”
ბუკმეიკერები ამბობენ
– “ლივერპულის” მოგება – 1.5
– ფრე – 4.75
– “რომას” მოგება – 7.00
ციფრები ამბობენ
– “რომა” ნახევარფინალებში პირველად არის 1984 წლის შემდეგ, მაშინ იტალიელთა გამოსვლა რომში, ხუთგზის ევროპის ჩემპიონ “ლივერპულთან” დამარცხებით დასრულდა.
– ჩემპიონთა ლიგის მიმდინარე სეზონში “რომამ” 15 გოლი გაიტანა და 12 გაუშვა (+3), “ლივერპულმა” კი 33 გაიტანა და 7 გაუშვა (+26!).
– “ლივერპულსა” და “რომას” შორის გამართულ ბოლო სამ მატჩში გამარჯვება “რომაელებს” დარჩათ (სამივე შემთხვევაში პირველი ტაიმი ფრედ დასრულდა).
– ჩემპიონთა ლიგაზე გამართული ბოლო რვა მატჩიდან შვიდში, “ლივერპულმა” მინიმუმ ორი გოლის გატანა შეძლო.
– “ლივერპული” ჩემპიონთა ლიგის ბოლო 14 მატჩში დაუმარცხებელია.
სავარაუდო სასტარტო შემადგენლობები
