„მგზავრებმა“ „რუსთავს“ მოუგეს, „დინამომ“ „სოხუმთან“ მატჩი გადაარჩინა

Posted on დეკემბერი 26, 2015 by Alix

დღეს საკალათბურთო სუპერლიგის მე-12 ტურის დარჩენილი ორი მატჩი შედგა.

პირველ შეხვედრაში „რუსთავი“ და „მგზავრები“ შეხვდნენ. წინა ტურში ბუბა ბერიშვილის გუნდმა „ოლიმპის“ დამარცხება მოახერხა და დღესაც გაიმარჯვა. პირველი მეოთხედი რუსთაველთა გამარჯვებთ, 18:16 დასრულდა. მეორე მეოთხედში „მგზავრებმა“ ათქულიანი ჰანდიკაპი მოიპოვეს და დიდი შესვენების წინ 41:41 იგებდნენ, რამაც შეხვედრის ბედზეც იმოქმედა. დარჩენილ ორ მეოთხედში „რუსთავმა“ თამაშის სცენარი ვერ შეცვალა და, საბოლოოდ, 68:75 დამარცხდა.

გამარჯვებულთა რიგებიდან საუკეთესო 18 ქულით ლევან გრძელიძე იყო, „რუსთავიდან“ კი ქულების იგივე რაოდენობით მიხეილ ჭოჭუა გამოირჩა.

მატჩის სრული სტატისტიკა

მეორე მატჩი ერთმანეთს „სოხუმსა“ და „დინამოს“ შედგა. სათქმელია, რომ ვაჟა კვარაცხელიას გუნდმა პირველი ემთხედი 22:10 მოიგო, რისი წყალობითაც მთელი მატჩის განმავლობაში იგებდა. შეხვედრის ბოლოს კი „დინამომ“ მოუმატა და იმდენი მოახერხა, რომ ანგარიში გაათანაბრა და მატჩი ოვერტაიმში გადაიყვანა. არადა, მთელი მატჩის განმავლობაში „დინამოელები“ ხშირად სამქულიანებს ისვრიდნენ, თუმცა, უმეტეს შემთხვევაში, არაზუსტად. საბოლოოდ, ოვერტაიმში უკეთესი „დინამო“ გამოდგა და ანგარიშით 72:68 გაიმარჯვა.

საუკეთესო „დინამოს“ რიგებიდან 18 ქულით მიხეილ ბერიშვილი იყო. მასზე მხოლოდ 1 ქულით ნაკლები გიოგი შარაბიძემ დააგროვა. „სოხუმიდან“ 21 ქულით ფილიპ მილერი გამოირჩა.

მატჩის სრული სტატისტიკა

ამ გამარჯვებით „დინამომ“ 20 ქულა დააგროვა და ახლა „ქუთაისთან“ და „ბათუმთან“ ერთად ცხრილს ლიდერობს.

“ლოკომოტივი” უმაღლეს ლიგაში დაბრუნდა

Posted on მაისი 27, 2015მაისი 27, 2015 by Levan

მიხეილ მესხის სახელობის სტადიონის სათადარიგო მეოდანზე 2014/15 წლების სეზონის უკანასკნელი ოფიციალური შეხვედრა შედგა. რუსთავის „მეტალურგმა“ და თბილისის „ლოკომოტივმა“ მომდევნო სეზონში უმაღლესი ლიგის ადგილის გაითამაშეს.

შეხვედრა საკმაოდ ნელ ტემპში დაიწყო და რუსთაველთა ტერიტორიულi უპირატესობით მიმდინარეობდა. თუმცა ანგარიშის გახსნა „ლოკომოტივმა“ შეძლო. კიკნაძის მიერ წამოყებული სწრაფი კონტრშეტევა მე-15 წუთზე ნარიმანიძის ავტოგოლით დასრულდა.

გატანილი გოლის შემდეგ თბილისელთა უპირატესობა კიდევ უფრო თვალსაჩინო გახდა და 29-ე წუთზე მამია გავაშელიშვილმა კიკნაძის გადაცემით მეორე გოლი გაიტანა.

მეორე ტაიმი „ლოკომოტივის“ უპირატესობით დაიწყო. პირისპირ გასულმა არაბიძემ პენალტი მოიპოვა, რომელიც გაგნიძემ გოლად აქცია. თბილისელთა მცვლემა მალევე დუბლის გაფორმება შეძლო, როდესაც 53-ე წუთზე ჯარიმიდან დალაშქრა მეტოქის კარი. 72-ე წუთზე კი საბოლოო ანგარიში ჩიხლაძემ დააფიქსირა – 5:0.

ამრიგად, „ლოკომოტივი“ მომდევნო სეზონიდან უმაღეს ლიგაში იასპარეზებს, „მეტალურგი“ კი პირველ ლიგაში დაქვეითდა.

მეტალურგი 0-5 ლოკომოტივი

გოლები: ნარიმანიძე 15’ (ს.კ. 0:1); გავაშელიშვილი 29’ (0:2); გაგნიძე 49′ ; 52′ (0:4); ჩიხლაძე 72′ (0:5);

მეტალურგი: ნადირაძე, ჩიკვაიძე, ზვიადაძე, შუშიაშვილი, ნარიმანიძე, გაბაშვილი, ხიზანეიშვილი, მინდორაშვილი, ბერუაშვილი, ბარაბაძე, სარიშვილი.

სათადარიგოები: ქარდავა, ბროლაძე, გულუა, ციცქიშვილი, ბარამიძე, ოქროპირიძე, ბიწკინაშვილი

მთავარი მწვრთნელი: ვარლამ კილასონია

ლოკომოტივი: მიქავა, ჩიტეიშვილი, სანდოხაძე, კიკნაძე, გავაშელიშვილი, არაბიძე, უბილავა, დიასამიძე, სულთანიშვილი, გაგნიძე, სამურკასოვი

მთავარი მწვრთნელი: ვასილ მაისურაძე

სათადარიგეობი: რომელფენგერი,მაკასარაშვილი, ღვინიაშვილი, ლუკავა, ართმელაძე, გაბაძე, ჩიხლაძე.

სუპერლიგის ბრინჯაო “რუსთავს” ერგო

Posted on მაისი 25, 2015მაისი 24, 2015 by Levan

საკალათბურთო კლუბი „რუსთავი“ სუპერლიგის მე-3 ადგილის მფლობელია. მიხეილ ბერუაშვილის გაწვრთნილმა ქვემოქართლელებმა ბრინჯაოს სერიის მეორე მატჩი ბათუმში მოიგეს და შეხვედრის დასრულების შემდეგ ბრინჯაოს მედლები კალათბურთის ეროვნული ფედერაციის საშეჯიბრო დეპარტამენტის ხელმძღვანელისგან, ალეკო პეტრიაშვილისგან ჩაიბარეს.

რუსთაველებმა სერიის პირველი მატჩი 2 დღის წინ შინაურ დარბაზში მოიგეს. ბერუაშვილის გუნდმა ზღვისპირელებს 102:88 სძლია, დღეს გამართული მეორე მატჩი კი ბათუმში 86:76 მოიგო და სეზონი მე-3 ადგილზე დაასრულა.

მატჩის ბედი ბოლო წუთებზე გადაწყდა, მანამდე კი თანაბარი თამაში მიდიოდა. ბათუმელები მეტოქეს ტოლს არ უდებდნენ მოტივირებულ სტუმრებს და თამაშის მანძილზე მცირედით ჩამორჩენილებმა ბოლო მეოთხედში ანგარიშიც გაათანაბრეს. მოკლე სათადარიგთა სკამის გამო ბათუმელები გადაიღალნენ, რუსთაველები კი პირიქით, გადამწყვეტ წუთებს მეტი მობილიზებით შეხვდნენ და გამარჯვებაც დაიმსახურეს.

„რუსთავს“ 18-18 ქულა-მოხსნით აკაკი დვალიშვილმა ულიდერა. 16 ქულა მიითვალა ტერენს ოგლზბიმ, ლევან ცეკვავამ კი შეხვედრა ორმაგი დუბლით – 13 ქულით და 10 პასით დაასრულა. ბათუმელთაგან კრის ფელჩერი გამოირჩა, რომელმაც 21 ქულა და 16 მოხსნა მიითვალა.

ბათუმი – რუსთავი 76:86

მიხეილ ბერუაშვილი, „რუსთავის“ მთავარი მწვრთნელი:

„მოხარულები ვართ, რომ სეზონი საპრიზო ადგილზე დავასრულეთ. გუნდი ოთხეულში შევიდა და მესამე ადგილისთვის სერიაშიც საკმაოდ ძლიერი გუნდი დავამარცხეთ. ბათუმელებმა დიდი წინააღმდეგობა გაგვიწიეს. დღევანდელ მატჩში ყველაფერი ბოლო წუთებზე გადაწყდა. ბიჭებს მადლობა, რომ ბოლომდე იბრძოლეს და მესამე ადგილი ბათუმშივე მოვიპოვეთ“.

დავით უსტიაშვილი, „ბათუმის“ მთავარი მწვრთნელი:

„ოთხეულში რომ შევედით, კარგი შედეგია და დასანანი ისაა, რომ რომ არა ტრავმიანობა, მეტის მიღწევა შეიძლებოდა. სათადარიგო კალათბურთელები გვაკლდა, ლეგიონერებს თითქმის შეუცვლელად უწევდათ თამაში. მეოთხედფინალში „ქუთაისთან“ ბრძოლას დიდი ძალები შევალიეთ და ნახევარფინალში გავედით, სადაც „შსს-აკადემიის“ ბარიერი ვეღარ გადავლახეთ. მადლობა ჩემი გუნდის ყველა წევრს, ბიჭებმა და გუნდის ხელმძღვანელობამ ყველაფერი გააკეთეს, რომ მაქსიმალური შედეგისთვის მიგვეღწია.

მესამე ადგილისთვის სერიაში რუსთავი დაწინაურდა

Posted on მაისი 23, 2015 by Levan

სუპერლიგის მესამე ადგილისთვის ნახევარფინალში დამარცხებული გუნდები – „რუსთავი და „ბათუმი“ ერკინებიან. ამ გუნდებს შორის 2 მოგებამდე მიმდინარე სერიის პირველი მატჩი 22 მაისს რუსთავში გაიმართა. მესამე ადგილისთვის სერიის პირველი შეხვედრა მასპინძლებმა – რუსთაველმა კალათბურთელებმა 102:88 მოიგეს და საერთო ანგარიშით 1:0 დაწინაურდნენ.

შეხვედრა საკმაოდ ქულუხვი გამოდგა. ორივე გუნდი შეტევაზე იყო ორიენტირებული და ეს შედეგზეც აისახა. ორივე გუნდმა ჯამში 190 ქულა ჩააგდო, რაც სუპერლიგისთვის საშუალოზე მეტი შედეგია.

მესამე ადგილისთვის სერიის პირველი მატჩი რუსთაველებმა ზედმეტი გართულების გარეშე მოიგეს. ქვემოქართლელებს 23 ქულით და 14 მოხსნით აკაკი დვალიშვილმა ულიდერა. 20 ქულა დააგროვა ტერენს ოგლზბიმ, ხოლო ლევან ცეკვავამ 19 ქულა და 10 პასი მიითვალა. ბათუმელთაგან 26 ქულით საუკეთესო ნიკ კელოგი გახლდათ, ბიჯეი იანგმა 24 ქულა მიითვალა, კრის ფელჩერის ანგარიშზე 18 ქულა და ამდენივე მოხსნა დაგროვდა.

სერიის მეორე მატჩი ბათუმში 24 მაისს გაიმართება.

შსს აკადემია ფინალშია, დინამო კი რუსთავთან 2:1 დაწინაურდა

Posted on მაისი 17, 2015 by Levan

დღეს სუპერლიგის პირველი ფინალისტი გამოვლინდა. კოტე ტუღუშის გაწვრთნილმა „შსს-აკადემიამ“ ბათუმში ნახევარფინალური სერიის მესამე მატჩიც მოუგო ადგილობრივ გუნდს და საჩემპიონო სერიაში გავიდა.

აკადემიელებს სერიის საწყისი 2 შეხვედრა თბილისში დამაჯერებლად ჰქონდათ მოგებული და ბათუმში გამარჯვების შემთხვევაში ფინალში გადიოდნენ. მატჩის პირველი ტაიმის შემდეგ რთული სათქმელი იყო, რომ თბილისური გუნდი გამარჯვების მოპოვებას მოახერხებდა. „ბათუმმა“ 2 მეოთხედის შემდეგ 18-ქულიანი ჰანდიკაპი მოიპოვა.

მესამე პერიოდი „შსს-აკადემიას“ სრული დომინირებით წარიმართა და 10-წუთეულის მიწურულს სტუმრებმა ჩამორჩენა მინიმუმამდე შეამცირეს – 61:62. ბოლო მეოთხედის წინ „ბათუმი“ 3 ქულით იგებდა, თუმცა აკადემიელებმა მოახერხეს ბოლომდე მებრძოლი ბათუმელების გატეხვა. აკაკი ლომოურის ორმა სამქულიანმა ტუღუშის გუნდს ლიდერობა მოუპოვა, რაც აკადემიელებმა თამაშის ბოლომდე შეინარჩუნეს და 76:74 მოგების შემდეგ სერია სათავისოდ, მშრალი ანგარიშით – 3:0 დაასრულეს.

შედეგიანად ითამაშა აკადემიელთა ლიდერმა გიორგი ცინცაძემ, რომელმაც შეხვედრა 21 ქულით და 6 პასით დაასრულა. 19 ქულა და 13 მოხსნა მოაგროვა გიორგი შარაბიძემ, ბექა ჩიკვილაძის ანგარიშზე კი 14 ქულა დაგროვდა. „ბათუმში” 28 ქულა და 9 მოხსნა დააგროვა ბიჯეი იანგმა, 15 ქულა კრის ფელჩერის ანგარიშზეა, ნიკ კელოგმა კი ორმაგი დუბლი – 12 ქულა და 10 მოხსნა მიითვალა.

დღესვე რუსთავში ნახევარფინალური სერიის მესამე შეხვედრა ჩატარდა ადგილობრივ გუნდსა და „დინამოს“ შორის. სერიის საწყისი 2 მატჩი თბილისში გაიმართა, სადაც ერთ-ერთში რუსთაველებმა იმარჯვეს და მოედნის უპირატესობა მოიპოვეს. ეს უპირატესობა დღეს რუსთაველებმა დაკარგეს. მიხეილ ბერუაშვილის გუნდმა სერიის მესამე შეხვედრა შინ 70:78 წააგო.

რუსთაველებმა შედეგიანი პირველი ტაიმი ჩაატარეს, რომლის შემდეგაც 7 ქულით იგებდნენ, თუმცა სტუმრებმა მესამე პერიოდში მეტოქის თამაშს ალღო აუღეს, შესაბამისი ტაქტიკა დაუპირისპირეს და შედეგიც მოიმკეს. მესამე ათწუთეული დინამოელებმა 27:14 მოიგეს და დარჩენილ დროში მოპოვებული სოლიდური უპირატესობა აღარ დაუკარგავთ.

გამარჯვებულებს 24 ქულით და 10 მოხსნით გარი შერმანმა ულიდერა, 13 ქულა მიითვალა გიორგი გამყრელიძემ, ილია ლონდარიძემ კი თავი 10-10 ქულა-მოხსნას მოუყარა. „რუსთავში“ 17 ქულით და 14 მოხსნით საუკეთესო აკაკი დვალიშვილი იყო, 13 ქულა ჰაიდენ ჰამსის ანგარიშზე, მეორე ამერიკელმა, ტერენს ოგლზბიმ კი შეხვედრა 12 ქულით დაასრულა.

რუსთავი – დინამო 70:78

მატჩისშემდგომი კომენტარები

მიხეილ ბერუაშვილი, „რუსთავის“ მთავარი მწვრთნელი:

„ძალიან ბევრი შეცდომა დავუშვით მეორე ნახევარში და ის უპირატესობა, რაც თავიდან მოვიპოვეთ, ქარს გავატანეთ. დღევანდელი მატჩიდან დასკვნებს გამოვიტანთ და ვეცდებით, ხვალინდელ შეხვედრაში ნაკლები შეცდომები დავუშვათ“.

ირაკლი ხოშტარია, „დინამოს“ მთავარი მწვრთნელი:

„დიდი მადლობა ჩემი გუნდის მოთამაშეებს, რომლებმაც ის დავალება, რაც პირველი ტაიმის შემდეგ, შესვენებაზე მივეცი, ზედმიწევნით შეასრულეს. მესამე პერიოდში მინიმუმამდე დავიყვანეთ შეცდომები და შეტევაში შედეგიანი თამაშით დამაჯერებლად დავწინაურდით. იმედი მაქვს, ხვალამდე მოვასწრებთ ამ რთული თამაშის შემდეგ დასვენებას და ვეცდებით, მეოთხე მატჩშიც წარმატებას მივაღწიოთ“.

ბათუმი – შსს აკადემია 74:76

კოტე ტუღუში (შსს აკადემიას მთავარი მწვრთნელი): უმძიმესი თამაში იყო, ბათუმის გუნდი და მისი გულშემატკივარი სულ სხვა შემართებით დაგვხდა. პირველივე წუთებიდან მეტოქეს ყველაფერი გამოსდიოდა და საკმაოდ დიდი სხვაობითაც ვაგებდით, თუმცა შეხვედრის მეორე ნახევარში ჩვენი გუნდი სულ სხვანაირად გამოიყურებოდა. გამოვავლინეთ ჩვენი ხასიათი, მოვახდინეთ მობილიზება და ბრწყინვალე გამარჯვება მოვიპოვეთ. მივულოცავ ბიჭებს და ჩვენს გულშემატკივარებს, რომლებიც დღეს თამაშზე მოვიდნენ და მხარი დაგვიჭირეს.

დავით უსტიაშვილი (ბათუმის მთავარი მწვრთნელი): ძალიან კარგად დავიწყეთ მატჩი, თუმცა შემდეგ ჩვენს გუნდს დაღლა დაეტყო. ბოლომდე ვიბრძოდით, მოგების კარგი შანსიც მოგვეცა ბოლოს, მაგრამ სამწუხაროდ ვერ გამოვიყენეთ. ჩემს ბიჭებს მადლობას გადავუხდი, ზედიზედ ამდენი მატჩი ითამაშეს და ძალიან გადაიღალნენ. წინ მე-3 ადილისთვის გველოდება თამაში და მაქსიმალურად მოვემზადებით. მივულოცავ შსს აკადემიას დამსახურებულ გამარჯვებას და ფინალში წარმატებებს ვუსურვებ.

“დინამომ” “რუსთავს” გაუთანაბრა

Posted on მაისი 14, 2015 by Levan

სუპერლიგის ნახევარფინალური სერიის დღის მეორე მატჩში ერთმანეთის წინააღმდეგ მოქმედი ჩემპიონი, თბილისის “დინამო” და “რუსთავი” წარსდგნენ. პირველ შეხვედრაში მარცხის შემდეგ “დინამოს” დღეს გამარჯვება აუცილებლად ესაჭიროებოდა. თბილისელებმა აქტიურადაც დაიწყეს და თავიდან დაწინაურებაც შეძლეს, თუმცა მეოთხედის ბოლოს წინ “რუსთავი” გაიჭრდა და პირველი მეოთხედი ოთხქულიანი სხვაობით, 16:12 მოიგო.

მეორე მეოთხედში ოგლსბი გააქტიურდა, როემლმაც ზუსტი სამიანებით საკუთარი გუნდის უპირატესობა 8 ქულამდე გაზარდა. ტერენსმა კიდევ ერთხელ მეოთხედის დასრულებამდე 2 წუთით ადრე გაიბრწყინა, როდესაც თანაბარი ანგარიშის დროს ჩააგდო ზუსტი სამიანი, თუმცა დიდ შესვენებამდე 4 წამით ადრე ტექნიკური ჯარიმა მიიღო და მეტოქეს დაწინაურების შანსი მისცა, რომელიც “დინამომ” ვერ გამოიყენა და მესამე პერიოდის წინ ანგარიში საყაიმო, 36:36 იყო.

მესამე პერიოდში “დინამო” წინ გაიჭრა, რაც ბესო ლეჟავას დამსახურებით მოხდა, რომელმაც მატჩის ამ მონაკვეტშიც და მთლაიანად შეხვედრაშიც ულიდერა საკუთარ გუნდს. აღსანიშნავია, რომ უჩვეულოდ ინერტული იყო შერმანი. თბილისელთა ლეგიონერმა პირველი 2 ქულა სწორედ მესამე პერიოდში მოიპოვა. საბოლოოდ გადამწყვეტი პერიოდის წინ მასპინძლები 9 ქულით, 54:45-ს იგებდნენ.

შეხვედრამ დაძაბულობის პიკს დამთავრებამდე 4 წუთით ადრე მიაღწია, როდესაც რუსთაველებმა სხვაობის შემცირება ერთ ქულამდე მოახერხეს, თუმცა მეტის გაკეთება ვეღარ შეძლეს. მატჩის გადამწყვეტი მონაკვეთი უკეთ “დინამოელებმა” ჩაატარეს და საბოლოოდ სერიაში ანგარიშის გათანაბრებაც მოახერხეს.

“დინამოს” შემაგენლობაში 21 ქულით საუკეთესო ბესიკ ლეჟავა იყო, ხოლო შეხვედრის ყველაზე შედეგიანი მოთამაშე 22 ქულით რუსთაველი ტერენს ოგლბი გახდა.

დინამო 73-65 რუსთავი

მატჩის სტატისტიკა

რუსთავის 18 სამქულიანი და გამარჯვება დინამოსთან

Posted on მაისი 13, 2015 by Levan

ძალიან დაძაბული გამოდგა მეორე ნახევარფინალური სერიის პირველი მატჩი, რომელშიც „რუსთავმა“ 2 ქულის სხვაობით – 84:82 სძლია „დინამოს“ და მოედნის უპირატესობა მოიპოვა.

რეგულარული ჩემპიონატის მომგებ დინამოელებს პლეი ოფის ნებისმიერ მეტოქესთან მოედნის უპირატესობა გააჩნია, რაც რეგიონის გუნდებთან დაპირისპირებაში მნიშვნელოვანი პლუსია. სწორედ ეს კოზირი დაკარგა „დინამომ“ „რუსთავთან“ და თუკი მიხეილ ბერუაშვილის გუნდი საკუთარ მოედანზე ორივე მატჩს მოიგებს, ფინალში გავა.

სანამ ამ წყვილში ფინალისტი გამოვლინდებოდეს, სავარაუდოდ ბევრი საინტერესო მოხდება. ამის ვარაუდის საფუძველს სერიის პირველი მატჩი იძლება, რომლის ბოლო წუთებიც უაღრესად დაძაბული იყო.

თამამად შეიძლება ითქვას, რომ რუსთაველებმა შეხვედრა სამქულიანებით მოიგეს. ქვემოქართლურმა გუნდმა 18 სამქულიანი ჩააგდო, რაც მიმდინარე სეზონის რეკორდის გამეორებაა. სხვა არჩევანი არც ჰქონდათ რუსთაველებს, რადგან ფარზე დინამოელები ბატონობდნენ, რომლებმაც საბოლოოდ ქვემოქართლელებზე 12-ით მეტი მოხსნა მიითვალეს.

რუსთაველთაგან 4-4 სამქულიანი ჩააგდეს ტერენს ოგლზბიმ, ლევან ცეკვავამ და მიხეილ ჭოჭუამ, 3 შორი სროლა ჰაიდენ ჰამსის ანგარიშზეა, ხოლო 2 – ქაქუცა აბაიშვილმა მიითვალა. მატჩის დასრულებამდე 6 წუთით ადრე რუსთაველები 14 ქულით იგებდნენ, რასაც დინამოელებმა პრესინგით და სწრაფი შეტევებით უპასუხეს. ირაკლი ხოშტარიას გაწვრთნილმა გუნდმა ჩამორჩენა ბოლო წუთისთვის 2 ქულამდე შეამცირა და ბოლო შეტევისთვის 6 წამიც ჰქონდა, თუმცა ფარქვეშიდან გამთანაბრებელი ბურთი ილია ლონდარიძემ ააცილა და შეხვედრა რუსთაველთა ზეიმით დასრულდა.

რუსთაველთა შორის ბომბარდირი გახდა მიხეილ ჭოჭუა, რომელმაც 20 ქულა მოაგროვა. 18 ქულა მიითვალა გოგა ცეკვავამ, 12 ტერენს ოგლზბიმ, ხოლო აკაკი დვალიშვილის ანგარიშზე ორმაგი დუბლი – 12 ქულა და 11 მოხსნა დაგროვდა. „დინამოს“ 26 ქულით და 16 მოხსნით საუკეთესო გარიკ შერმანი იყო, 17 ქულა ჰქონდა ილია ლონდარიძეს, ბესო ლეჟავას 14 ქულა, ხოლო ლაშა გამყრელიძემ მატჩი 11 ქულითა და 7 პასით დაასრულა.

სერიი მეორე მატჩი თბილისის სპორტის სასახლეში 14 მაისს, 16:00 საათზე გაიმართება.

მატჩისშემდგომი პრესკონფერენცია

ირაკლი ხოშტარია(,,დინამოს’’ მთავარი მწვრთნელი): პირველ რიგში, მივულოცავ მიშას და ,,რუსთავის’’ კოლექტივს გამარჯვებას. მოწინააღმდეგემ კარგად ითამაშა, ჩვენ ვერ შევძელით პერიმეტრის გაკონტროლება, ფარი მოგებული გვაქვს, დაკარგვებიც ნაკრები გვაქვს… თუმცა ფაქტია, რომ დაცვაში ცუდად ვითამაშეთ, 84 ქულა მივიღეთ, ასე თამაშის მოგება რთულია. ,,რუსთავმა’’ ძალიან კარგად ითამაშა, შეიძლება, ჩვენზე მეტიც იბრძოლეს, თუმცა ამ მხრივ ბოლოს ჩვენც გამოვასწორეთ. დისციპლინის პრობლემაც გვქონდა. შევეცდებით ხვალ დღევანდელი შეცდომები აღარ გავიმეოროთ და სათანადოდ მოვემზადოთ. სერია 3 მოგებამდეა, 0:1 ვაგებთ, ამიტომ შევეცდებით მოსაგებად ვითამაშოთ.

მიხეილ ბერუაშვილი(,,რუსთავის’’ მთავარი მწვრთნელი): მივულოცავ ჩემს გუნდს პირველი თამაშის მოგებას და მადლობას ვეტყვი ,,დინამოს’’. პლეი ოფებია და ბუნებრივია, დაძაბული თამაში იყო, ყველაფერი ბოლო წამებზე გადაწყდა. სერია 3 მოგებამდე გრძელდება, ამიტომ ერთი გამარჯვება არაფერს ნიშნავს. მაქსიმალურად ვიბრძოლებთ და დავიხარჯებით, რომ წარმატებას მივაღწიოთ.

გოგა ცეკვავა(,,რუსთავი’’): ვულოცავ ჩემს გუნდს. კარგად ვიყავით მომზადებულები, პერიმეტრიდანაც გამოგვივიდა სროლები და წარმატებას მივაღწიეთ. ,,დინამოს’’ მადლობა კარგი თამაშისთვის. შევეცდებით, ასე გავაგრძელოთ შემდეგ შეხვედრებშიც.

რუსთავი ნახევარფინალში გავიდა

Posted on მაისი 9, 2015 by Levan

2015-05-08 „დინამოს“ შემდეგ მეორე გუნდი, რომელმაც ნახევარფინალის საგზური მოიპოვა „რუსთავია“. მიხეილ ბერუაშვილის გაწვრთნილმა ქვემოქართლურმა გუნდმა მეოთხედფინალური სერიის მესამე მატჩიც მოუგო მებრძოლ „ოლიმპს“ და შემდეგ ეტაპზე გავიდა.

რუსთაველებმა სერია მშრალი ანგარიშით – 3:0 მოიგეს, თუმცა აღსანიშნავია, რომ სამივე მატჩი საკმაოდ დაძაბული იყო და მისი მოგება როგორც ერთ, ისე მეორე გუნდს შეეძლო. სპორტკოპლექს „არენაში“ გამართულ მატჩში რუსთაველებმა იმარჯვეს, თუმცა აღსანიშნავია, რომ ოლიმპელები თამაშის განმავლობაში ხელჩასაჭიდ უპირატესობას ფლობდნენ.

საბოლოოდ ისე გამოვიდა, რომ გაცილებით გამოცდილმა რუსთაველებმა იმარჯვეს და სერიის მშრალი ანგარიშით – 3:0 მოგებით ნახევარფინალში გავიდნენ. ნახევარფინალში რუსთაველების მეტოქე ცნობილია. მიხეილ ბერუაშვილის გაწვრთნილი ქვემოქართლელები ნახევარფინალში „დინამოს“ შეხვდებიან.

მეოთხედფინალური სერიის მორიგი მატჩი გაიმართა ბათუმშიც, სადაც სათამაშოდ ქუთაისი ჩავიდა და დრამატულ ორთაბრძოლაში იმარჯვა. შეხვედრის დასრულებამდე 33 წამით ადრე „ქუთაისი“ 5 ქულით ამარცხებდა ზღვისპირულ გუნდ, თუმცა დარჩენილ დროში თითქმის შეუძლებელი შეძლეს ბათუმელებმა და საბოლოოდ 76:73 იმარჯვეს.

საქართველოს თასს “დინამო” დაეუფლა

Posted on აპრილი 4, 2015აპრილი 4, 2015 by Levan

თბილისის სპორტის სასახლეში დღეს საქართველოს თასის გათამაშების ფინალურ შეხვედრას უმასპინძლა. ერთმანეთის წინააღმდეგ „დინამო თბილისი“ და საკალათბურთო კლუბი „რუსთავი“ წარსდგნენ.

სასტარტო მეოთხედი თანაბრად, გარდამავალი უპირატესობით წარიმართა. მატჩის დებიუტში თბილისელები შერმანის აქტიურობის შედმეგ დაწინაურდნენ, თუმცა შედმეგ ლიდერობა რუსთაველებმა მოიპოვეს და მეოთხედიც მათი გამარჯვებით, 20-25 დასრულდა.

მეორე პერიოდში რუსთაველებმა უპირატესობის გაზრდა 9 ქულამდე შეძლეს, რაც ჭოჭუას და ოგლესბის ზედიზედ ორი ზუსტი სამიანის შედმეგ მოხდა. მეტოქის გააქტიურებას ხოშტარიამ წუთშესვენებით უპასუხა, რომლის შემდეგ პარკეტზე დიდია და პოპოვიჩი, შემდეგ კი შერმანიც დაბრუნდნენ. ცვლილებებმა შედეგი გამოიღო და „დინამომ“ ჯერ გაათანაბრა და სირენასთან ერთად დაწინაურებაც მოახერხა. დიდ შესვენებაზე გუნდები მინიმალური სხვაობით გავიდნენ – 50:49.

განსაკუთრებით დაძაბული მესამე პერიოდი გამოდგა. დიდი ხნის განმავლობაში ვერც ერთი გუნდი 1-ქულიანი სხვაობის გაზრდას ვერ ახერხებდა. საბოლოოდ, „დინამო“ ოგლესბის ტექნიკური ჯარიმის შემდეგ დაწინაურდა, რასაც დიდიას ზუსტი სამიანიც მოჰყვა, თუმცა მასპინძელთა შესაძლო გაქცევა აბაიშვილმა და ჰამსიმ ზუსტი სამიანებით შეაჩერეს და ანაგირიშის გათანაბრება მოახერხეს. საბოლოოდ, უკანასკნელ წუთზე ხოშტარიას შეგირდები მაინც გაიჭრნენ წინ და დასკვნით მეოთხედს 5-ქულიანი უპირატესობით შეხვდნენ – 71:66.

მეოთხე პერიოდში „დინამო“ კომფორტული ჰანდიკაპის შენარჩუნებას დიდხანს ახერხებდა, თუმცა შეხვედრის დასრულებამდე 3 წუთით ადრე ოგლესბის სამიანის და დვალიშვილის ეფექტური დანქის შემდეგ სხვაობა 3 ქულამდე შემცირდა და ფინალური მატჩის დაძაბულობის დონემაც პიკს მიაღწია. თუმცა, როგორც ჩანს დღევანდელ შეხვედრაში რუსთაველთა მაქსიმუმი სწორედ ეს იყო. „დინამოელებმა“ დაცვაში საკმაოდ კარგად იასპარეზეს და საბოლოოდ საქართველოს თასის მფლობელებიც გახდნენ.

„დინამოს“ შემადგენლობაში 22 ქულით ყველაზე შედეგიანი შერმანი გახდა. თბილისელთა კაპიტანმა, გიორგი გამყრელიძემ კი საკუთარ გუნდს 19 ქულა შესძინა და მატჩის საუკეთესო მოთამაშისთის დაწესებული პრიზიც მიიღო. დიდი წვლილი გამაჯრვებაში ლონდარიძემ (17 ქ.) და ლეჟავამ (13 ქ.) შეიტანეს. რუსთაველთა მხრიდან კი 21 ქულით საუკეთესო აკაკი დვალიშვილი გახდა.

დინამო თბილისი 95-87 რუსთავი

ირაკლი ხოშტარიას პრესკონფერნეცია

მიხეილ ბერუაშვილი პრესკონფერენცია

მარიამ ნიშნიანიძის ფოტოები

სუპერლიგა განახლდა: რუსთავმა ბათუმში იმარჯვა (მატჩისშემდგომი კომენტარები)

Posted on მარტი 21, 2015 by Levan

თასის გათამაშებაში გამართული 2 მატჩის შემდეგ „ბათუმი“ და „რუსთავი“ სუპერლიგაშიც შეხვდნენ. ეროვნული ჩემპიონატის მე-12 ტური დღეს სწორედ ამ გუნდების მატჩით გაიხსნა. ბათუმში ქვემოქართლური გუნდი ჩავიდა და მნიშვნელოვანი გამარჯვება მოიპოვა.

შეხვედრა გარდამავალი უპირატესობით მიმდინარეობდა, თუმცა ვერც ერთი გუნდი ვერ ახერხებდა სოლიდურად დაწინაურებას. თავიდან სტუმრები იგებდნენ. რუსთაველებმა საწყისი მეოთხედი 17:13 მოიგეს, თუმცა ეს ლიდერობა მეორე მეოთხედში გაანიავეს. „ბათუმმა“ მეორე ათწუთეული 24:20 მოიგო და დიდ შესვენებაზე ფრე დაფიქსირდა – 37:37.

მეორე ტაიმში ვითარება არ შეცვლილა. ბათუმელები მცირედით ლიდერობდნენ, თუმცა სტუმრები არ რჩებოდნენ და ბოლო წუთებზე დაწინაურდნენ კიდეც. გადამწყვეტ მომენტში უფრო მობილიზებულად რუსთაველებმა ითამაშეს და გამარჯვებაც მათ დარჩათ.

გამარჯვებულთაგან გამორჩეული სტატისტიკა ჰქონდა და გამარჯვებაშიც უდიდესი წილი დაიდო აკაკი დვალიშვილმა, რომელმაც 23 ქულა და 20 მოხსნა დააგროვა. 17 ქულით დაასრულა შეხვედრა ლევან ცეკვავამ, ხოლო მიხეილ ჭოჭუამ თავი 16 ქულას მოუყარა.

დამარცხებულთაგან ბიჯეი იანგი გამოირჩა, რომელმაც „რუსთავთან“ წინა 2 სათასო მატჩი დისკვალიფიკაციის გამო გამოტოვა. იანგმა 27 ქულა მიითვალა, მეორე ამერიკელმა, ნიკ კელოგმა თავი 18 ქულასა და 11 მოხსნას მოუყარა. ბათუმელთა მესამე ამერიკელმა – კრის ფელჩერმა შეხვედრა 13 ქულითა და 18 მოხსნით დაასრულა.

სუპერლიგის მიმდინარე ტურის 3 მატჩი ხვალ, 21 მარტს თბილისში, სპორტკომპლექს „არენაში“ გაიმართება.

ბათუმი – რუსთავი 79:83

მატჩისშემდგომი კომენტარები

მიხეილ ბერუაშვილი, „რუსთავის“ მთავარი მწვრთნელი:

– რთული, დაძაბული მატჩი გამოვიდა თავიდან ბოლომდე. ჩვენი გუნდის წევრებმა კარგად იმუშავეს დაცვაში. რაც ვარჯიშებზე დავგეგმეთ, თითქმის ყველაფერი შევასრულეთ, რისთვისაც მადლობას ვუხდი მათ და ვულოცავ ამ მნიშვნელოვან გამარჯვებას. იმედი მაქვს, იმ ჩავარდნას, რომელიც ახლო წარსულში გვქონდა, თავს დავაღწევთ.

დავით უსტიაშვილი, “ბათუმის მთავარი მწვრთნელი:

– საინტერესო, დაძაბული მატჩი იყო. ორივე გუნდს შეეძლო მოგება და საბოლოოდ რუსთაველებმა იმარჯვეს. ჩვენ არ გაგვიმართლა, რისი მიზეზიც მოკლე სათადარიგოთა სკამიცაა. „რუსთავთან“ და სუპერლიგის ლიდერებთან დარჩენილ ტურებში ჩამორჩენის შემცირება გამორიცულია. ჩვენ უფრო წინ უნდა ვიყუროთ და პლეი ოფისთვის მოვემზადოთ.

superleague.ge

“დინამომ” რუსთავში მოიგო

Posted on თებერვალი 28, 2015თებერვალი 28, 2015 by Levan

სუპერლიგის მე-11 ტურში “რუსთავმა” საკუთარ დარბაზში თბილისის “დინამოს” უპასუხო.

„რუსთავს“ რთული ამოცანა ჰქონდა გადასაჭრელი. ლიდერ „დინამოს“ ამერიკელი ლეგიონერის, ტრავმირებული ტერენს ოგლსბის გარეშე დაუხვდა და წარმატების მისაღწევად ძალისხმევასთან ერთად იღბლის წყალობაც სჭირდებოდა. ამ უკანასკნელს რუსთაველები პირველ მეოთხედში ნამდვილად არ უჩივოდნენ. მასპინძლებმა „დინამოს“ კალათი სამქულიანებით „ამოავსეს“ – ქაქუაცა აბაიშვილმა, მიხეილ ჭოჭუამ და ლევან ცეკვავამ ჯამში 5 სამქულიანი ჩააგდეს და პირველ პერიოდში ქვემოქართლელები 16 ქულით დაწინაურდნენ – 24:8.

დინამოელებმა ვითარების გამოსწორება დაცვიდან დაიწყეს და უკანა ხაზში საიმედო თამაშმა მათ შეტევაშიც გაუხსნა გზა. გარიკ შერმანმა, მარკო პოპოვიჩმა, ბესიკ ლეჟავამ მიზანი გაისწორეს და პირველი მეოთხდის დასრულებამდე სტუმრებმა ჩამორჩენა 9 ქულამდე შეამცირეს – 21:30. თამაშის განახლებისთანავე დინამოელებმა შედეგიანობა გააგრძელეს და ანგარიში ჯერ გაათანაბრეს (30:30), ხოლო დიდი შესვენებისთვის საიმედოდ დაწინაურდნენ კიდეც – 54:45.

მესამე პერიოდში გამოჩნდა, რომ „რუსთავი“ თამაშის შემომტრიალებელი აღარ იყო. აღნიშნული პერიოდი თბილისელებმა 15:9 მოიგეს და მასპინძლები საბოლოოდ გატყდნენ. „დინამოს“ უპირატესობამ 20 ქულას გადააჭარბა და გამარჯვებულის ვინაობაც საფინალო სირენამდე საკმაო ხნით ადრე გაირკვა.

დინამოელთა შორის საუკეთესო შედეგი გარიკ შერმანმა დააფიქსირა – 20 ქულა და 9 მოხსნა. 17 ქულა დააგროვა ბესიკ ლეჟავამ, ლაშა გამყრელიძის ანგარიშზე კი 16 დაგროვდა. მასპინძელთაგან გამორჩეული შედეგი დააფიქსირა მიხეილ ჭოჭუამ, რომელმაც 34 წუთში 34 ქულა დააგროვა. აკაკი დვალიშვილმა მატჩის ერთადერთი ორმაგი დუბლი – 10 ქულა და 14 მოხსნა მიითვალა.

რუსთავი – დინამო 81:91

მატჩისშემდგომი კომენტარები

მიხეილ ბერუაშვილი, „რუსთავის“ მთავარი მწვრთნელი:

„ვულოცავ „დინამოს“ გამარჯვებას. რაც შეეხება მატჩს, თამაში ცუდად არ დავიწყეთ და დიდი სხვაობითაც ვიგებდით, მაგრამ მეორე პერიოდიდან ვეღარ მოვახერხეთ გარედან ჩაგდება და ამით მეტოქემ ისარგებლა. გამოჩნდა ხარვეზები, რომლებზეც სამუშაო გვაქვს“.

ირაკლი ხოშტარია, „დინამოს“ მთავარი მწვრთნელი:

„რუსთავი“ ჩემპიონატის ერთ-ერთი ფავორიტია და თან საკუთარ ქალაქში თამაშობდა. აქედან გამომდინარე, გასაკვირი არ ყოფილა, რაც დასაწყისში მოხდა. რუსთაველებმა სოლიდური უპირატესობა მოიპოვეს, თუმცა ჩვენ სწორი ტაქტიკა დავუპირისპირეთ და მეორე მეოთხედიდან ვითარება გამოვასწორეთ. შეგვეძლო უფრო დიდი სხვაობითაც მოგება, თუმცა თავის გამოჩენის საშუალება ყველა მოთამაშეს მივეცი“.

superleague.ge

შსს-მ “რუსთავს” დამაჯერებლად სძლია

Posted on თებერვალი 14, 2015თებერვალი 14, 2015 by Levan

თბილისის სპორტის სასახლემ დღეს სუპერლიგის მეორე წრის მეორე ტურის ორ მატჩს უმასპინძლა. ცენტრალურ შეხვედრაში ერთმანეთის წინააღმდეგ “შსს-აკადემია” და “რუსთავი წარსდგნენ.

ცხრილში ერთმანეთის მახლობლად მყოფი და თანაბარი ქლების მქონე გუნდების დაპირისპირება მოლოდინისამბერ პირველივე წუთებიდან დაძაბულად წარიმართა. სასტარტო მეოთხედი მასპინძელთა 4-ქულიანი უპირატესობით დასრულდა, რომელიც “ძალოვნებმა” ბოლო წამებზე შარაბიძის კარგი თამაშით მოიპოვეს. “შსს”-ს ცენტრმა ჯერ შეტევაში იაქტიურა და საკუთარ გუნდს 3 ქული მოუტანა, შემდეგ კი დაცვაშიც იყოჩაღა. თუმცა, ამ უპირატესობისგან მეორე მეოთხედის პირველივე წუთებიდან აღარაფერი დარჩა. რუსთაველები მეტოქეს მალევე წამოეწივნენ და ტერენს ოგლსბის ზუსტი სამიანით წინაც გავიდნენ, რის შეხვედრა შეხვედრა კკვლავ გარდამავალი უპირატესობით წარიმართა. თუმცა, პირველი პერიოდის მსგავსად ტუღუშის შეგირდებმა დიდი შესვენების წინაც ბოლო წუთებზე მოუმატეს და საბოლოოდ ტაიმი 8-ქულიანი უპირატესობით – 41:33 მოიგეს.

მატჩის სცენარი არც შესვენების შემდეგ შეცვლილა. “რუსთავმა” კვლავ შეძლო სხვაობის შემცირება. თუმცა, ამჯერადაც მეოთხედის ბოლოს ტუღუშის გუნდი დომინირებდა და შეხვედრაში ყველაზე დიდი, 14-ქულიანი სხვაობაც დაფიქსირდა, რაც ლომოურის და ბერიშვილის ზედიზედ ორი ზუსტი სამიანის დამსახურებით მოხდა. აღსანიშნავია, რომ თამაში არ წაუვიდა რუსთაველთა ლეგიონერ ტერენს ოგლსბის, რომელმაც საკმაოდ ბევრი შეტევა გააფუჭა და დაცვაშიც რამდენიმე უხეში შეცდომა დაუშვა.

“შსს”-მ მოპოვებული უპირატესობა დასკვნით მეოთხედში უპრობლემოდ შეინარჩუნა. რუსთაველთა თამაში მოედანზე დაბრუნებულმა ოგლსბიმ კი გამოაცოცხლა, თუმცა საბოლოოდ ტუღუშის გუნდმა თავისი გაიტანა და მატჩიც 20-ქულიანი უპირატესობით 94-74 მოიგო.

მასპინძელთა შემადგენლობაში საუკეთესო ნიკამ მეტრეველი გახლდათ, რომელამც შსს-ს რიგებში პირველ შეხვედრაში 23 ქულა ჩაიწერა აქტივში, ხოლო “რუსთავიდან” 21 ქულითა და 18 მოხსნით ყველაზე შედეგიანი დვალიშვილი გახდა.

შსს-აკადემია 94-74 რუსთავი