26 დეკემბერს, იტალიის სერია B-ში, “სალერტინატამ” საკუთარ მოედანზე “კალიარი” მიიღო და ანგარიშით 0:2 დამარცხდა.
შეხვედრის 84-ე წუთზე, “კალიარის” ფეხბურთელმა მასპინძელთა კარი დალაშქრა, გოლის აღნიშვნა კი ცეკვით გადაწყვიტა. როგორც ჩანს, ამან “სალერტინატას” მოთამაშეები გააბრაზა, რომლებიც ტელოს გამოეკიდნენ. საბოლოოდ, ეპიზოდი იმით დასრულდა, რომ ტელო მოედნიდან გააძევეს.
იტალიური „კატანიას“ ხელმძღვანელობის შვიდი წარმომადგენელი გარიგებულ მატჩებში მონაწილეობის ბრალდებით დააკავეს.
„კორიერე დელო სპორტის“ ინფორმაციით, დაკავებულთა შორის კლუბის პრეზიდენტი ანტონიო პულვირენტი, ვიცე-პრეზიდენტი პაბლო კოსენტინო და ყოფილი სპორტული დირექტორი დანიელე დელი კარი.
ხსენებულ პირებს სერია ბ-ს განვლილი სეზონის მატჩების შედეგების ყიდვაში ადანაშაულებენ.
24 დეკემბერს, იტალიის სერია B-ში, “ჩიტადელამ” საკუთარ მოედანზე “კატანია” მიიღო და მეტოქე ანგარიშით 3:2 დაამარცხა. მიუხედავად იმისა, რომ შეხვედრაში ხუთი გოლი გავიდა, ყველაზე დიდი ყურადღება იმან მიიპყრო, რომ მსაჯმა “კატანიას” ოთხ ფეხბურთელს წითელი ბარათი უჩვენა.
პირველად, მოედნის დატოვება ფაბიან რინაუდოს მოუწია, რომელმაც 51-ე წუთზე მეორე ყვითელი ბარათი მიიღო. ამის შემდეგ, 88-ე წუთზე მიხალ ჩრაპეკის ჯერი დადგა. დაახლოებით ერთ წუთში, მსაჯმა წითელი ბარათი სათადარიგოთა სკამზე მყოფ სებასტიან ლეტოსაც უჩვენა, ყველაზე ბოლოს კი მოედნიდან ნიკოლას სპოლი გააძევეს.
გთავაზობთ მატჩის მიმოხილვას:
იტალიური “ემპოლი”, რომელიც ამ ტურამდე სერია B-ში პირველ ადგილს იკავებდა, დღეს “აველინოს” ესტუმრა და 0-1 დამარცხდა.
მასპინძლებმა ერთადერთი გოლი შეხვედრის 36-ე წუთზე, თერთმეტმეტრიანის ნიშნულიდან გაიტანეს, არბიტრმა ამ ეპიზოდში მხოლოდ პენალტის დანიშვნა არ იკმარა და “ემპოლის” მცველი მოედნიდან გააძევა, რამაც მატჩის შედეგზე დიდი გავლენა იქონია.
“ემპოლის” ქართველი ფორვარდი ლევან მჭედლიძე მოედანზე 59-ე წუთზე, ტავანოს ნაცვლად შემოვიდა, რაც შეეხება ირაკლი შეყილაძეს, ის სათადარიგო გახლდათ.
შეგახსენებთ, რომ ამ სეზონში სერია ბ-ს 7 ტურიდან მჭედლიძემ 4-ში ითამაშა და ოთხივე შემთხვევაში მოედანზე შეცვლაზე შევიდა, გოლი ჯერჯერობით არ გაუტანია. რაც შეეხება შეყილაძეს, მას თავის გამოჩენის შანსი მხოლოდ ერთხელ, 8 სექტემბერს, “ტრაპანისთან” საშინაო მატჩში მიეცა, თუმცა ჯერჯერობით ისიც “მშრალად” ასპარეზობს.
