ტურინის „იუვენტუსის“ მცველი შტეფან ლიხშტაინერი, დიდი ალბათობით, „ნაპოლისთან“ მოახლოებულ მატჩს გამოტოვებს. „ფროსიონესთან“ იტალიის სერია ა-ს მეხუთე ტურის მატჩის შესვენების დროს შვეიცარელ ფეხბურთელს სუნთქვასთან დაკავშირებული პრობლემები აღმოუჩნდა, რის გამოც ის შეცვალეს.
„მოთამაშის მდგომარეობას შემდეგი დღეების განმავლობაში შევაფასებთ. დღეს მას არ უვარჯიშია. სავარაუდოდ, შტეფანი „ნაპოლისთან“ ვერ ითამაშებს“, – ნათქვამია კლუბის განცხადებაში.
უკვე ერთი თვის განმავლობაში ტურინის „იუვენტუსის“ მცველს შტეფან ლიხშტაინერს ფეხის პრობლემები აწუხებს.
მუდმივი ტკივილი ფეხბურთელს თამაშში ხელს უშლის, სარეაბილიტაციო კურსმა კი მოსალოდნელი შედეგი ვერ გამოიღო.
როგორც ცნობილია, შტეფანი ექვს ივნისს, „ბარსელონასთან“ უეფას ჩემპიონთა ლიგის ფინალში თამაშს შეძლებს, რის შემდეგაც ოპერაციას გაიკეთებს, რათა ტრავმა საბოლოოდ მოიშუშოს.
მადრიდის „რეალთან“ განმეორებით მატჩის წინ ტურინის „იუვენტუსის“ მცველი შტეფან ლიხშტაინერი ჟურნალისტებს გაესაუბრა.
„შეხვედრის ბედს მცირე დეტალები გადაწყვეტენ. ზუსტად ეს დეტალები ერთ-ერთ გუნდს უპირატესობას მისცემენ.
„რეალი“ ძალიან ძლიერია, თუმცა მისი სიძლიერე არამხოლოდ რონალდუში გამოიხატება. მატჩისთივის კარგად უნდა მოვემზადოთ, მთავარია, გვჯეროდეს, რომ შემდეგ ეტაპზე გასვლა შეგვიძლია.
სახლში ჩინებულად ვითამაშეთ, თუმცა წინ რთული გასვლა გველის. კარგად უნდა ვითამაშოთ, რისთვისაც მზადყოფნაა საჭირო“, – განაცხადა შვეიცარელმა.
„იუვენტუსის“ მცველმა შტეფან ლიხშტაინერმა დორტმუნდის „ბორუსიასთან“ უეფა-ს ჩემპიონთა ლიგის მოახლოებული 1/8-ფინალური მატჩის შესახებ ისაუბრა.
„იუვენტუსში“ წარმატების მიღწევის გაგრძელება მსურს. გამარჯვება ამ კლუბს სისხლში აქვს და ჩემპიონთა ლიგის მოგება ჩვენი ოცნებაა.
რაც შეეხება „ბოპრუსიას“, არ მესმის, თუ რატომ აქვს ამ კლუბს ჩემპიონატში ასეთი პრობლემები. ევროპაში დორტმუნდელები ჩინებულად გამოდიან“, – განუცხადა შვეიცარელმა „Mediaset“-ს.
შვეიცარიის ნაკრების მცველის შტეფან ლიხშტაინერის აზრით, მის გუნდს არგენტინის ნაკრების დამარცხების პოტენციალი აქვს.
„ყოველი მატჩის შემდეგ სიტუაციას ვაფასებთ. ყველაფრის მიუხედავად, ვთვლი, რომ შვეიცარიას არგენტინის ნაკრების დამარცხების შანსი გააჩნია“, – განაცხადა ლიხშტაინერმა.
შეგახსენებთ, რომ პირველ მატჩში შვეიცარიამ ეკვადორი ანგარიშით 2:1 დაამარცხა.
