ესპანეთი – გვერდი 4 – Fanebi.Com – ფეხბურთი, კალათბურთი, რაგბი, სხვა

ოფიციალურად: “ესპანიოლმა” კიკე სანჩეს ფლორესი და სპორტული დირექტორი დაითხოვა

Posted on აპრილი 21, 2018 by კახა ყიფიანი

კატალონიის “ესპანიოლის” მესვეურებმა მთავარი მწვრთნელი, კიკე სანჩეს ფლორესი და სპორტული დირექტორი, ხორდი ლარდინი დაითხოვა.

ესპანელი მწვრთნელი კლუბს 2016 წლის ივნისში ჩაუდგა სათავეში. ამ სეზონში 53 წლის სპეციალისტის გუნდი საშინლად გამოიყურებოდა. ბოლოს “ესპანიოლმა” ლა ლიგაში 11 თებერვალს მოიგო. კატალონიელებმა ბასკურ “რეალ სოსიედადს” სძლიეს. კიკე სანჩეს ფლორესმა ბოლო ხუთ შეხვედრაში მხოლოდ ერთი ქულის მოპოვება მოახერხა. ამჟამად, “ესპანიოლი” 36 ქულით მე-16 პოზიციაზეა და გასავარდნ ზონასთან ორი ქულა აშორებს.

ცნობილია, რომ სეზონის დასრულებამდე მთავარი მწვრთნელის მოვალეობას ახალგაზრდული გუნდის უკვე ყოფილი დამრიგებელი, დავიდ გაიეგო შეასრულებს.

ნაჩო და მოდრიჩი ვარჯიშს დაუბრუნდნენ

Posted on აპრილი 16, 2018 by კახა ყიფიანი

ნაჩო ფერნანდესმა “ლას პალმასთან” კუნთის ტრავმა მიიღო და “რეალს” გამოაკლდა. საგულისხმოა, რომ “ბლანკოსის” უკანახაზელი ვარჯიშს დაუბრუნდა და დღეს მსუბუქად დაიტვირთა. შესაბამისად, არსებობს იმის შანსი, რომ იგი ჩემპიონთა ლიგაზე მიუნხენის “ბაიერნთან” გასამართი შეხვედრის განაცხადში მოხვდეს.

მადრიდელთა გულშემატკივრისათვის მეორე კარგი ამბავი ისაა, რომ დღეს მინდორზე ლუკა მოდრიჩიც გამოჩნდა. ხორვატმა ჩემპიონთა ლიგის მეოთხედფინალური ეტაპის განმეორებით შეხვედრაში (ტურინის “იუვენტუსის” წინააღმდეგ) მიიღო დაზიანება. მან ლა ლიგა სანტანდერის 32-ე ტურის თამაში (“მალაგასთან”) გამოტოვა. თუმცა, დღეს ლუკა ნაჩოს გვერდით გამოჩნდა. შესაძლოა, მან 33-ე ტურის მატჩში ითამაშოს, სადაც “რეალი” ბილბაოს “ატლეტიკს” დაუპირისპირდება.

კარიკატურა: როგორ დასრულდა იტალიურ-ესპანური რომანი?

Posted on აპრილი 11, 2018 by კახა ყიფიანი

გუშინ ჩემპიონთა ლიგის მეოთხედფინალის განმეორებით მატჩში ერთმანეთს რომის “რომა” და კატალონიის “ბარსელონა” დაუპირისპირდნენ. საბოლოოდ, იტალიელებმა ესპანელები ანგარიშით, 3-0 გაანადგურეს.

ომარ მომანი ასეთ კარიკატურას გვთავაზობს.

ბართომეუს კომენტარი “რომასთან” მარცხის შემდეგ

Posted on აპრილი 11, 2018აპრილი 11, 2018 by კახა ყიფიანი

ჩემპიონთა ლიგის მეოთხედფინალის განმეორებით შეხვედრაში “რომამ” “ბარსელონა”, მოულოდნელად, 3-0 გაანადგურა და შემდეგ ეტაპზე გავიდა.

მატჩის შემდეგ ჟურნალისტებს კატალონიელთა პრეზიდენტი, ხოსეპ მარია ბართომეუ ესაუბრა.

“ვიცი, ახლა რას განიცდიან ჩვენი ფანები. ვულოცავ “რომას”. ძალიან ცუდი დღეა ჩვენთვის. ის მივიღეთ, რასაც არ ველოდით. მეტოქემ უკეთესად ითამაშა. მათ ყველა ასპექტში გვაჯობეს. ძალიან გვსურდა, ნახევარფინალამდე მიგვეღწია. ბოდიში ყველა “კულეს!” – ამბობს ბართომეუ.

კარიკატურა: არგენტინა ესპანეთთან განადგურდა

Posted on მარტი 29, 2018 by კახა ყიფიანი

ესპანეთის ნაკრებმა არგენტინის ეროვნულ გუნდს ანგარიშით, 6-1 მოუგო. ამხანაგურ შეხვედრაში “ფურია როხას” ნახევამრცველმა, ისკო ალარკონმა ნამდვილი შოუ მოაწყო და ჰეთრიკიც შეასრულა.

ომარ მომანიმაც არ დააყოვნა…

ესპანეთმა არგენტინა გაანადგურა: ისკომ ნამდვილი შოუ დადგა (ვიდეო)

Posted on მარტი 28, 2018 by იაკობ კაპანაძე

27 მარტს ამხანაგურ მატჩში ერთმანეთს მსოფლიო 2018 წლის ჩემპიონატის ორი ფავორიტი, ესპანეთისა და არგენტინის ნაკრები გუნდები დაუპირისპირდნენ. მატჩში მოულოდნელი შედეგი დაფიქსირდა – ესპანალებმა მეტოქეს შანსი არ დაუტოვეს (6:1).

ანგარიში შეხვედრის მე-12 წუთზე დიეგო კოშტამ გახსნა ასენსიოს საგოლე პასის წყალობით. 27-ე წუთზე ასენსიო გოლის გატანაში უკვე ისკოს დაეხმარა. თორმეტ წუთში ოტამენდიმ ევერ ბანეგას დახმარებით ანგარიშში ერთი ბურთი გაქვითა. პირველი ტაიმი ასე დასრულდა – 2:1.

მატჩის მეორე ნახევარი კი ესპანელთა შოუს დაეთმო. განსაკუთრებულად აქტიური იყო ისკო, რომელმაც ჰეთ-ტრიკი გაიფორმა (27′ 52′ 75′). თავიანთი გოლები გაიტანეს ალკანტარამ (55′) და იაგო ასპასმაც (74′). აღსანიშნავია, რომ ასპასის ეპიზოდში საგოლე გადაცემის ავტორი დავიდ დე ხეა გახდა.

ესპანეთი: დე ხეა; ალბა, რამოსი, პიკე (ასპილიკუეტა 72′), კარვახალი; ინიესტა (საულ ნიგესი 56′), კოკე, ალკანტარა; ისკო (ლუკას ვასკესი 75′), კოშტა (იაგო ასპასი 46′) , ასენსიო

მთავარი მწვრთნელი: ლოპოტეგი

არგენტინა: რომერო (ვილი კაბალიერო 22′); ბუსტოსი (მერკადო 62′), ოტამენდი, როხო, ტაგლიაფისო; ბილია, მაშერანო (პავონი 54′); ლო სელსო (აკუნა 84′), ბანეგა, მესა; იგუაინი (მარტინესი 58′)

მთავარი მწვრთნელი: ხორხე სამპაოლი

ისკო – “მანჩესტერ სიტის” ახალი სამიზნე

Posted on მარტი 26, 2018 by კახა ყიფიანი

“მანჩესტერ სიტი” რამდენიმე თვეა, ცდილობს კიდევ ერთი შემტევის შეძენას. დედაქალაქელების სამიზნე აქამდე ალექსის სანჩესი და რიად მაჰრეზი იყო. პირველმა მათგანმა “მანჩესტერ იუნაიტედს” მიაშურა, ხოლო ალჟირელი შემტევი “ლესტერ სიტიმ” არ გამოუშვა.

როგორც ესპანური პრესა წერს, “ქალაქელთა” ახალი სამიზნე ისკო ალარკონია. ნახევარმცველმა ზინედინ ზიდანის გუნდში, ძირითად შემადგენლობაში ადგილი დაკარგა და სათამაშო დრო საკმაოდ შეუმცირდა. სწორედ ამიტომ, ეს სიტუაცია ტრანსფერს რეალურს ხდის. მით უმეტეს, პეპ გუარდიოლა ისკოს სტილის მოთამაშეებს დიდ უპირატესობას ანიჭებს.

ჯერჯერობით, უცნობია, რა თანხის გადახდა აპირებს “სიტი” ალარკონში.

ლოპეტეგი: “მორატას მსოფლიო ჩემპიონატზე წასვლის კარგი შანსი აქვს”

Posted on მარტი 20, 2018 by კახა ყიფიანი

ესპანეთის ნაკრების მთავარმა მწვრთნელმა, ხულიენ ლოპეტეგმა ლონდონის “ჩელსის” თავდამსხმელზე, ალვარო მორატაზე ისაუბრა.

“რა თქმა უნდა, მორატას აქვს შანსი, რომ მსოფლიოს ჩემპიონატზე წავიდეს და მან ეს ძალიან კარგად იცის. მან თავისი თამაშით უკეთ უნდა აჩვენოს, თუ რისი გაკეთება შეუძლია. იმედი მაქვს, ამას შეძლებს. რაც შეეხება ინიესტას, ის წინა სეზონთან შედარებით უკეთესია. ანდრესი უფრო სტაბილურია. ვფიქრობ, ის ახლა ჩემთვის დამაკმაყოფილებელი მოთამაშეა,” – ამბობს ლოპეტეგი.

კარიკატურა: კრიშტიანუ რონალდუს 50-ე ჰეთრიკი

Posted on მარტი 19, 2018მარტი 19, 2018 by კახა ყიფიანი

გუშინ ლა ლიგა სანტანდერის 29-ე ტურში მადრიდის “რეალმა” კატალონიის “ხირონა” მიიღო და მეტოქე ანგარიშით, 6:3 დაამარცხა. აღნიშნულ შეხვედრაში კრიშტიანუ რონალდუმ კარიერაში 50-ე ჰეთრიკი შეასრულა, რაც ფენომენალური შედეგია.

ამ თემაზე Bleacher Report-მა კარიკატურა შემოგვთავაზა.

ინიესტა: “არ მინდა, მეოთხედფინალში ესპანურ გუნდს შევხვდეთ”

Posted on მარტი 15, 2018 by კახა ყიფიანი

გუშინ ჩემპიონთა ლიგის მერვედფინალის განმეორებით შეხვედრაში კატალონიის “ბარსელონა” ლონდონის “ჩელსის” დაუპირისპირდა და ანგარიშით, 3:0 მოიგო.

მატჩის შემდეგ გუნდის კაპიტანი, ანდრეს ინიესტა ჟურნალისტებს ესაუბრა.

“არ მინდა, მეოთხედფინალში ესპანურ გუნდს შევხვდეთ. ეს იმიტომ, რომ ერთმანეთს ძალიან კარგად ვიცნობთ. რა თქმა უნდა, მიზანი ისევ ჩემპიონთა ლიგის მოგებაა. თუმცა, ეს ძალიან რთულია. შესაძლოა, ერთი ცუდი შეხვედრა ჩავატაროთ და ამან ყველაფერზე იმოქმედოს. მიზანია, ასეთი შეცდომების რიცხვი მინიმუმამდე შევამციროთ. მჯერა, რომ ჩვენ გუნდს აქვს საკმარისი ძალა, რათა ეს ტიტული მოიგოს,” – ამბობს ინიესტა.

კაზემირო: “რეალმა” უნდა იამაყოს, რომ მსოფლიოს საუკეთესო ფეხბურთელი ჰყავს”

Posted on მარტი 10, 2018 by კახა ყიფიანი

დღეს მადრიდის “რეალმა” ლა ლიგა სანტანდერის 28-ე ტურში “ეიბარი” სტუმრად, კრიშტიანუ რონალდუს დუბლით, 2-1 დაამარცხა.

დაპირისპირების შემდეგ, ბრაზილიელმა მოთამაშემ, კაზემირომ ჟურნალისტებთან ისაუბრა.

“მადრიდის “რეალს” ჰყავს კრიშტიანუ რონალდუ. ეს საამაყო რამაა! დღეს მოხდა ის, რაც ყოველთვის ხდება. რონალდუმ კიდევ ერთი შესანშნავი სპექტაკლი დადგა და საბოლოოდ, გუნდს მოაგებინა. ბევრი ვიშრომეთ, ვირბინეთ, რთული შეხვედრა იყო. მეტოქე ძლიერი გვყავდა, ისინი პრესინგზე შესანიშნავად თამაშობდნენ და საკმაოდ გვიჭირდა. თუმცა, კლასმა, საბოლოოდ, ყველაფერი გადაწონა,” – ამბობს კაზემირო.

ვალვერდე: “ლას პალმასთან” განცდილმა წარუმატებლობამ, მოტივაცია უნდა შეგვძინოს”

Posted on მარტი 10, 2018 by კახა ყიფიანი

ლა ლიგა სანტანდერის 28-ე ტურში კატალონიის “ბარსელონა” “მალაგას” ესტუმრება. შეხვედრის წინ ერნესტო ვალვერდემ პრესკონფერენცია გამართა.

“რაც “ლას პალმასთან” დაგვემართა, ამ ყველაფერმა მოტივაცია უნდა შეგვძინოს და, საოლოოდ, ქულების დაკარგვის რისკი მაქსიმუმამდე შეამციროს. უნდა ვეცადოთ, ქულათა დიდი რადოენობა მოვიპოვოთ. კარგად ვიცით, რას წარმოადგენენ გუნდები, რომლებიც ცხრილში ჩვენთან ახლოს არიან. ისინი 200 პროცენტით იხარჯებიან. სწორედ ამიტომ, მონდომებაა საჭირო.”

“მალაგა” დიდ წინააღმდეგობას გაგვიწევს. ამის მოლოდინი ნამდვილად მაქვს. არ აქვს აზრი, გუნდი უკან ზის თუ უტევს. ამას ინგლისში, “ჩელსის” წინაარმდეგ გამართული მატჩი და გაშვებული გოლი ადასტურებს. ყველა გუნდი ცდილობს, რომ პრესინგი ითამაშოს ჩვენს წინააღდმეგ. ამიტომ, ჩვენი მხრიდან მაქსიმალური დაკვირვების და აგრესიის გამოჩენაა საჭირო,” – აცხადებს ვალვერდე.