საფეხბურთო კლუბ “ლივერპულის” პარტნიორმა – სარესტორნო ქსელმა Subway-მ მარკეტინგული კამპანიის დროს შეცდომა დაუშვა.
მერსისაიდული გუნდი ახალი სეზონის მოსამზადებელი პერიოდის ერთ-ერთ მატჩს ავსტრალიური “ადელაიდა იუნაიტედის” წინააღმდეგ ჩაატარებს. Subway-ს ავსტრალიურმა წარმომადგენლობამ ამ შეხვედრაზე დასასწრები VIP ბილეთების გათამაშება დაანონსა, თუმცა პოსტერზე გამოსახული “ლივერპულის” სამი მოთამაშიდან ორი რაჰიმ სტერლინგი იყო – ძველი და ახალი ვარცხნილობით. სავარაუდოდ, ის დანიელ სტარიჯში შეეშალათ.
მოგვიანებით ეს შეცდომა გამოასწორეს და ახალი პოსტერი გამოაქვეყნეს, რომელზეც ადამ ლალანა, რაჰიმ სტერლინგი, დანიელ სტარიჯი, ჯორდან ჰენდერსონი და ფილიპე კოუტინიო არიან გამოსახულნი.
