ჭანტურია – გვერდი 2 – Fanebi.Com – ფეხბურთი, კალათბურთი, რაგბი, სხვა

რომან ჭანტურიამ “ლაციოს” სამი გოლი გაუტანა (ვიდეო)

Posted on ნოემბერი 1, 2015ნოემბერი 1, 2015 by -

31 ოქტომბერს, იტალიის ახალგაზრდულ ჩემპიონატში, “ემპოლის” 19-წლამდე გუნდმა საკუთარ მოედანზე “ლაციო” მიიღო და მეტოქე ანგარიშით 3:1 დაამარცხა.

აღსანიშნავია, რომ “ემპოლის” მხრიდან სამივე გოლი ქართველმა თავდამსხმელმა რომან ჭანტურიამ გაიტანა. 19 წლის თავდამსხმელმა სტუმართა კარი 30-ე, 45-ე და 64-ე წუთებზე დალაშქრა.

ამ გამარჯვების შემდეგ “ემპოლის” ახალგაზრდულ გუნდს 16 ქულა დაუგროვდა და ჩემპიონატის ცხრილში მეორე ადგილს იკავებს, პირველ პოზიციაზე კი 19 ქულით, “რომაა”.

შეგახსენებთ, რომ რომან ჭანტურიამ რამდენიმე კვირის წინ “ნაპოლის” წინააღმდეგაც ბრწყინვალედ ითამაშა.

La Primavera azzurra ha vinto ieri 3-1 con la La Lazio: guarda la sintesi

Posted by Empoli Fc Official on Sunday, 1 November 2015

რომან ჭანტურიას დუბლი და საგოლე გადაცემა “ნაპოლისთან” გამართულ შეხვედრაში (ვიდეო)

Posted on ოქტომბერი 18, 2015ოქტომბერი 18, 2015 by -

17 ოქტომბერს, იტალიაში, “ემპოლის” 19-წლამდე გუნდმა საკუთარ მოედანზე “ნაპოლი” მიიღო და მეტოქე გამანადგურებელი ანგარიშით 4:0 დაამარცხა.

“ემპოლის” ძირითად შემადგენლობაში იყო ქართველი თავდამსხმელი რომან ჭანტურია, რომელმაც სტუმართა კარში ორი გოლის გატანა მოახერხა. ასევე, 19 წლის ფეხბურთელმა ერთი საგოლე პასიც მიითვალა.

La Primavera azzurra ha superato ieri per 4-0 il Napoli: guarda gli highlights della gara di Monteboro

Posted by Empoli Fc Official on Sunday, 18 October 2015

რას წერენ გერმანელი ფანები გიორგი ჭანტურიაზე “პადერბორნთან” გამარჯვების შემდეგ

Posted on ოქტომბერი 6, 2015 by -

როგორც იცით, 5 ოქტომბერს, გერმანიის მეორე ბუნდესლიგაში, “დუისბურგმა” საკუთარ მოედანზე “პადერბორნი” მიიღო და მეტოქე ანგარიშით 1:0 დაამარცხა.

აღსანიშნავია, რომ მასპინძლებმა გამარჯვება გიორგი ჭანტურიას წყალობით მოახერხეს, რომელიც ახალ კლუბში სადებიუტო მატჩს ატარებდა.

მატჩის შემდეგ, “დუისბურგის” ფანებმა ქართველი ფეხბურთელი შეაქეს.

“ბოლო გოლი, რომელმაც ასე გამახარა “უემბლის” სტადიონზე გავიდა.”

Ich glaube, das letzte Tor was mich so glücklich gemacht hat, war von Mr Wembley im CL Finale ???? #miasanmia #MSVSCP #chanturia @MSVDuisburg

— Lea (@Leakind) October 5, 2015

“ჭანტურიას საოცნებო დებიუტი. “ვიტესის” ყოფილმა ფეხბურთელმა “პადერბორნთან” მოგვაგებინა.”

Droomdebuut #Chanturia bij Duisburg. Ex-speler #Vitesse valt in tegen Paderborn en bezorgt Duisburg eerste seizoenszege: 1-0.” @YB_Eagle

— max oolthuis (@Maxiemiliano2) October 5, 2015

“ჭანტურია ფილმ “ნათლიაში” მონაწილე ალ პაჩინოს გავს.”

#Chanturia sieht aus wie Pacino in Der Pate. Volltreffer! #MSVSCP

— Philipp Stempel (@PhilippStempel) October 5, 2015

“ქართველი მესი” სუპერ ბიჭია!”

Der Georgische Messi ist n super sympathischer Kerl! 2. Liga macht Spaß, Duisburg ist cool! #chanturia #msvduisburg #buli2

— MaxGamingTV (@MaxGamingTV) October 5, 2015

ჭანტურია: “მწვრთნელს ვუთხარი, რომ გოლს გავიტანდი”

Posted on ოქტომბერი 6, 2015 by -

“დუისბურგის” თავდამსხმელმა გიორგი ჭანტურიამ “პადერბორნთან” გამარჯვების შემდეგ კომენტარი გააკეთა და თავისი გუნდის მთავარი მწვრთნელი შეაქო.

შეგახსენებთ, რომ 5 ოქტომბერს, გერმანიის მეორე ბუნდესლიგაში “დუისბურგმა” საკუთარ მოედანზე “პადერბორნი” მინიმალური სხვაობით. 1:0 დაამარცხა. შეხვედრაში ერთადერთი გოლი ქართველმა ფეხბურთელმა გაიტანა და ის მწვრთნელთან ერთად ძალიან ემოციურად აღნიშნა.

“ძალიან კარგი მწვრთნელი გვყავს. მატჩამდე მას ვუთხარი, რომ მისთვის გოლს გავიტანდი”, – ციტირებს ჭანტურიას სიტყვებს swp.de.

გიორგი ჭანტურია “ემპოლის” მიუახლოვდა

Posted on სექტემბერი 2, 2015 by -

იტალიურ პრესაში გავრცელებული ინფორმაციის თანახმად, გიორგი ჭანტურია, დიდი ალბათობით, მალე “ემპოლის” ფეხბურთელი გახდება.

მოგეხსენებათ, იტალიაში სატრანსფერო ფანჯარა უკვე დაიხურა, თუმცა კლუბებს თავისუფალი აგენტების დამატების უფლება მაინც აქვთ, ქართველი ფეხბურთელი კი სწორედ თავისუფალი აგენტია.

რამდენიმე საათის წინ, CalcioNews24.com-ისთვის ცნობილი გახდა, რომ ჭანტურიას დამატება “ემპოლის” ხელმძღვანებლობას ძალიან სურს, ამიტომ ისინი ყველაფერს გააკეთებენ იმისათვის, რომ 22 წლის თავდამსხმელი რაც შეიძლება მალე გუნდის წევრი გახდეს.

ჭანტურიას “კლუჟმა” კვლავ მოიგო და ევროსაგზური დაიბევა

Posted on მაისი 24, 2015 by Levan

ამნისტირებულმა და გასავარდნი ზონიდან სამეულში დაბრუნებულმა “კლუჟმა” მორიგი შეხვედრა მოიგო. ამჯერად კლუჟელებმა ბუქარესტის “რაპიდს” უმასპინძა და 2:1 სძლია.

გიორგი ჭანტურიამ შეხვედრა სათადარიგოთა შორის დაიწყო და მოედანზე 81-ე წუთზე შევიდა.

33 შეხვედრაში მოპოვებული 57 ქულით “კლუჟმა” ჩემპიონატის დასრულებამდე 1 ტურით ადრე ევროსაგზური დაიბევა.

გასასვარდნი ზონიდან ევროზონაში – ჭანტურიას “კლუჟის” ნახტომი

Posted on მაისი 23, 2015 by Levan

გიორგი ჭანტურიას “კლუჟს” რუმინეთის სპორტულმა არბიტრაჟმა თებერვალში დაკლებული 24 ქულა დაუბრუნა, რის შედეგადაც გუნდი მე-16 პოზიციიდან მესამეზე აღზევდა და თუ ამ პოზიციის შენარჩუნებას შეძლებს ევროპის ლიგაზეს მოახერხებს თამაშს.

ეს მოულოდნელი და “კლუჟის” ფანებისთვის სასიამოვნო ამბავი გუშინ, 22 მაისს გადაწყდა. სპორტული არბიტრაჟის გადაწყვეტილებით, რუმინეთის ჩემპიონატის მორიგ გათამაშებას ჭანტურიას გუნდი -6 ქულით დაიწყებს.

გიორგი ჭანტურიამ 96-ე წუთზე კურიოზული ყვითელი ბარათი მიიღო (ვიდეო)

Posted on აპრილი 28, 2015აპრილი 28, 2015 by -

28 აპრილს, რუმინეთის ჩემპიონატში “კლუჟმა” საკუთარ მოედანზე “კონკორდია” მიიღო და მეტოქე მინიმალური სხვაობით 2:1 დაამარცხა.

შეხვედრაში პირველი გოლი 35-ე წუთზე სტუმრებმა გაიტანეს. 87-ე წუთზე, “კლუჟის” ნახევარმცველმა პაუნ-ალექსანდრუმ ანგარიში გაათანაბრა, ხოლო მატჩის დამატებულ მე-4 წუთზე, პორტუგალიელმა მცველმა ტიაგო ლოპესმა მასპინძლებისათვის გამარჯვების გოლი გაიტანა.

ცხადია, “კლუჟის” ფეხბურთელებმა გოლი ემოციურად აღნიშნეს. ამ მომენტში მოედანზე თანაგუნდელებთან გოლის მისალოცად გიორგი ჭანტურიაც გამოჩნდა, რომელიც თავისი გუნდის მწვრთნელმა 75-ე წუთზე შეცვალა. სწორედ ამის გამო, მსაჯმა ქართველ თავდამსხმელს ყვითელი ბარათი უჩვენა.

ჭანტურია დერბიში დამარცხდა

Posted on აპრილი 11, 2015აპრილი 11, 2015 by Levan

რუმინეთის ჩემპიონატის 26-ე ტურში, ქალაქ კლუჟის კლუბებს, “უნივერიტატეასა” და “კლუჟს” შორის დერბი შედგა. მატჩი ნომინალურმა მასპინძლებმა მინიმალური ანგარიშით, 1:0 მოიგეს.

საქართველოს ნარკების შემტევი, გიორგი ჭანტურია, “კლუჟის” სასტარტოში იყო და მოედანეზ 71 წუთი გაატარა და ყვითელი ბარათის მიღებაც მოასწრო.

შეგახენებთ, რომ მეორე წრის დაწყებამდე ქართველი ფეხბურთელის კლუბს 25 ქულა დააკლე, რის შემდაგაც ის უკანასკნელ პოზიციაზე აღოჩნდა. ამჟამად “კლუჟი” 18 ქულით ბოლოსწინა, მე-17 ადგილზე იმყოფება.

ჭანტურიას “კლუჟმა” “ასტრა” დაამარცხა

Posted on აპრილი 5, 2015აპრილი 5, 2015 by Levan

რუმინეთის ჩემპიონატის 24-ე ტურში გიორგი ჭანტურიას “კლუჟი” ლიდერთა ჯგუფში მყოფ ასტრას ესტუმრა და მინიმალური ანგარიშით მოიგო.

ერთადერთი გოლი შეხვედრის 55-ე წუთზე გავიდა და მისი ავტორი ლარიე გახდა. სტუმართა ქართველი შემტევი კი მოედანზე მხოლოდ 87-ე წუთზე გამოჩნდა.

24 ტურის შემდეგ 15 ქულით “კლუჟი” ბოლოს წინა, მე-17 პოზიციაზეა. შეგახსენებთ, რომ სახელფასო დავალიანების გამო “კლუჟს” 24 ქულა დააკლეს, რის შედეგადაც გუნდი მეორე წრის დაწყებამდე ბოლო პოზიციაზე აღმოჩნდა.

Like a Boss – როგორი პენალტი გაუტანა გიორგი ჭანტურიამ მეტოქეს (ვიდეო)

Posted on აპრილი 4, 2015ნოემბერი 6, 2015 by -

1 აპრილს, რუმინეთის თასზე, “უნივერსიტატეასა” და “კლუჟს” შორის გამართული მატჩი ფრედ 0:0 დასრულდა.

გამარჯვებულის ვინაობა პენალტების სერიაში გაირკვა. თერთმეტმეტრიანები უკეთ “უნივერსიტატეას” ფეხბურთელებმა შეასრულეს და მომდევნო ეტაპის საზგური მოიპოვეს.

“კლუჟის” მხრიდან, ერთ-ერთი პენალტი გიორგი ჭანტურიამ შეასრულა.

გიორგი ჭანტურიას შესრულებული პენალტი, რომელზეც სხვადასხვა უცხოური გვერდები ახლაც წერენ!Like a boss! 😀

Posted by Fanebi.Com on Thursday, 5 November 2015

გიორგი ჭანტურია ტონი კროოსის წინააღმდეგ (ვიდეო)

Posted on მარტი 31, 2015მარტი 30, 2015 by -

გთავაზობთ ვიდეოს, რომელშიც ნაჩვენებია, თუ როგორ მოატყუა გიორგი ჭანტურიამ ტონი კროოსი საქართველოს და გერმანიის ეროვნულ ნაკრებებს შორის გამართულ მატჩში.