დღეს, დიღმის საწვრთნელ ბაზაზე, ჩვენმა გუნდმა ახალი მთავარი მწვრთნელის, მალხაზ ჟვანიას ხელმძღვენელობით პირველი ვარჯიში ჩაატარა. საწვრთნელ პროცესში მალხაზ ჟვანიას ასისტენტობას თამაზ სამხარაძე, რამაზ სვანაძე, გელა ჭანტურია და ლევან აბაშიძე უწევდნენ. დინამო თბილისი მალხაზ ჟვანიას თავკაცობით პირველ ოფიციალურ მატჩს 9 დეკემბერს, ზუგდიდის საფეხბურთო კლუბის წინაააღდმდეგ გამართავს. დინამო TV დღევანდელი ვარჯიშის ვიდეორეპორტაჟს გთავაზობთ.
FCDinamo.GE
4 დეკემბერს დინამო თბილისი უმაღლესი ლიგის მეთხუთმეტე ტურის შეხვედრას შინ, დინამო არენაზე, ლანჩხუთის გურიას წინააღმდეგ გამართავს. დაპირისპირება 17:00 საათზე დაიწყება და მატჩის ვიდეო და ტექსტურ რეპორტაჟს ტრადიციულად ჩვენი კლუბის ოფიციალური ვებ-გვერდი შემოგთავაზებთ.
დინამოელებს ეროვნულ ასპარეზზე ლანჩხუთელთა წინააღმდეგ 22 მატჩი აქვთ გამართული. ურთიერთშეხვედრებში დინამოელები კოლოსალურ უპირატესობას ფლობენ – 17 მოგება, 3 ფრე და 2 მარცხი. ბურთების შეფარდება 67:13 ჩვენი გუნდის სასარგებლოდაა. დედაქალაქელებმა გურია ექვსბურთიანი სხვაობით ოთხჯერ დაამარცხეს. ჩვენმა გუნდმა სამჯერ 6:0 მოუგო, 1999 წლის 15 მაისს, ეროვნული ჩემპიონატის მეათე გათამაშების XXVII ტურის შეხვედრაში კი მეტოქე 7:1 დაამარცხეს. აღნიშნულ დაპირისპირებაში სამი ბურთი აშვეთიამ გაიტანა, თოთო გოლი კი ჯინჭარაძის, კიკნაძის, ალექსიძის და ჩომახიძის ანგარიშზეა.
უკანასკნელი მატჩი დინამოსა და გურიას შორის 2 სექტემბერს ქობულეთში გაიმართა. აღნიშნულ შეხვედრაში ჩვენი გუნდი მინიმალური სხვაობით – 1:2 დამარცხდა. გურიას კარში გოლი გიორგი მერებაშვილმა გაიტანა.
P.S. 4 დეკემბერს დინამო თბილისს ერთადერთი ოფიციალური მატჩი აქვს გამართული. 2011 წელს საქართველოს ეროვნული ჩემპიონატის XXIII გათამაშების მეთექვსმეტ ტურის მატჩში დინამომ გორის დილას უმასპინძლა. დაპირისპირება ჩვენი გუნდის გამარჯვებით – 2:0 დასრულდა. მეტოქის კარში გოლები კარლეს კოტომ და ჯაბა ჯიღაურმა გაიტანეს.
FCDinamo.GE
ვიტალი დარასელიას სახელობის დინამოს საფეხბურთო აკადემიის ბაზა ოფიციალურად 7 ივლისს გაიხსნა. სპეციალურად ამ დღისთვის თბილისს მსოფლიო დონის ვარსკვლავები – კრიშტიანუ რონალდო და ანდრეი შევჩენკო ეწვივნენ. ინფრასტრუქტურულად უმაღლეს დონეზე უზრუნველყოფილ საფეხბურთო აკადემიის გახსნას ესწრებოდა ყოფილი დინამოელი და ჩემპიონთა ლიგის ორგზის გამარჯვებული – კახი კალაძეც.
დღეს, დინამოს საფეხბურთო აკადემიას 9 ასაკობრივი ჯგუფი ჰყავს, რომლებიც წარმატებულად ასპარეზობენ როგორც საქართველოში, ასევე საერთაშორისო ასპარეზზეც. სელექციის პროცესი უწყვეტად მიმდინარეობს, ჩვენი კლუბის სკაუტინგის სამსახურის წარმომადგენლები საქართველოს სხვადასხვა ქალაქსა თუ სოფელში ნიჭიერ და პერსპექტიულ მოთამაშეებს რეგულარულად ეძებენ და აკვირდებიან. ვიტალი დარასელიას სახელობის საფეხბურთო აკადემიის აღსაზრდელთა გეოგრაფიული არეალი ფართოა – საცხოვრებელ კომპლექსში საქართველოს სხვადასხვა რეგიონიდან (ქუთაისი, ბათუმი, ზუგდიდი, ფოთი, ლანჩხუთი, ხაშური, ბოლნისი და სხვა) ჩამოსული მოზარდები ცხოვრობენ. აკადემიაში მყოფი მოზარდი ფეხბურთელების ვარჯიშზე, სპორტულ რეჟიმზე, კვებაზე და ზოგად განათლებაზე შესაბამისი პერსონალი ყოველდღიურად ზრუნავს.
დინამო TV აკადემიაში მცხოვრებ პატარა ფეხბურთელებს ესტუმრა. მოზარდმა ფეხბურთელებმა საკუთარი შთაბეჭდილებები, მოსაზრებები და სურვილები გაგვიზიარეს.
FCDinamo.GE
რუბრიკიდან ვიზიტი ვეტერანთან დინამო TV წლების მანძილზე დინამო თბილისისა და სსრკ ნაკრების ფეხბურთელთან, ოლიმპიურ ჩემპიონ– გელა კეტაშვილთან ინტერვიუს გათავაზობთ.
FCDinamo.GE
ბავშვთა სახლ ჩემი სახლის აღსაზრდელები და ვაკის რაიონის გამგებელი ბაჩანა დოლიძე დინამოს დიღმის საწვრთნელ ბაზას ესტუმრნენ. დინამოელებმა პატარებს ჩვენი გუნდის ბაზა დაათვალიერებინეს, სამახსოვრო სურათები გადაიღეს და საჩუქრები გადასცეს.
ლევან ხმალაძე (გუნდის კაპიტანი) – კარგი დღე იყო. პატარებმა დინამოს ბაზა გახარებულებმა დატოვეს. მსგავს აქციებში დინამოელები ყოველთვის დიდი სიამოვნებით ვმონაწილეობთ.
FCDinamo.GE
დღეს, დიღმის საწვრთნელ ბაზაზე დინამოელებმა მორიგი ვარჯიში გამართეს. დინამო TV ჩვენი გუნდის მორიგი ვარჯიშის ვიდეოკოლაჟს გთავაზობთ.
1904 წლის 4 ნოემბერს, დინამოს ისტორიაში გამორჩეული და ლეგენდარული მოღვაწე, ერთ–ერთი საუკეთესო მწვრთნელი–ანდრო ჟორდანია დაიბადა. ქართული ფეხბურთის პატრიარქი დინამოს რიგებში 1925–28 და 1930–31 წლებში ასპარეზობდა. როგორც მწვრთნელი დინამოს სათავეში 1945–47, 1955, 1959–61 წლებში ედგა და მისი ხელმძღვანელობით თბილისელებმა საკავშირო ჩემპიონატში ორჯერ 1947 და 1959 წლებში დაიკავეს მესამე ადგილი. ასევე ორჯერ 1946 და 1960 წლებში თასის ფინალში გაიყვანა გუნდი. ანდრო ჟორდანია 1974 წლის 25 აპრილს გარდაიცვალა.
აღსანიშნავია, რომ დინამო თბილისის საწვრთნელი ბაზა ამ ლეგენდარული პიროვნების სახელს ატარებს.
თბილისის „დინამოს“ ოფიციალური საიტი
დღეს, უმაღლესი ლიგის მეთერთმეტე ტურის მატჩი დინამომ სტუმრად, რუსთავის მეტალურგის წინააღმდეგ გამართა. დაპირისპირება ფრედ – 0:0 დასრულდა. დინამო TV რუსთავში ჩატარებული მატჩის ვიდეომიმოხილვას გთავაზობთ.
26 ოქტომბერს, 17:00 საათზე, ჩვენი გუნდი დინამო არენაზე საქართველოს XXV ეროვნული ჩემპიონატის უმაღლესი ლიგის X ტურის შეხვედრას ქუთაისის ტორპედოს წინააღმდეგ გამართავს.
შეხვედრაზე დასასწრები ბილეთების ელექტრონული ვერსიის შეძენა ინტერნეტის მეშვეობით – www.biletebi.ge-ზე შეგეძლებათ.
გაყიდვაშია ყველა ბილეთი გარდა I იარუსის, 4, 5, 6, 7, 8, 10 და მე-17 სექტორებისა.
ბილეთის ფასი: 2 ლარი.
12 წლამდე ბავშვების დასწრება უფასოა
სიახლე: გაყიდვაშია აგრეთვე VIP Lounge-ის ბილეთები ლიმიტირებული რაოდენობით, ფასი 50 ლარი. (მოიკითხეთ არენის სალაროში)
FCDinamo.GE
Youtube-ში, თბილისის “დინამოს” ოფიციალურმა არხმა გიორგი ლორიასთან ჩაწერილი ინტერვიუ გამოაქვეყნა.
შაბათს 26 მაისს დინამო თბილისი საკუთარ არენაზე ქუთაისის ტორპედოს დაუპირისპიდება. ეროვნული ჩემპიონატის მეათე ტურის შეხვედრა 17:00 საათზე დაიწყება. შეხვედრა, რომელსაც საქართველოში “ქართულ კლასიკოს” უწოდებენ, ყოველთვის საინტერესოდ მიმდინარეობს. ყოველი მატჩი უკომპრომისო ბრძოლით და თავდადებული თამაშით აღინიშნება, მომავალი მატჩი კი ამ გუნდების ურთიერთდაპირისპირებაში 56–ე იქნება.
საქართველოს ჩემპიონატის ეგიდით ჩატარებული 55 მატჩიდან, 26-ჯერ გამარჯვება მტკვრისპირელებმა იზეიმეს, 14 შეხვედრა ფრედ დასრულდა, ხოლო 15 დაპირისპირებიდან რიონისპირელები გამოვიდნენ გამარჯვებულები. ბურთების შეფარდება 90:54 თბილისელთა სასარგებლოდ არის.
ამ შეხვედრებიდან აღსანიშნავია დინამოელთა საშინაო გამარჯვება ანგარიშით 5:1. ეს შედეგი ეროვნულ ასპარეზობაზე ორჯერ დაფიქსირდა. მეორე ჩემპიონატის მეოთხე ტურში 1991 წლის პირველ აპრილს და მეშვიდე ჩემპიონატის მესამე ტურში 1995 წლის 17 სექტემბერს. ოთხბურთიანი სხვაობით დინამოელებმა მეტოქე გასულ სეზონში დაამარცხეს, XXIV ეროვნული ჩემპიონატის მეოარე ეტაპის მერვე ტურის მატჩში დინამომ ქუთასის ტორპედოს 4:0 აჯობა. 2000 წლის 27 აგვისტოს კი თბილისელები დიდი ანგარიშით 0:3 მეთორმეტე ჩემპიონატის მეორე ტურში დამარცხდნენ. ამ თამაშებს შორის ყველაზე დიდი სხვაობა თბილისელებმა ქუთაისში დააფიქსირეს. მეთვრამეტე ჩემპიონატის მეჩვიდმეტე ტურში 2007 წლის 17 მარტს ეროვნული გათამაშების ფლაგმანმა ანგარიშით 5:0 გაიმარჯვა.
დინამო – ტორპედოს დაპირისპირება მხოლოდ ეროვნული ჩემპიონატით არ შემოიფარგლბა. ეს გუნდები საბჭოთა კავშირის უმაღლეს ლიგაში 26-ჯერ შეხვდნენ ერთმანეთს და აქაც უპირატესობა დინამოელთა მხარესაა. ამ დაპირისპირებებიდან დინამომ ცამეტ თამაშში მიაღწია წარმატებას, 9 შეხვედრა დასრულდა ფრედ და 4-ჯერ ტორპედომ მოიგო. ბურთების შეფარდება 38:21. თბილისელებმა სამჯერ გაიმარჯვეს ანგარიშით 3:1, აქედან ერთხელ სტუმრად. შესაბამისად 1966 წლის 26 აპრილს, 1969 წლის 26 მაისსა და 1962 წლის 25 მაისს. მეტოქემ ანგარიშით 4:2 მიაღწია წარმატებას 1968 წლის 31 ივლისს. აღნიშვნის ღირსია უხვგოლიანი ფრე 3:3 რომელიც დაფიქსირდა ქუთაისში 1966 წლის 30 ნოემბერს.
შეგახსენებთ, რომ ბოლო შეხვედრა, რომელიც თბილისში 4 მაისს გაიმართა, ჩვენი გუნდის გამარჯვებით – 4:0 დასრულდა. ქუთაისელთა კარში ორი გოლი გაიტანა ჯაბა დვალმა, თითო ბურთი კი მიკელ ალვარომ და პეტერ გრაიციარმა გაიტანეს. ტორპედოსთან მოგებული მატჩის შემდეგ დინამომ 2012/2013 წლების სეზონის ჩემპიონის ტიტული გაინაღდა.
FCDinamo.GE
დინამო TV დინამო არენაზე გამარტული უმაღლესი ლიგის მეცხრე ტურის შეხვედრის, დინამო 6:1 ჩიხურას ვიდეორეპორტაჟს გთავაზობთ.
თბილისის „დინამოს“ ოფიციალური საიტი
