დინამო TV პირველი ლიგის მერვე ტურის შეხვედრის დინამო–2 6:0 კახეთი მატჩის ვიდეორეპორტაჟს გთავაზობთ.
თბილისის „დინამოს“ ოფიციალური საიტი
ჭდე: თბილისის დინამო
20 ოქტომბერი „დინამოს“ ისტორიაში
20 ოქტომბერს თბილისის დინამო საჩხერის ჩიხურას უმასპინძლებს. 20 ოქტომბერს დინამოს 11 ოფიციალური მატჩი აქვს გამართული: 3 საქართველოს ეროვნულ ჩემპიონატში, 1 თასების მფლობელთა თასის გათამაშებაზე, 7 კი – სსრკ პირველობაზე. 20 ოქტომბერს ჩატარებული 11 მატჩიდან დინამომ 4 შეხვედრა მოიგო, 3 შეხვედრაში საყაიმო ანგარიში დაფიქსირდა, 4 შემთხვევაში კი გამარჯვება მეტოქეს დარჩა. გატანილ და გაშვებულ ბურთებს შორის ბალანსი ჩვენი გუნდის სასარგებლოდ 16:13–ზე არის.
20 ოქტომბერს ეროვნულ ასპარეზზე დინამოელებმა პირველი შეხვედრა 1991 წელს გამართეს. ჩვენმა გუნდმა დინამო არენაზე გორის დილას უმასპინძლა და მეტოქეს სამბურთიანი სხვაობით – 4:1 სძლია. დინამოელთაგან გატანილი გოლებით მიხეილ ყაველაშვილი, კახი კაჭარავა, შოთა არევლაძე და გოჩა ჯამარაული გამოირჩნენ.
2001 წლის 20 ოქტომბერს დინამომ ბოლნისის სიონს უმასპინძლა. თბილისში გამართული მატჩი გატანილი გოლების გარეშე, ფრედ – 0:0 დასრულდა.
2012 წლის 20 ოქტომბერს დინამომ გასვლით შეხვედრაში მარტვილის მერანი მშრალი ანგარიშით – 4:0 დაამარცხა. მარტვილელთა კარში ორი გატანილი ბურთით გამოირჩა მიკელ ალვარო, თითო გოლი გაიტანეს ჩისკომ და ჯაბა დვალმა.
20 ოქტომბერს ევროასპარეზზე დინამო თბილისს ერთადერთი მატჩი აქვს გამართული. 1976 წელს ჩვენმა გუნდმა 1976/77 წლების სეზონის თასების მფლობელთა თასის გათამაშების 1/8 ფინალური ეტაპის პირველი შეხვედრა დინამო არენაზე ბუდაპეშტის მტკ–ს წინააღმდეგ ჩაატარა. მატჩი ჩვენი გუნდის მარცხით – 1:4 დასრულდა, უნგრელთა კარში ერთადერთი გატანილი გოლი მანუჩარ მაჩაიძის ანგარიშზეა.
სსრკ პირველობაზე დინამოელებმა 20 ოქტომბერს პირველი ოფიციალური მატჩი 1938 წელს გამართეს. ჩვენი გუნდი გასვლით შეხვედრაში ვოლგოგრადის როტორს დაუპირისპირდა და მინიმალური ანგარიშით – 1:2 დამარცხდა. დინამოელთაგან გატანილი გოლით ვიქტორ ბერეჟნოი გამოირჩა.
1940 წლის 20 ოქტომბერს ჩვენი გუნდი მოსკოვის დინამოს სტუმრად დაუპირისპირდა. შეხვედრა თბილისელი ფეხბურთელების მარცხით – 0:2 დასრულდა.
1966 წლის 20 ოქტომბერს მოსკოვმა თბილისური და მოსკოვური დინამოების დაპირისპირებას უმასპინძლა. მატჩი ჩვენი გუნდის მარცხით – 1:2 დასრულდა. თბილისელთაგან გოლი კახი ასათიანმა გაიტანა.
.jpg)
1974 წლის 20 ოქტომბერს ჩვენი გუნდი დონეცკს ეწვია, სადაც ადგილობრივ შახტარს დაუპირისპირდა. მატჩი საყაიმო ანგარიშით – 1:1 დასრულდა. უკრაინული გუნდის კარში გატანილი გოლი მურთაზ ხურცილავას აქტივშია.
1979 წლის 20 ოქტომბერს დინამომ სტუმრად იმჟამინდელი ვოლოშილოვგრადის (ლუგანსკის) ზარია ანგარიშით – 3:1 დაამარცხა. უკრაინული გუნდის კარში ორი გოლი გაიტანა ვიტალი დარასელიამ, ერთი ბურთი კი ვლადიმერ გუცაევის ანგარიშზეა.
1982 წლის 20 ოქტომბერს დინამო ბაქოს ესტუმრა, სადაც ადგილობრივ ნეფთჩის დაუპირისპირდა. შეხვედრა გატანილი გოლების გარეშე, ფრედ – 0:0 დასრულდა.
თბილისის „დინამოს“ ოფიციალური საიტი
დინამოელები 5–8 ადგილებისთვის ითამაშებენ
პეტერბურგში მიმდინარე YOUNG TALENTS CUP–ის 2013 წლის გათამაშების ჯგუფური ეტაპი დინამო თბილისის აკადემიის 2002 წელს დაბადებულთა გუნდმა წარმატებით დაძლია. ჯგუფური ეტაპის უკანასკნელი შეხვედრა ჩვენმა გუნდმა პეტერბურგის ზენიტის წინააღმდეგ გამართა. მატჩი ფრედ – 1:1 დასრულდა, ზენიტის კარში გატანილი გოლით დავით ზურაბიანი გამოირჩა. 4 ჩატარებული შეხვედრის 2 მოგებეული და 2 ფრედ ნათამაშები შეხვედრის შემდეგ ჩვენმა გუნდმა ქვეჯგუფში პირველი პოზიცია დაიკავა.
დინამოელებმა ასპარეზობა 1–8 ადგილებისთვის განაგრძეს და ფლეი–ოფში პეტერბურგის ზენიტის მეორე გუნდს დაუპირისპირდნენ, სადაც ჩვენმა გუნდმა შეხვედრა ფრედ – 0:0 დაასრულა. პენალტების სერიაში კი ჩვენი ფეხბურთელები ტურნირის მასპინძლებთან ანგარიშით – 2:3 დამარცხდნენ.
20 ოქტომბერს მოზარდი დინამოელები 5–8 ადგილებისთვის მატჩებს ითამაშებენ.
დინამოელებმა ორივე შეხვედრა შემდეგი შემადგელობით ჩაატარეს: ხარშილაძე, ბზეკალავა, მაისურაძე, ხარაზიშვილი, აზაროვი, გოდერძიშვილი, აბუაშვილი, ზურაბიანი
შეცვლებზე შევიდნენ: შიუკაშვილი, ხვედელიძე, ხორავა, ლურსმანაშვილი, ბექაური
თბილისის „დინამოს“ ოფიციალური საიტი
დინამო VS ჩიხურა – ბილეთები ინტერნეტით
20 ოქტომბერს, 18:00 საათზე, ჩვენი გუნდი დინამო არენაზე საქართველოს XXV ეროვნული ჩემპიონატის უმაღლესი ლიგის IX ტურის შეხვედრას საჩხერის ჩიხურას წინააღმდეგ გამართავს.
შეხვედრაზე დასასწრები ბილეთების ელექტრონული ვერსიის შეძენა ინტერნეტის მეშვეობით – www.biletebi.ge-ზე შეგეძლებათ.
გაყიდვაშია ყველა ბილეთი გარდა I იარუსის, 4, 5, 6, 7, 8, 10 და მე-17 სექტორბისა.
ბილეთის ფასი: 2 ლარი.
12 წლამდე ბავშვების დასწრება უფასოა
სიახლე: გაყიდვაშია აგრეთვე VIP Lounge-ის ბილეთები ლიმიტირებული რაოდენობით, ფასი 50 ლარი. (მოიკითხეთ არენის სალაროში)
FCDinamo.GE
ახალგაზრდა დინამოელების წარმატებული სტარტი
დინამო თბილისის აკადემიის 2002 წლიანთა გუნდი სანქტ-პეტერბურგში იმყოფება, სადაც იმართება საერთაშორისო ტურნირი- YOUNG TALENTS CUP 2013. ტურნირში მონაწილეობს 20 გუნდი, რომელიც დაყოფილია 4 ჯგუფად. დინამო თბილისის მეტოქეები ჯგუფში არიან: ნიჟნი ნოვგოროდი, ზენიტი სანქტ-პეტერბურგი, კურსკი და ირკუტსკის ბაიკალი. დღეს ჩვენმა ფეხბურთელებმა ჯგუფური ეტაპის სამი მატჩი გამართეს. პირველ შეხვედრაში თბილისელები ნიჟნი ნოვგოროდის გუნდს დაუპირისპირდნენ და შეხვედრა 1:1 დასრულდა. გოლი გიორგი აბუაშვილის ანგარიშზეა. შემდეგ მატჩში დინამომ ირკუტსკის ბაიკალი დაამარცხა მინიმალური ანგარიშით 2:1. დავით ზურაბიანმა დუბლი შეასრულა. მესამე შეხვედრა ახალგაზრდა დინამოელებმა კურსკთან გამართეს და დიდი ანგარიშით 3:0 დაამარცხეს მეტოქე. ორი გოლი დავით ზურაბიანმა გაიტანა, ხოლო ერთი ბურთი ირაკლი აზაროვის ანგარიშზეა. ჯგუფის დარჩენილ ბოლო შეხვედრას ახალგაზრდა დინამოელები ხვალ, პეტერბურგის ზენიტის წინააღმდეგ გამართავენ.
დინამოელებმა სამივე შეხვედრა შემდეგი შემადგელობით ჩაატარეს: ხარშილაძე, ბზეკალავა, მაისურაძე, ხარაზიშვილი, აზაროვი, გოდერძიშვილი, აბუაშვილი, ზურაბიანი
შეცვლებზე შევიდნენ: შიუკაშვილი, ხვედელიძე, ხორავა, ლურსმანაშვილი, ბექაური
FCDinamo.GE
დინამო VS ჩიხურა – ურთიერთშეხვედრები
20 ოქტომბერს დინამო არენაზე დინამო თბილისი უმაღლესი ლიგის IX ტურის შეხვედრას საჩხერის ჩიხურას წინააღმდეგ გამართავს. მატჩი 18:00 საათზე დაიწყება. დაპირისპირების პირდაპირ ეთერს საქართველოს საზოგადოებრივი მაუწყებლის პირველი არხი გადასცემს.
დინამო და ჩიხურა ეროვნულ ასპარეზზე დღემდე ერთმანეთს 6 შეხვედრაში დაუპირისპირდნენ. 2006 წლის 18 ნოემბერს დინამომ ანგარიშით 3:1 აჯობა მეტოქეს. გოლები ხუციშვილმა, იაშვილმა და თავბერიძემ (საკუთარ კარში) გაიტანეს. მეორე მატჩი 2007 წლის 16 მაისს გაიმართა და ჩვენმა გუნდმა მშრალი ანგარიშით – 5:0 იმარჯვა. გატანილი გოლებით ფეიქრიშვილი, იაშვილი, მერებაშვილი, ხუციშვილი და გურამ კაშია გამოირჩნენ. მესამე შეხვედრა ამ გუნდებს შორის 2012 წლის 26 სექტემბერს საჩხერეში შედგა და უგოლოდ დასრულდა. მეოთხედ დინამო თბილისი საჩხერლებს 2 დეკემბერს დინამო არენაზე დაუპირისპირდა და დიდი ანგარიშით 5:2 იმარჯვა. ჩისკომ აღნიშნულ შეხვედრაში ჰეთ–თრიქი შეასრულა. თითო გოლი კი ალვაროს და ჯაბა დვალის ანგარიშზეა. 6 აპრილს ჩატარებულ მატჩში დინამომ სამი უპასუხო ბურთით იმარჯვა. ჩისკოს დუბლს ერთი გოლი ხმალაძემ მიამატა. ბოლო შეხვედრა ამ გუნდებს შორის საჩხერეში გაიმართა და ჩვენი გუნდის გამარჯვებით 4:2 დასრულდა. გოლები გრაიციარის, ჩისკოს, მერებაშვილისა და კოტოს ანგარიშზეა.
თბილისის „დინამოს“ ოფიციალური საიტი
დინამო TV – ვარჯიში დიღმის ბაზაზე
20 ოქტომბერს დინამო თბილისი უმაღლესი ლიგის IX ტურის შეხვედრას შინ, დინამო არენაზე საჩხერის ჩიხურას წინააღმდეგ გამართავს. დღეს, დიღმის საწვრთნელ ბაზაზე გუნდმა მორიგი ვარჯიში გამართა. დინამო TV დღევანდელი ვარჯიშის ვიდეოკოლაჟს გთავაზობთ.
FCDinamo.GE
სერგო კუტივაძე – 69
დღეს დინამო თბილისის ვეტერანი ფეხბურთელის, ნახევარმცველის – სერგო კუტივაძის დაბადების დღეა. სერგო კუტივაძე 1944 წელს ქუთაისში დაიბადა. დინამო თბილისის შემადგენლობაში 1967–1972 წლებში ასპარეზობდა. ჩვენი გუნდის რიგებში 171 ჩატარებულ შეხვედრაში გაიტანა 22 გოლი. არის სსრკ– ს პირველობის სამგზის ბრინჯაოსმედალოსანი- 1967, 1969 და 1971 წლებში. არის საქართველოს დამსახურებული მწვრთნელი. 1974-1984 წლებში იყო დინამოს მწვრთნელი, ხოლო 1994-1995 წლებში მთავარი მწვრთნელი.
დინამოელები ვულოცავთ სერგო კუტივაძეს იუბილეს. ვუსურვებთ ჯანმრთელობას და დღეგრძელობას.
FCDinamo.GE
“დინამოს” დუბლებმა სპარინგში იმარჯვეს
დღეს ვიტალი დარასელიას სახელობის დინამოს აკადემიის მოედანზე ჩვენი გუნდის დუბლშემადგენლობამ მორიგი ტესტ-მატჩი გამართა. დინამოს მეტოქეობას ცხინვალის სპარტაკის სარეზერვო გუნდი უწევდა. მეტად საინტერესო შეხვედრა კახი გოგიჩაიშვილის გუნდის გამარჯვებით დასრულდა. დინამომ მეტოქეს ორი უპასუხო ბურთი გაუტანა. პირველ ტაიმში 21- ე წუთზე ანგარიში ვანო წილოსანმა გახსნა1:0. შეხვედრის მიწურულს კი 82- ე წუთზე გიორგი პაპუნაშვილმა საბოლოო ანგარიში 2:0 დააფიქსირა.
დინამო 2:0 სპარტაკი
დინამო (სარეზერვო გუნდი): კულუა (ისიანი 46), მარაქველიძე (კაპანაძე 67), თევზაძე, მელიქიძე (ველიაშვილი 63), მურუსიძე, კახნიაშვილი, წილოსანი, პაპუნაშვილი, გოროზია (ხარებაშვილი 70), მესხი (ვეკუა 46), კვერნაძე (ჩომახაშვილი 46)
FCDinamo.GE
„დინამოს“ ისტორიიდან – გამარჯვება „ბოავიშტასთან“
17 წლის წინ 15 ოქტომბერს, უეფას თასის გათამაშების 1/16 ფინალში „დინამო თბილისმა“ პორტუგალიურ „ბოავიშტას“ უმასპინძლა. დინამო არენაზე გამართული შეხვედრა დავით ყიფიანის შეგირდების გამარჯვებით, ანგარიშით 1:0 დასრულდა. გოლი შეხვედრის 28- ე წუთზე პენალტის ნიშნულიდან კახი გოგიჩაიშვილმა გაიტანა, რომელმაც მთელი მატჩი საკმაოდ მაღალ დონეზე ჩაატარა.
„ბოავიშტა“: ალფრედო, პაულუ სოუზა, ტავარეში, სერხიო დუარტე, ლიტოში, სილვა (მარტელინიუ 50), ნუნუ გომეში (ჰასელბანკი 64), პედრუ, არაგაუ, ლატაპი (ბაპტიშტა 88), მარიუ სილვა
თბილისის „დინამოს“ ოფიციალური საიტი
დინამო TV – მზადება ტყიბულის მეშახტესთან თამაშისთვის
13 ოქტომბერს დინამო–2 საქართველოს ჩემპიონატის პირველი ლიგის გათამაშების მეშვიდე ტურის შეხვედრას სტუმრად, ტყიბულის მეშახტის წინააღმდეგ გამართავს. დღეს, ვიტალი დარასელიას სახელობის დინამოს აკადემიის ხელოვნურსაფარიან მოედანზე მალხაზ ჟვანიას თავკაცობით გუნდმა მორიგი ვარჯიში გამართა. დინამო TV – მზადება ტყიბულის მეშაახტესთან თამაშისთვის.
დინამო TV – ვარჯიში დიღმის ბაზაზე
დღეს, დიღმის საწვრთნელ ბაზაზე დინამოელებმა მორიგი ვარჯიში ჩაატარეს. დინამო TV ჩვენი გუნდის მორიგი ვარჯიშის ვიდეოკოლაჟს გთავაზობთ.