თურქეთში შეკრებაზე მყოფი თბილისის „დინამო“ უცხოეთში დღეს რიგით მესამე მოსამზადებელ მატჩას ჩაატარებს. ამჯერად უმაღლესი ლიგის ამჟამინდელი ლიდერის მეტოქე სერბული „ვოივოდინა“ იქნება.
მატჩი, თბილისის დროთ, 19:00 საათზე დაიწყება და მის პირდაპირ რეპორტაჟს „დინამოს“ ოფიციალური ვებსაიტი შემოგთავაზებთ.
შეგახსენებთ, რომ თურქულ შეკრებაზე წინა ორი შეხვედრიდან „დინამომ“ ორივე მოიგო. 1 თებერვალს „ლურჯ-თეთრებმა“ ხორვატულ „სპლიტს “ 1:0 სძლიეს, 4 თებერვალს კი ბელორუსის „ბატეს“ 2:0 მოუგეს.
დინამო არენას საპრესკონფერენციო დარბაზში ჩვენი კლუბის პრეზიდენტმა რომან ფიფიამ, გუნდის ახალი მთავარი მწვრთნელი, 53 წლის სლოვაკი ფეხბურთის სპეციალისტი- იურაი იარაბეკი წარადგინა.
იურაი იარაბეკი: ყველას მოგესალმებით და მობრძანებისთვის მადლობას მოგახსენებთ. ჩემს გადაწყვეტილებაზე რა თქმა უნდა დიდი გავლენა იქონია დინამოს სახელმა და აქაურმა პირობებმა. ესეთ გამოწვევაზე უარს ვერ ვიტყოდი. დინამოში ძალიან მოტივირებული და ნიჭიერი ფეხბურთელები არიან რაც უმნიშვნელოვანესია. ჩემი მიზნები კლუბთან ერთად იქნება ჩემპიონობა და მხოლოდ ჩემპიონობა. რამდენიმე თამაშიც ვნახე და ყველა შეხვედრის მოგება რთული იქნება, თუმცა მთავარი მიზანი პირველობაა. რაც შეეხება ტრანსფერებს- ამაზე კლუბის სპორტულ მენეჯერთან ერთად ვიმუშავებ და შევეცდებით კვალიფიციური ფეხბურთელების დამატებას. ვგეგმავთ ევროთასებზე წარმატებულ გამოსვლას. ვიცი, რომ შრომატევადი და რთული პროცესია, თუმცა მჯერა ჩემი თავის და ჩემი გუნდის. ასევე მადლობას ვეტყვი ყოფილ მწვრთნელს და წარმატებებს ვუსურვებ მომავალ საქმიანობაში.
სლოვაკ მწვრთნელს ასისტენტობას მილან ივანკა და ბრანისლავ მრაცი გაუწევენ. მეკარეთა მწვრთნელი კი გელა ჭანტურია იქნება.
ახალი მწვრთნელის წარდგენამდე კლუბის პრეზიდენტმა მადლობა გადაუხადა გია გეგუჩაძეს გაწეული სამსახურისთვის და წარმატებები უსურვა.
აქტიური სათამაშო კარიერის შემდეგ, იარაბეკის სამწვრთნელო კარიერია 2008 წელს – სლოვაკური ბლავათი დაიწყო. შემდეგ 2009-2013 წლებში მუშაობდა ზლატე მორავცეს ვიონის მთავარ მწვრთნელად, ხოლო მისი ყველაზე წარმატებული წლები 2013-15 წლებში სპარტაკ ტრნავას უკავშირდება.
FCDinamo.GE
კახა ცხადაძის საქართველოს ეროვნული ნაკრების მთავარი მწვრთნელის პოსტიდან გაშვების შემდეგ მის შესაძლო შემცვლელად თბილისის „დინამოს“ მთავარი მწვრთნელი გია გეგუჩაძე მოიაზრება.
„დინამო თბილისი“ დიდებული კლუბია. მას ისტორია აქვს, 1980/81 წლების სეზონში „დინამომ“ ევროპის თასების მფლობელთა თასი მოიგო.
როდესაც საქართველოს ახსენებთ, ბევრმა შეიძლება თქვას, რომ ეს ქვეყანა, ფეხბურთის მხვრივ, ჩვენ მნიშვნელოვნად ჩამოგვრჩება. კლუბს დიდი ფინანსური პოტენციალი გააჩნია. აქ ადგილობრივი მოთამაშეები გამოდიან, „დინამოში“ მხოლოდ ერთი ლეგიონერი ირიცხება.
გუნდის ამჟამინდელი თავკაცი ეროვნულ ნაკრებში სამუშაოდ გადადის. მე „დინამოს“ მენეჯერი დამიკავშირდა, რომელიც აქამდე „ზესტაფონში“ მუშაობდა. ამ კლუბს ევროპის ლიგის საკვალიფიკაციო ეტაპზე გამოსვლისას შევხვდი, მაშინ ტრნავის „სპარტაკის“ მთავარი მწვრთნელი ვიყავი“, – განუცხადა იარაბეკმა ტრნავის „სპარტაკის“ ოფიციალურ არხს.
მთავარი მწვრთნელის რანგით, იარაბეკის მიღწევები არც ისე შთამბეჭდავია. 2009/10 წლების სეზონში მისი თავკაცობით „ზლატე მორავცემ“ რანგით მეორე სლოვაკური ლიგა მოიგო. 2013/14 წლების სეზონში, ტრნავის „სპარტაკში“ მუშაობისას, მისმა გუნდმა სლოვაკეთის უმაღლესი ლიგის მესამე ადგილი დაიკავა. მიმდინარე სეზონში „სპარტაკმა“ ევროპის ლიგის მესამე საკვალიფიკაციო ეტაპამდე მიაღწია. 2015 წლის აგვისტოში იურაი იარაბეკმა თავისი პოსტი დატოვა და დღემდე უმუშევარი იყო.
აქვე შეგახსენებთ, რომ თბილისის „დინამო“ საქართველოს უმაღლესი ლიგის პირველი წრის შემდეგ 40 ქულით პირველ ადგილს იკავებს და უახლოეს მდევარ გორის „დილას“ 5 ქულით უსწრებს. 30 იანვრიდან თბილისელები თურქეთში შეკრებას გაივლიან და რამდენიმე მოსამზადებელ მატჩსაც ჩაატარებენ.
სავარაუდოდ, იარაბეკის დანიშვნას „დინამო“ ოფიციალურად უახლოეს დღეებში დაადასტურებს.
თბილოისის „დინამოს“ თავდამსხმელი დავით ვოლკოვი მიმდიანრე სეზონის უმაღლესი ლიგის მეორე წრეს საჩხერის „ჩიხურაში“ ჩაატარებს. აღნიშნული ტრანსფერი თბილისური კლუბის ოფიციალურმა ვებსაიტმა დაადასტურა. ფეხბურთელი „ჩიხურაში“ იჯარის წესით ითამაშებს.
პირველ გუნდში ვოლკოვის დებიუტი შარშანდელ სეზონში შედგა. „ცხინვალთან“ თასის მატჩში კი მან გოლის გატანაც შეძლო – ის შეხვედრა თბილისელებმა 2:0 მოიგეს. მიმდინარე სეზონში დავითმა უმაღლესი ლიგის სამ შეხვედრაში ითამაშა.
თბილისის „დინამოს“ დიღრმის სამწვრთნელ ბაზაზე დღეს „დინამოსა“ და „ვიტ-ჯორჯიას“ შორის ამხანაგური მატჩი უნდა გამართლიყო. „დინამოს“ ოფიციალური საიტი უწყება, რომ აღნიშნული შეხვედრა უამინდობის გამო გადაიდო.
შეგახსენებთ, რომ ოც იანვარს „დინამოელებმა“ „საბურთალოსთან“ ისპარინგეს და ქვილითაის დუბლით, ანაგრიშით 2:1 გაიმარჯვეს.
30 იანვრიდან გია გეგუჩაძის გუნდი შეკრებას თურქეთში გაივლის, სადაც 14 თებერვლამდე დარჩება და რამდენიმე მოსამზადებელ შეხვედრასაც ჩაატარებს.
თბილისის „დინამომ“ თავდამსხმელ ნიკა გელაშვილის ტრანსფერი დაადასტურა. როგორც კლუბის ოფიციალური საიტი იუწყება, 30 წლის ფორვარდთან ერთწლიანი კონტრაქტი გაფორმდა.
მიმდინარე სეზონის პრიველ ნახევარში გელაშვილმა კვიპროსის პირველი დივიზიონის ბინადარ „პაფოსში“ ჩაატარა, რომლის შემადგენლბოაში 12 მატჩში 4 გოლი გაიტანა. 2012 წელს, „ზესტაფონიდან“ წასვლის შემდეგ, გელაშვილი გერმანიის მეორე ბუნდესლიგის კლუბ „ბოხუმში“ გამოდიოდა, თუმცა 2013/14 წლების სეზონში აზერბაიჯანულ „ყარაბახში“ გადასვლა მოუწია, საიდანაც ალბანურ „ფრამურტარიში“ გადაბარგდა.
თბილისის „დინამო“ უმაღლესი ლიგის მეორე წრისთვის შეკრებას თურქეთის ქალაქ ბელეკში გაივლის. „ლურჯ-თეთრები“ თურქეთს 30 იანვარს ეწვევიან, სადაც 14 თებერვლამდე დარჩებიან, რის შესახებაც კლუბის ოფიციალური ვებსაიტი წერს. ამ პერიოდში გია გეგუჩაძის გუნდი ხუთ მოსამზადებელ მატჩსაც ჩაატარებს. დღეს კლუბმა ამ მატჩების განრიგი გამოაქვეყნა, რომელიც შემდეგნაირად გამოიყურება:
1 თებერვალი – სპლიტი (სპლიტი, ხორვატია)
4 თებერვალი – ბატე (ბორისოვი, ბელორუსი)
7 თებერვალი – ვოივოდინა (ნოვი სადი, სერბეთი)
10 თებერვალი – სლოვანი (ბრატისლავა, სლოვაკეთი)
13 თებერვალი – კარპატი (ლვოვი, უკრაინა)
22 წლის თავდამსხმელი გიორგი ქვილითაია თბილისის „დინამოში“ მიმდინარე სეზონში გადავიდა. უმაღლესი ლიგის პირველი წრის შემდეგ მის ანგარიშზე 12 გოლია და ბომბარდირთა დავაში პირველ ადგილზე მყოფ ნიკა კაჭარავას ის მხოლოდ ერთი გოლით ჩამორჩება. მიმდინარე სეზონში თბილისური კლუბის გამორჩეული ფეხბურთელი უეფა-ს ოფიციალურ საიტს გაესაუბრა.
„დიახ, ახლა ნამდვილად წარმატებული პერიოდი მაქვს. ყველაფერს გამართლებას ვერ დავაბრალებ, მაგრამ ასეთი კარგი თანაგუნდელების გვერდით ყოფნაში გამიმართლა. მათ გვერდით რომ არ მეთამაშა, ამდენს ვერ გავიტანდი“, – აღნიშნავს გიორგი.
„სპორტის სახეობის არჩევა არც კი მომიწია. დაბადებიდანვე ბურთს ვხედავდი, ბურთის მესმოდა და ბურთს ვგრძნობდი. როგორც კი ფეხბურთზე სიარული დავიწყე, ბურთი ჩემთან იყო. ჩემი პირველი სიტყვაც კი „გოლი“ იყო. ალბათ, ეს სიტყვა სხვა სიტყვებზე უფრო ხშირად მესმოდა. საფეხბურთო ოჯახი მყავს. ჩემი ძმაც თამაშობს, მაგრამ მე მამას დავემსგავსე, რომელიც თავდამსხმელი იყო. უმცროსი ძმა მეკარე გახდა“.
14 წლის ასაკში ქვილიათია მშობლიურ ქალაქ აბაშიდან „ნორჩ დინამოში“ გადავიდა, სადაც ბევრი ნიჭიერი ფეხბურთელი თამაშობდა. სულ მალე დედაქალაქურმა კლუბმა „სასკომ“ თავისი გუნდი პირველ ლიგაში წარმოადგინა, სადაც ქვილიათიამ ოთხ თვეში 22 გოლი გაიტანა.
მალე 19 წლის თავდამსხმელი უნგრეთს უძლეირეს კლუბ „დიორში“ გაუშვეს: „იქ თამაში ორჯერ მოვასწარი. პირველად ნახევარწლიანი იჯარით ვიყავი. მაშინ კლუბი უნგრეთში საუკეთესო გახდა. შემდეგ დავბრუნდი და სამწლიანი კონტრაქტიც გავაფორმე. ტრავმის შემდეგ ლიგის თასის ოთხ მატჩში ათი გოლი გავიტანე, მალე თავი უმაღლეს დივიზიონშიც გამოვიჩინე. მართალია, წასვლა მომიწია, რადგან „დიორი“ გაკოტრდა და მესამე დივიზიონში გადავიდა“.
„დიორიდან“ პირველად წასვლის შემდეგ ქვილითაია გორის „დილას“ შეუერთდა, მეორედ კი დაფიქრება მოუწია: „ევროპაში დარჩენის რეალური შანსი მქონდა, ერთი სლოვაკური კლუბი მპატიჟებდა, თუმცა გიორგი გეგუჩაძის ფაქტორი გადამწყვეტი გახდა. თავიდან გამიჭირდა, მაგრამ დრომ აჩვენა, რომ სწორად მოვიქეცი. სანამ „დინამოში“ მოვხვედებოდი, ტრავმა თითქმის სამ თვეში ერთხელ მქონდა. ახლა ყველაფერი რიგზეა – პირველი წრის ყველა 15 მატჩი ძირითად შემადგენლობაში დავიწყე. ჩემთვის მწვრთნელის მხადაჭერა, რომელიც რთულ დროს ჩემ გვერდით იყო, ძალიან მნიშვნელოვანია.
„გაბალასთან“ ორმატჩიანი წაგებული დაპირისპირების შესახებ: „მაშინ შესათამაშებლად დრო არ გვყოფნიდა. ჩვენი ამჟამინდელი ფორმით სერია სულ სხვა შედეგით დასრულდებოდა“.
უახლოესი გეგმების შესახებ: „უახლოესი გეგმებს მხოლოდ „დინამოს“ ვუკავშირებ. ჩვენი მიზანი ორივე ეროვნული ტურნირის მოგება და ევროთასებზე მოხვედრაა, სადაც ჯგუფურ ეტაპზე გასვლა შეგვიძლია. ამჟამინდელი შემადგენლობა ამის საშუალებას გვაძლევს.
ეროვნულ ნაკრებშო მოხვედრის ძალიან დიდი სურვილი მაქვს. ამაზე ჯერ კიდევ მაშინ ვოცნებობდი, როცა ფეხბურთს თამაშს ვიწყებდი“.
საჩხერის „ჩიხურასა“ და თბილისის „დინამოს“ შორის მატჩი, რომელიც ივანწმინდაში უნდა გამართულიყო, კვირას, პირველ ნოემბერს, თბილისის ბორის პაიჭაძის სახელობის „დინამო არენაზე“ შედგება. ამის შესახებ თბილისური კლუბის ოფიციალური ვებსაიტი წერს.
როგორც ცნობილია, მხარეებმა მატჩის ადგილმდებარეობის შეცვლა ურთიერთშეთანხმების საფუძველზე გადაწყვიტეს.
ცნობისთვის, „დინამო“ ამჟამად 22 ქულით პირველ ადგილზე მყოფ გორის „დილასთან“ ქულებს იყოფს, ხოლო 14 ქულით მეშვიდე ადგილს იკავებს.
სანაკრებო პაუზის შემდეგ საქართველოს უმაღლესი ლიგა დღეს, მიხეილ მესხის სახელობის სტადიონზე განახლდება, სადაც „საბურთალო“ საჩხერის „ჩიხურას“ შეხვდება. ხვალ კი ტურის და მთლიანად ჩემპიონატის ერთ-ერთი გამორჩეული შეხვედრა გაიმართება – ქუთაისში ერთმანეთს ადგილობრივი „ტორპედო“ და თბილისის „დინამო“ შეხვდებიან.
აღნიშნული თამაშის პირდაპირი რეპორტაჟი „საზოგადოებრივი მაუწყებლის“ არც პირველი და არც მეორე არხის პროგრამაში წერია. ამასთან დაკავშირებით „საზოგადოებრივი მაუწყებლის“ სპორტული მიმართლებით ხელმძღვანელს გიორგი ზურაბიშვილს დავუკავშირდით.
„სამწუხაროდ, ამ მატჩს ვერ ვაჩვენებთ. ტელევიზიას სულ ერთი მოძრავი სატელევიზიო სადგური აქვს, რომელიც თბილისობაზე მიჰყავთ და ამიტომ, სამწუხაროდ, რეპორტაჟს ვერ ვაკეთებთ“, – გვიპასუხა ზურაბიშვილმა.
სათქმელია, რომ მატჩის პირდაპირ რეპორტაჟს „რიონი ტვ“ გადმოსცემს. „ქართული დერბი“ ხვალ 15:00 საათზე დაიწყება.
თბილისის „დინამოს“ აკადემიის მთავარი მწვრთნელი გიორგი მინაშვილი ინგლისში მიემგზავრება, სადაც კარიერას გააგრძელებს. ამის შესახებ თბილისური კლუბის ოფიციალური საიტი იუწყება.
ინგლისში მინაშვილი „ბაქსვუდის“ საფეხბურთო აკადემიის ხელმძღვანელის ასისტენტისა და 18-წლამდელთა გუნდის თავკაცის ფუნქციებს შეასრულებს.
„მინდა ჩემი დიდი პატივისცემა გამოვხატო საფეხბურთო კლუბ დინამო თბილისის პრეზიდენტის ბ-ნ რომან ფიფიას მიმართ, ნდობისა და თანადგომისათვის. მადლობა კლუბის დირექტორატს თანამშრომლობისთვის. ასევე დიდი მადლობა მინდა გადავუხადო ვიტალი დარასელიას სახელობის საფეხბურთო აკადემიის ხელმძღვანელობას, საწვრთნელო შტაბს, ტექნიკურ პერსონალს და აკადემიის თითოეულ წევრს, რომლებიც 3 წლის განმავლობაში ჩემთან ერთად ზრუნავდნენ ახალგაზრდა ფეხბურთელების აღზრდასა და მომზადებაზე. მინდა წარმატება და დიდი გამარჯვებები ვუსურვო აკადემიის ყველა ფეხბურთელს.
განსაკუთრებით მინდა პატივისცემა გამოვხატო „დინამოს“ ფანკლუბის – „გლადიატორების“ მიმართ, რომლებმაც დაინახეს ჩემი მიდგომა და პროფესიონალიზმი, რაც ჩემთვის დიდი მოტივაცია იყო.
მე კარგად მესმის რას ნიშნავს იყო დინამოს კარგი მენეჯერი და წარმატებული მწვრთნელი. აპ ეტაპზე გადავწყვიტე ჩემი პროფესიული კარიერა კვლავ დავუკავშირო ინგლისს და მეტი გავიგო თანამედროვე ფეხბურთზე.
იმედი მაქვს, რომ ინგლისში მიღებული ჩემი ცოდნა და გამოცდილება მომავალში კვლავ გამოადგება დინამოს და ქართულ ფეხბურთს“, – ციტირებს მინაშვილის „დინამოს“ ოფიციალური ვებსაიტი.
საქართველოს უმაღლესი ლიგის მეხუთე ტურში თბილისის „დინამომ“ „ზუგდიდს“ უმასპინძლა. ამ ტურის წინ მასპინძლებს ოთხიდან ოთხი მოგება ჰქონდა, ზუგდიდელები კი ერთი ქულით ბოლოსწინა ადგილს იკავებდნენ. ტრადიციას გუნდებმა არც დღეს უღალატეს – შეხვედრა „დინამოს“ გამარჯვებით, 3:1 დასრულდა.
ანგარიში მე-18 წუთზე გაიხსნა, როდესაც კიტეიშვილი ჩამოწოდებული კუთხუტის შემდეგ მეორე სართულზე საუკეთესი გიორგი გველესიანი აღმოჩნნდა – 1:0. ცოტახანში თავისი გუნდის უპირატესობის გაზრდა პარუნაშვილს შეეძლო, თუმცა მისი დარტყმული ძელს მოხვდა. პირველი ტაიმის დარჩენილ დროში გუნდები განსაკუთრებით არაფრით გამორჩეულან.
მეორე ნახევარი ჩვეული სცენარით მიმდიანრეობდა. 50-ე წუთზე მეტოქის კარისკენ დარტყმა ოთარ კიტეიშვილმა სცადა, ექვს წუთში კი დინამოელებმა უპირატესობა გაზარდეს, გოლი ქვილითაიამ ჩაიწერა. ცოტახანში, კერძოდ 62-ე წუთზე, იმავე ქვილითაიამ ფლანგზე თევზაძის პასის შემდეგ დუბლი შეასრულა – 3:0. 71-ე წუთზე კი ზუგდიდელთა ჯერი დადგა – ცოტნე სამუშია მეტოქე მცველებს კარგად გასცდა, „დინამოს“ საჯარიმოში სწრაფად შევიდა და ზუსტად დარტყმაც მოახერხა – 3:1. ორ წუთში გიორგი ჯანელიძე „ზუგდიდის“ საჯარიმოში წაიქცა და პენალტის დანიშვნას ითხოვდა, თუმცა მსაჯმა სხვა გადაწყვეტილება მიიღო, მეტიც, „დინამოს“ შვიდიანმა სიმულაციისთვის ყვითელი აბრათი მიიღო. დარჩენილ დროში გეგუჩაძის ფეხბურთელებმა კიდევ რამდენიმეჯერ დაარტყეს, რასაც შედეგი არ მოჰყოლია.
საბოლოოდ, 3:1 და „დინამომ“ ასპროცენტიანი შედეგით კვლავ ცხრილის პირველ ადგილს იკავებს და მეორე ადგილზე მყოფ გორის „დილას“ ორი ქულით უსწრებს. სათქელია, რომ „დინამო“ შემდეგ ტურში სწორედ საქართველოს მოქმედ ჩემპიონს შეხვდება. მატჩი შაბათს, 26 სექტემბერს, გორში გაიმართება. რაც შეეხება „ზუგდიდს“, აუტსაიდერი შემდეგ ტურში „სამტრედიას“ მიიღებს.
„დინამო“ – „ზუგდიდი“ 3:1
გოლები: გველესიანი 18′, ქვილითაია 56′, ქვილითაია 62′ – სამუშია 71’
„დინამო“: ბეგაშვილი, თევზაძე, გველესიანი, ჭელიძე, კაკაბაძე, ცინცაძე (ჯიღაური 6’5), პარუნაშვილი, კიტეიშვილი (იაშვილი 57′), ჭანტურიშვილი, არაბული (ჯანელიძე 62′), ქვილითაია
„ზუგდიდი“: ჯომიდავა, თიბილაშვილი (ნარმანია 67′), გავაშელიშვილი, ზ. მალანია, ჯავაშვილი, ქანთარია, ტყემალაძე (ს. მალანია 63′), ქირია (თუთბერიძე 57′), წყაროზია, სამუშია, ბულია
გაფრთხილებები: ჯანელიძე 73′, ჭანტურიშვილი 78′, – ბულია 85’
