ჭდე: ტიბო კურტუა

The Telegraph-ის მიერ გავრცელებული ინფორმაციის თანახმად, ლონდონის “ჩელსის” ხელმძღვანელებმა უკვე დაიწყეს მეკარის პოზიციის გაძლიერებაზე ფიქრი.

როგორც იცით, საკმაოდ დიდია იმის შანსი, რომ “არისტოკრატთა” რიგები ბელგიელმა მეკარემ, ტიბო კურტუამ დატოვოს. ასევე საეჭვოა ასმირ ბეგოვიჩის პოზიციაც.

ბრიტანული პრესის ცნობით, ანტონიო კონტე მათ პოტენციურ შემცვლელებად კრეიგ გორდონს (“სელტიკი”), დიეგო ლოპესსა (“ესპანიოლი”) და ფერნანდო მუსლერას (“გალათასარაი”) განიხილავს.

აქვე შეგახსენებთ იმასაც, რომ ბეგოვიჩის გადაბირების მცდელობა უკვე ჰქონდა “ბორნმუთს”, რომელმაც “ჩელსის” მის სანაცვლოდ 10 მილიონი ფუნტი შესთავაზა. თუმცა, ლონდონელებმა ბოსნიელის გაყიდვაზე უარი განაცხადეს.

ლონდონის “ჩელსის” დროებითი თავკაცი, გუს ჰიდინკი უარყოფს ინფორმაციას, რომლის თანახმადაც “არისტოკრატთა” კარის დარაჯი, ტიბო კურტუა “სტემფორდ ბრიჯზე” ყოფნით უკმაყოფილოა.

როგორც იცით, ინგლისში გავრცელებული ცნობების თანახმად, ბელგიელ მეკარეს არასახარბიელო ურთიერთობა აქვს მეკარეების მწვრთნელ კრისტოფ ლოლიქონთან, რის გამოც ის კლუბის დატოვებას აპირებენ.

“ისინი როგორც წესია, ისე მუშაობენ, გუნდურად. მართალია მათი ხასიათები განსხვავდება ერთმანეთისაგან, მაგრამ ერთმანეთს კარგად უგებენ.

ყველაზე მთავარი კი არის ის, რომ კურტუა აქ ბედნიერია და კლუბში დარჩენას აპირებს. ეს მან თავად მითხრა.” – განაცხადა მწვრთნელმა, რომელსაც ზაფხულში ანტონიო კონტე ჩაანაცვლებს.