ჭდე: Vicente del Bosque

დელ ბოსკე: “იღბალი ჩვენ მხარეს არ იყო”

Posted on by ბექა დოგრაშვილი

2016 წლის ევროპის ჩემპიონატის მერვედფინალურ ეტაპზე იტალიის ნაკრებმა ესპანეთი ანგარიშით 2:0 დაამარცხა. მატჩი “ფურია როხას” მთავარმა მწვრთნელმა ვისენტე დელ ბოსკემ შეაჯამა.

“ამ შედეგს უნდა დავჯერდეთ და წინ გავიხედოთ. იტალიელებს ძალიან ძლიერი გუნდი ჰყავთ, ისინი ფიზიკური თვალსაზრისით კარგად მომზადებულნი არიან.

იტალიელებმა კარგად იცოდნენ, რა უნდა ექნათ, მათ თავიანთი ძალა აჩვენეს. პირველ ტაიმში ზედმეტად დუნედ ვითამაშეთ, მეორე ნახევარში კი შეტევაში გავაქტიურდით. წონასწორობის აღსადგენად ყველაფერი გავაკეთეთ.

ასეთი მარცხი, რა თქმა უნდა, ძალიან გულდასაწყვეტია. ბოლო წლებში ძალიან კარგად ვთამაშობდით. დღეს იტალიის დღე იყო. ყველა მცდელობა მოვსინჯეთ, მაგრამ იღბალი ჩვენ მხარეს არ იყო.

უახლოეს დღეებში ესპანეთის ფეხბურთის ფედერაციასთან სიტუაციას გავარკვევ, ჯერ კონკრეტული გადაწყვეტილება არ მიმიღია”, – ციტირებს დელ ბოსკეს სიტყვებს Football Italia.

დელ ბოსკე: “არ გვინდოდა, რომ ამ სიტუაციაში აღმოვჩენილიყავით”

Posted on by ბექა დოგრაშვილი

2016 წლის ევროპის ჩემპიონატის D ჯგუფის ბოლო ტურის მატჩში ესპანეთის ნაკრები ხორვატიასთან ანგარიშით 1:2 დამარცხდა და ლიდერის პოზიცია დათმო. დღევანდელი შეხვედრა “ფურია როხას” მთავარმა მწვრთნელმა ვისენტე დელ ბოსკემ შეაჯამა.

“ფეხბურთელები გასახდელში ჩუმად ისხდნენ. მარცხი სასიამოვნო არ არის. მატჩის მიმდინარეობას ჩვენ ვაკონტროლებდით, თუმცა მეტოქემ კონტრშეტევაზე დაგვიჭირა და მეორე გოლი გაგვიტანა. პირველი გოლიც პირველი ტაიმის ბოლო წუთზე გაიტანეს. კონცენტრაცია მცირედით დავკარგეთ, თუმცა ჩემს ფეხბურთელებთან სასაყვედურო არაფერი მაქვს.

მეტოქე ფრეზეც თანახმა იყო. საყაიმო შედეგი ჩვენთვისაც მისაღები იქნებოდა. ერთი შეხედვით, თამაშს ჩვენ ვაკონტროლებდით. თამაშის გაანალიზებისა და მომდევნო შეხვედრისთვის მომზადების დრო გვაქვს. არ გვინდოდა, რომ სიტუაცია ასე განვითარებულიყო, თუმცა რას ვიზამთ, ეს ფეხბურთია.

გადამწყვეტ გოლამდე ბურთი საკმარისად არ გვეჭირა, არც კონტრშეტევისთვის ვიყავით მზად. ამ მდგომარეობაში ყოფნა არ გვინდოდა, თუმცა სიტუაციის გამოსწორების შანსი გვაქვს”, – ციტირებს დელ ბოსკეს სიტყვებს უეფას ოფიციალური ვებგვერდი.

“ფურია როხა” ტურნირის მერვედფინალურ ეტაპზე იტალიის ნაკრებს დაუპირისპირდება.

დელ ბოსკე ევროპის ჩემპიონატის შემდეგ სამწვრთნელო კარიერას დაასრულებს

Posted on by ბექა დოგრაშვილი

ესპანეთის ნაკრების თავკაცმა ვისენტე დელ ბოსკემ განაცხადა, რომ 2016 წლის ევროპის ჩემპიონატის შემდეგ სამწვრთნელო კარიერას დაასრულებს.

“თუ ყველაფერი ნორმალურად იქნება, ევრო-2016-ის შემდეგ ესპანეთის ნაკრებს დავტოვებ. ამის მიზეზი ჩემი ჯანმრთელობაა. აქ უკვე რვა წელია ვმუშაობ და აღარ ვაპირებ ამ პოსტზე ყოფნას. სხვებსაც აქვთ უფლება, ნაკრების თავკაცის პოსტზე იმუშაონ. კარიერის დასრულებასთან ახლოს ვარ, თუმცა მომავლისკენ აღარ ვიყურები. როდესაც ნაკრებს დავტოვებ, ჩვეულებრივ ცხოვრებას გავაგრძელებ”, – ციტირებს დელ ბოსკეს სიტყვებს “მარკა”.

შეგახსენებთ, რომ ვისენტე დელ ბოსკე ესპანეთის ნაკრებს 2008 წლიდან თავკაცობს. მან გუნდთან ერთად 2010 წლის მსოფლიოს და 2012 წლის ევროპის ჩემპიონატები მოიგო.

 

დელ ბოსკე: “ევროპის ჩემპიონატის ზედიზედ მესამედ მოგება გვინდა”

Posted on by ბექა დოგრაშვილი

ესპანეთის ნაკრების მთავარმა მწვრთნელმა ვისენტე დელ ბოსკემ 2016 წლის ევროპის ჩემპიონატის წილისყრის შედეგები შეაფასა. “ფურია როხას” დამრიგებელმა მეტოქეთა სიძლიერეს ხაზი გაუსვა.

“ჩვენ ორი ისეთი გუნდი შეგვხვდა, რომლებმაც შესარჩევ ეტაპზე ჰოლანდიის ნაკრები უსაქმოდ დატოვეს. თურქეთისა და ჩეხეთის ეროვნულ გუნდებს ვგულისხმობ. ჩვენი მესამე მოწინააღმდეგე ხორვატიის ნაკრებია, რომელსაც ძლიერ გუნდთა რიცხვში ვთვლი. ხორვატებს შესანიშნავი ფეხბურთელები ჰყავთ. ასე რომ, სერიოზული მუშაობა მოგვიწევს.

ჩვენი მიზანი ევროპის ჩემპიონატის ზედიზედ მესამედ მოგებაა. ეს ჩვენი ქვეყნისთვის ფენომენალური მიღწევა იქნება. ასეთი რამ არ მომხდარა. ისიც გვესმის, რომ დაპირისპირება მოგვიწევს წარმოუდგენელი სიძლიერის გუნდებთან, რომელთაც შეუძლიათ, ტიტულის დაცვაში ხელი შეგვიშალონ”, – დელ ბოსკეს კომენტარი უეფას ოფიციალურ ვებგვერდზე გამოქვეყნდა.

 

დელ ბოსკე: “საფრანგეთიდან ევროპის ჩემპიონატის გადატანით ტერორისტების მიზანი შესრულდება”

Posted on by ბექა დოგრაშვილი

ესპანეთის ნაკრების მთავარი მწვრთნელი ვისენტე დელ ბოსკე თვლის, რომ ტერორისტული აქტების გამო 2016 წლის ევროპის ჩემპიონატი საფრანგეთიდან სხვა ქვეყანაში არ უნდა გადაიტანონ. “ფურია როხა” სამშაბათს ბელგიის ნაკრებს ამხანაგურად გაეჯიბრება, დელ ბოსკე კი ამბობს, რომ მისი გუნდი ბრიუსელში თავს უსაფრთხოდ გრძნობს.

“ვისურვებდი, რომ ევროპის ჩემპიონატი საფრანგეთში ჩატარდეს. ტურნირის გადატანით ტეორისტები მიზანს მიაღწევენ. ხვალ მატჩი გვაქვს სათამაშო და არაფრის არ გვეშინია. ბელგიაში თავს უსაფრთხოდ ვგრძნობთ. აქ ძალიან კარგად მიგვიღეს”, – დელს ბოსკეს კომენტარი “ასმა” გამოაქვეყნა.

ამხანაგური მატჩი ბელგიისა და ესპანეთის ნაკრებებს შორის 23:45 საათზე დაიწყება.

 

დელ ბოსკე: “გვინდოდა, მესის ესპანეთის ნაკრებში ეთამაშა”

Posted on by ბექა დოგრაშვილი

ესპანეთის ნაკრების მთავარმა მწვრთნელმა ვისენტე დელ ბოსკემ საინტერესო ინფორმაცია გაამჟღავნა. მისი თქმით, ესპანელებს მცდელობა ჰქონდათ, რომ ლიონელ მესის არა არგენტინის ნაკრებში, არამედ “ფურია როხას” რიგებში ეთამაშა.

“გვინდოდა, რომ ლეო მესის ესპანეთის ნაკრებში ეთამაშა, მაგრამ მან მშობლიური ქვეყნის გუნდში თამაში ამჯობინა. ჩვენ მას ეს გადაწყვეტილება ვერ შევაცვლევინეთ. ჯერჯერობით არ ვიცით, როდის და საიდან მოვლენ ახალი მესი და ახალი რონალდუ. შესაძლოა, ასეთი ფეხბურთელი სხვა ქვეყანაში დაიბადოს და აქ უკეთესი ცხოვრების საძიებლად ჩამოვიდეს”, – დელ ბოსკეს სიტყვები “გარდიანმა” გამოაქვეყნა.

 

დელ ბოსკე: “ვალდესთან მიმართებაში, ალბათ, სილაჩრე გამოვავლინეთ”

Posted on by ბექა დოგრაშვილი

ესპანეთის ნაკრების მთავარმა მწვრთნელმა ვისენტე დელ ბოსკემ აღიარა, რომ 2016 წლის ევროპის ჩემპიონატის საკვალიფიკაციო ეტაპზე სლოვაკეთისა და მაკედონიის ეროვნული გუნდების წინააღმდეგ გასამართ მატჩებში “მანჩესტერ იუნაიტედის” კიპერ ვიქტორ ვალდესის არგამოძახებით შეცდომა დაუშვა.

“ვალდესის გამოძახებას ვაპირებდით. ამის მომხრე მეც ვიყავი. ვიქტორი ჩვენი მხრიდან მხარდაჭერას საჭიროებს. მესმის, რომ ეროვნული ნაკრები საქველმოქმედო ორგანიზაცია არ არის და აქ მხოლოდ მოცემული პერიოდისთვის საუკეთესო ფორმაში მყოფი ფეხბურთელები უნდა გამოვიძახოთ, თუმცა ვალდესი მაინც უნდა მოგვეწვია გუნდში. იგი განსაკუთრებული პიროვნებაა, რომელიც ნაკრებს ყოველთვის ეხმარება. ალბათ, მასთან მიმართებაში სილაჩრე გამოვავლინეთ. ასეთი გულქვა არ უნდა ვიყოთ”, – განაცხადა დელ ბოსკემ La Sexta-სთვის მიცემულ ინტერვიუში.

შეგახსენებთ, რომ ესპანეთის ნაკრები სლოვაკეთს 5 სექტემბერს უმასპინძლებს, 8 სექტემბერს კი მაკედონიას ესტუმრება.

ესპანეთის ნაკრების განაცხადში მეკარის პოზიციაზე იკერ კასილასი, დავიდ დე ხეა და სერხიო რიკო არიან შეყვანილნი.

 

დელ ბოსკე: “წამყვან კლუბებში ესპანელი ფეხბურთელები არასაკმარისად არიან”

Posted on by ბექა დოგრაშვილი

ესპანეთის ნაკრების მთავარმა მწვრთნელმა პრიმერადივიზიონის წამყვან კლუბებში ესპანელი ფეხბურთელების რაოდენობაზე ისაუბრა.

“წამყვან კლუბებში ესპანელი მოთამაშეები არასაკმარისი რაოდენობით არიან.

ეს კლუბებისთვის პრობლემას არ წარმოადგენს, თუმცა ჩვენთვის არის ცუდი”, – განაცხადა ესპანელმა სპეციალისტმა.

შეგახსენებთ, რომ “რეალის” ძირითად შემადგენლობაში მხოლოდ ოთხი, “ბარსელონას” რიგებში კი სულაც სამი ფეხბურთელი თამაშობს.

დელ ბოსკეს უეფას ჩემპიონთა ლიგის მეოთხედფინალურ ეტაპზე მადრიდის “რეალსა” და “ატლეტიკოს” შორის დაპირისპირებაზეც ჰკითხეს:

“საუკეთესო გუნდი გაიმარჯვებს. კარგია, რომ ესპანური ნახევარფინალისტები გვეყოლება”, – დელ ბოსკეს კომენტარი Goal.com-მა გამოაქვეყნა.

 

დელ ბოსკემ დამდეგი მატჩებისთვის ესპანეთის ნაკრების შემადგენლობა დაასახელა

Posted on by ბექა დოგრაშვილი

ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ ევროპის 2016 წლის ჩემპიონატის შესარჩევ ეტაპზე უკრაინის და ამხანაგურად ჰოლანდიის ეროვნული გუნდების წინააღმდეგ გასამართი მატჩებისთვის “ფურია როხას” რიგებში შემდეგ ფეხბურთელებს უხმო:

მეკარეები: კასილასი, დე ხეა, ასენხო.

მცველები: ალბიოლი, ალბა, ბარტრა, პიკე, ბერნატი, კარვახალი, რამოსი, ხუანფრანი, სან ხოსე.

ნახევარმცველები: ბუსკეტსი, ინიესტა, კასორლა, ფაბრეგასი, ისკო, კოკე, მარიო სუარესი, დავიდ სილვა.

თავდამსხმელები: დიეგო კოსტა, მორატა, პედრო, ვიტოლო.

ესპანელები უკრაინელებთან მატჩს 27 მარტს გამართავენ, ჰოლანდიელებს კი 31 მარტს გაეჯიბრებიან.

 

კასილასის მემკვიდრედ მოია?

Posted on by ბექა დოგრაშვილი

ესპანეთის ეროვნული ნაკრების მთავარმა მწვრთნელმა ვისენტე დელ ბოსკემ 2016 წლის ევროპის ჩემპიონატის საკვალიფიკაციო ეტაპის მატჩებისთვის გუნდში შესაძლოა მადრიდის “ატლეტიკოს” ახალწვეულ მიგელ ანხელ მოიას უხმოს.

“მოია “ატლეტიკოს” რიგებში ჩატარებულ პირველ შეხვედრებში ძალზედ თავდაჯერებული ჩანდა. ის შესაძლოა ნაკრებშიც მოხვდეს”, – განაცხადა დელ ბოსკემ.

მიგელ ანხელ მოია “ხეტაფედან” “ატლეტიკოში” მიმდინარე სატრანსფერო პერიოდში სულ რაღაც სამ მილიონ ევროდ გადავიდა. მას ესპანეთის სხვადასხვა ასაკობრივ ნაკრებებში ერთად 38 მატჩი აქვს ჩატარებული. 2001 წელს მოიამ 16 წლამდე ფეხბურთელთა შორის ევროპის ჩემპიონატი მოიგო, 2002 წელს კი იმავე წარმატებას 19 წლამდე ფეხბურთელთა შორის მიაღწია. 2003 წლის ახალგაზრდულ მსოფლიოს ჩემპიონატზე მან ვერცხლის მედალი მოიგო.

 

დელ ბოსკე ესპანეთის ნაკრებში რჩება

Posted on by ბექა დოგრაშვილი

ესპანეთის ნაკრების მთავარმა მწვრთნელმა ვისენტე დელ ბოსკემ განაცხადა, რომ 2014 წლის მსოფლიოს ჩემპიონატზე განცდილი წარუმატებლობის მიუხედავად, ის ეროვნულ გუნდში მუშაობას გააგრძელებს.

„ესპანეთის ფეხბურთის ფედერაციის პრეზიდენტთან საუბრის შემდეგ მივედი იმ დასკვნამდე, რომ ბოლო ექვს წელიწადში მიღწეული წარმატებები მეტს ნიშნავს, ვიდრე ორი მარცხი. ფედერაცია აფასებს ჩემ მიერ გაწეულ მუშაობას, ამიტომ თანამშრომლობას გავაგრძელებთ. გუნდში რევოლუციური გარდაქმნები არ იქნება, მხოლოდ ცალკეულ ცვლილებებს განვახორციელებთ. დარწმუნებული ვარ, რომ გაცილებით უკეთ თამაში შეგვიძლია. მჯერა, სწორ გზაზე დავბრუნდებით“, – განაცხადა დელ ბოსკემ.

შეგახსენებთ, რომ ვისენტე დელ ბოსკეს ესპანეთის ნაკრებს 2008 წლიდან თავკაცობს. ამ პერიოდის განმავლობაში მან გუნდთან ერთად მსოფლიოსა და ევროპის ჩემპიონატების მოგება შეძლო.

 

დელ ბოსკე: „უნდა ვაღიაროთ, მეტოქემ გვაჯობა“

Posted on by ბექა დოგრაშვილი

2014 წლის მსოფლიოს ჩემპიონატის ჯგუფურ ეტაპზე ესპანეთისა და ჰოლანდიის ნაკრებებს შორის გამართული მატჩი „ნარინჯისფერთა“ დამაჯერებელი გამარჯვებით, ანგარიშით 5:1 დასრულდა. „ფურია როხას“ მთავარმა მწვრთნელმა ვისენტე დელ ბოსკემ წაგებული შეხვედრის შესახებ ისაუბრა.

„ეს სპორტია. მარცხს უნდა შევეგუოთ. მეტოქემ მეორე ტაიმში გვაჯობა.

ახლა ვინმეს დადანაშაულების დრო არ არის. არ ღირს, რომ მარცხი რომელიმე ფეხბურთელს დავაბრალოთ, ეს მთელი გუნდის სისუსტე იყო. ვერავის ვერ დავადანაშაულებ, მით უფრო იკერს.

უნდა შევეგუოთ იმ ფაქტს, რომ მოწინააღმდეგე უკეთ გამოიყურებოდა.

საქმე გავირთულეთ, თუმცა პრობლემა უნდა გადავჭრათ“, – განაცხადა მატჩის შემდეგ დელ ბოსკემ.