ცნობილი ჩოგბურთელი, ბელორუსი ვიქტორია აზარენკა „პარი სენ-ჟერმენსა“ და მადრიდის „რეალს“ შორის ჩემპიონთა ლიგის ჯგუფური ეტაპის მესამე ტურის მატჩს დაესწრო, სადაც ლეგენდარულ ბრაზილიელ თავდამსხმელ რონალდოს შეხვდა.
„მიხარია, რომ ფეხბურთის ლეგენდას შევხვდი. სასიხარულია ისიც, რომ ჩვენი სპორტის სახეობა ბევრ სპორტსმენს უყვარს“, – დაწერა აზარენკამ თავისი „ფეისბუქის“ ოფიციალურ გვერდზე.
გუშინ, სტამბულის შემაჯამებელი ქალთა ტურნირის წითელ ჯგუფში მეორე ტურის ერთი შეხვედრა გაიმართა, რომელშიც ერთმანეთს მსოფიოს პირვლეი ჩოგანი, ამერიკელი სერენა უილიამსი და პლანეტის მეოთხე ჩოგანი, პოლონელი აგნეშკა რადვანსკა შეხვდნენ. მატჩი სერენას გამარჯვებით 6:2, 6:4 დასრულდა.
თეთრი ჯგუფის მეორე ტურის მატჩებში გამარჯვება ნა ლიმ და ელენა იანკოვიჩმა მოიპოვეს. ჩინელმა ჩოგბურთელმა იტალიელი სარა ერანი 6:3, 7:6 დაამარცხა, ხოლო სერბმა მსოფლიოს მეორე ჩოგანს ვიქტორია აზარენკას 6:4, 6:3 სძლია.
დღეს, წითელი ჯგუფში ერთმანეთს აგნეშკა რადვანსკა და ანგელიკ კერბერი დაუპირისპირდებიან, ხოლო სერენა უილიამსის მეტოქე პეტრა კვიტოვა იქნება. თეთრ ჯგუფში მხოლოდ ერთი მატჩი შედგება, რომელშიც ნა ლი ელენა იანკოვიჩის დამარცხებას შეეცდება.
მსოფლიოს მეორე ჩოგანმა, ბელორუსმა ვიქტორია აზარენკამ ჯგუფ LMFAO-ს ერთ-ერთი წევრის Redfoo-ს ახალ კლიპში მიიღო მონაწილეობა.
აღსანიშნავია, რომ თავიდან აზარენკას ბოიფრენდი სტეფან კენდალ გორდი ვიკას ამ კლიპში ხილვის წინაამღდეგი იყო, რის გამოც ჩოგბურთელი მხოლოდ ერთ მომენტში გადაიღეს.
