საქართველოს ეროვნული ნაკრებისა და არნემის “ვიტესის” მცველი გურამ კაშია ჰოლანდიაში კიდევ ერთხელ აღიარეს.
ცოტა ხნის წინ, ცნობილი გახდა, რომ გურამ კაშიამ ჰოლანდიის ერედივიზიონის მიმდინარე სეზონში, მცველებს შორის ყველაზე მეტი საჰაერო დუელი მოიგო.
ქართველმა ფეხბურთელმა ამ კომპონენტში მეტოქეებს 39-ჯერ აჯობა.
39 – @MijnVitesse‘s Guram Kashia has won more aerial duels than any other Eredivisie defender this season. Passionate.
— OptaJohan (@OptaJohan) October 15, 2015
4 ოქტომბერს, ჰოლანდიის ერედივიზიონში, “ვიტესმა” საკუთარ მოედანზე “გრონინგემი” მიიღო.
მატჩის 65-ე წუთზე ვაკო ყაზაიშვილმა მეტოქის კარი დალაშქრა და ანგარიში 3:0 გახადა.
30 აგვისტოს, ჰოლანდიის ჩემპიონატში არნემის “ვიტესმა” საკუთარ მოედანზე “კამბური” მიიღო და მეტოქე ანგარიშით 4:1 დაამარცხა.
შეხვედრის 85-ე წუთზე “კამბურის” კარი ქართველმა მცველმა გურამ კაშიამ დალაშქრა და ანგარიში 3:1 გახადა.
საქართველოს ეროვნული ნაკრების ფეხბურთელი ვალერი ყაზაიშვილი ახალი სეზონიდან “ვიტესში” 8-ნომრიანი მაისურით აღარ ითამაშებს.
მოგეხსენებათ, ცოტა ხნის წინ, “ვიტესი” დევი პრიოპერმა დატოვა, რომელსაც 10-ნომრიანი მაისური ეცვა. ამიერიდან კი გუნდში მე-10 ნომერი ვაკო იქნება.
შეგახსენებთ, რომ არნემელები ევროპის ლიგის მესამე საკვალიფიკაციო ეტაპზე “საუთჰემპტონს” დაუპირისპირდებიან. პირველი მატჩი 30 ივლისს, ხოლო განმეორებითი შეხვედრა, “ვიტესის” სტადიონზე, 6 აგვისტოს გაიმართება.
10 ივლისს, არნემის “ვიტესმა” შოტლანდიურ “დანდი იუნაიტედთან” ამხანაგური მატჩი გამართა და მეტოქე ანგარიშით 4:0 დაამარცხა.
შეხვედრაში მონაწილეობა “ვიტესის” ორივე ქართველმა ფეხბურთელმა – გურამ კაშიამ და ვაკო ყაზაიშვილმა მიიღეს. აღსანიშნავია, რომ ყაზაიშვილმა საბოლოო შედეგი ლამაზი გოლით დააფიქსირა.
იხილეთ ყაზაიშვილის გოლი 3:22-დან:
ესპანური გამოცემა sport.es-ის ინფორმაციით, არნემის “ვიტესის” ქართველი კაპიტნით, გურამ კაშიათი ლა ლიგის რამდენიმე გუნდი ინტერესდება.
27 წლის მცველს, რომელსაც ჰოლანდიაში ხუთი სეზონი აქვს გატარებული, შესაძლოა, ზაფხულში ჩემპიონატი შეიცვალოს.
ლა ლიგის რამდენიმე საუკეთესო გუნდს დაცვის ხაზის გამყარება სურს, ხოლო ისინი სწორედ გამოცდილი მცველის დამატებას ეცდებიან, რომელიც 4 ივლისს 28-ის გახდება, იტყობინება საიტი.
ესპანური საიტი ასევე წერს, რომ ქართველი მცველი “ვიტესის” უკანა ხაზის ლიდერია და ჰოლანდიის ჩემპიონატის საუკეთესოდ ხუთ სეზონში ორჯერ დასახელდა.
ცნობილი დანიელი ფეხბურთელი იონ დალ ტომასონი მომდევნო ორი სეზონის განმავლობაში “ვიტესის” მთავარი მწვრთნელის პიტერ ბოშის ასისტენტი იქნება.
2014-15 წლების სეზონში, “ვიტესმა” ევროპის ლიგის საგზური მოიპოვა, ბოშს კი იმედი აქვს, რომ ტომასონის გამოცდილება მის გუნდს დაეხმარება. მოგეხსენებათ, ტომასონმა 2002 წელს “ფეინოორდთან” ერთად უეფას თასი, ხოლო 2003 წელს “მილანის” რიგებში ჩემპიონთა ლიგა მოიგო.
ტომასონმა სამწვრთნელო კარიერა 2012 წელს “ექსელსიორის” მთავარი მწვრთნელის ასისტენტის რანგში დაიწყო, 2013 წელს კი ამ გუნდის თავკაცი გახდა. 2014 წელს დანიელი სათავეში “როდას” ჩაუდგა, თუმცა მისი და კლუბის ურთიერთობა დიდხანს არ გაგრძელებულა.
შეგახსენებთ, რომ “ვიტესის” ღირსებას გურამ კაშია და ვალერი ყაზაიშვილი იცავენ.
საქართველოს ეროვნული ნაკრებისა და არნემის “ვიტესის” შემტევი ნახევარმცველი ვალერი ყაზაიშვილი ბოლო დროს პრესაში გავრცელებულ ინფორმაციას გამოეხმაურა.
რამდენიმე კვირის წინ დაიწერა, რომ ყაზაიშვილის მიმართ ინტერესს “მანჩესტერ სიტი” იჩენს, თუმცა როგორც ვაკო ამბობს, ეს მხოლოდ ჭორია.
“პირველ რიგში, ჩემი ამჟამინდელი დონე უნდა შევინარჩუნო, შემდეგ კი პროგრესი განვაგრძო. “ვიტესთან” ჩემი მოქმედი კონტრაქტი 2018 წელს იწურება, თუმცა არ გამოვრიცხავ, რომ კონტრაქტის ამოწურვამდე კლუბი დავტოვო. რაც შეეხება “მანჩესტერ სიტის” ინტერესს, ეს მხოლოდ ჭორია, რომელიც პრესაში გავრცელდა, თუმცა არავინ იცის, რა მოხდება მომავალში… ყველაფერს დრო გვიჩვენებს”, – უთხრა “ვიტესის” ქართველმა ფეხბურთელმა უეფას ოფიციალურ ვებ-გვერდს.
* Fanebi.Com ვაკო ყაზაიშვილს ვრცელ ინტერვიუს მალე შემოგთავაზებთ
საქართველოს ეროვნული ნაკრებისა და ჰოლანდიური “ვიტესის” ქართველმა ფეხბურთელმა ვაკო ყაზაიშვილმა 2014-15 წლების სეზონში 13 გოლის გატანა მოახერხა.
22 წლის შემტევმა უკვე დასრულებულ სეზონში, “ვიტესის” მაისურით მეტოქეთა კარი 12-ჯერ დალაშქრა, ხოლო ერთხელ მან თბილისში, მალტის ნაკრების კარი აიღო.
Fanebi.Com გთავაზობთ ვიდეოს, რომელშიც ვაკო ყაზაიშვილის მიერ 2014-15 წლების სეზონში გატანილი ყველა გოლია აღბეჭდილი.
31 მაისს, ჰოლანდიაში, “ვიტესმა” საკუთარ მოედანზე “ჰერენვენი” მიიღო და მეტოქე ანგარიშით 5:2 დაამარცხა.
მატჩის მიმდინარეობისას, არნემელთა ქართველმა ფეხბურთელმა ვაკო ყაზაიშვილმა მეტოქე გუნდის მოთამაშეები არაერთხელ მოატყუა. ერთ-ერთ ეპიზოდში კი, საჯარიმოში მის აქტიურობას გოლი მოჰყვა.
28 მაისს, ჰოლანდიაში, “ჰერენვენსა” და “ვიტესს” შორის გამართულ შეხვედრაში 21-ე წუთზე ანგარიში ქართველმა ფეხბურთელმა ვაკო ყაზაიშვილმა გახსნა.
გრძელდება ჩვენი ტრადიციული პროგნოზისტთა კონკურსი. დღეს გამოქვეყნდა 42-ე საკონკურსო კვირის მესამე მატჩის კითხვები, რომელიც „ჰერენვენსა“ და „ვიტესს“ შორის გასამართ შეხვედრას ეხება. კითხვები იხილეთ აღნიშნული მატჩის გვერდზე.
გამარჯვებულად ჩაითვლება ის პირველი 7 რეგისტრირებული მომხმარებელი, რომელიც ყველაზე მეტ სწორ პასუხს გამოიცნობს. 4-ივე კითხვაზე სწორი პასუხის ავტორს Europe bet-ის ანგარიშზე 10 ლარი დაერიცხება. თუ გამარჯვებულთა სიაში 3 სწორი პასუხის ავტორებიც მოხვდებიან, მათ 5 ლარი დაერიცხებათ. გამარჯვებულთა სიაში 3 სწორი პასუხის ავტორები იმ შემთხვევაში მოხვდებიან, თუ მიღებულ საკონკურსო კომენტარებში შვიდი 4-სწორპასუხიანი მომხმარებელი არ იქნება და სიაში გაჩნდება ვაკანტური საპრიზო ადგილები.
ერთი IP მისამართიდან მხოლოდ ერთი (პირველი) კომენტარი მიიღება, დანარჩენი კი უგულებელყოფილი იქნება.
საკონკურსო კითხვებს პასუხი უნდა გასცეთ მატჩის გვერდზე: “ჰერენვენი” – “ვიტესი”
