ბელგიელმა ნახევარმცველმა კიდევ ერთხელ თქვა უარი საკუთარი მომავლის გამოაშკარავებაზე.
გამოცემა Sport 1-მა კევინ დე ბრუინს საკუთარი მომავლის შესახებ ჰკითხა, ფეხბურთელმაც პასუხი არ დააყოვნა.
“არ ვაპირებ, ვინმე დავაიმედო, რომ “ვოლფსბურგში” დავრჩები. ჩვენ ამ საკითხს შესაძლოა, მომდევნო კვირეებში დავუბრუნდეთ. ახლა უბრალოდ იმ კლუბის ერთგული ვარ , სადაც ვთამაშობ,”-აცხადებს კევინი.
“მგლების” წარმომადგენლებს ნისლიანი ალბიონიდან არაერთხელ დაუკავშირდნენ, დე ბრუინის ტრანსფერის თაობაზე.
1 აგვისტოს, გერმანიის სუპერთასზე, “ბაიერნსა” და “ვოლფსბურგს” შორის გამართულ მატჩში, კევინ დე ბრუინმა წინ გამოსული მანუელ ნოიერი მოატყუა, შემდეგ კი ცარიელ კარში გოლის გატანა ვერ მოახერხა.
1 აგვისტოს გერმანიის სუპერთასის მატჩი გაიმართა, რომელშიც ერთმანეთს “ბაიერნი” და “ვოლფსბურგი” დაუპირისპირდნენ.
89-ე წუთამდე მიუნხენელები მეტოქე მინიმალური სხვაობით (1:0) ამარცხებდნენ, თუმცა ნიკლას ბენდტნერმა ანგარიში გაათანაბრა, საქმე კი პენალტები სერიამდე მივიდა, სადაც გადამწყვეტი დარტყმა ისევ დანიელმა თავდამსხმელმა შეასრულა.
აღსანიშნავია, რომ ბენდტნერი თამაშში 70-ე წუთზე ჩაერთო.
გერმანიის სუპერთასი „ვოლფსბურგმა“ მოიგო. მიუნხენის „ბაიერნთან“ შეხვედრის ძირითადი დრო ფრედ, 1:1 დასრულდა.
49-ე წუთზე ანგარიში არიენ რობენმა გახსნა, მატჩის ძირითადი დროის დასრულებამდე 1 წუთით ადრე კი თავი ნიკლას ბენდტნერმა გამოიჩინა. გამარჯვებულის ბედი პენალტების სერიაში გაირკვა, რომელშიც კოენ კასტელსმა ჩაბი ალონსოს დარტყმა მოიგერია. შედეგად, „მგლებმა“ სერიაში ანგარიშით 5:4 გაიმარჯვეს. სათქმელია, რომ „ვოლფსბურგმა“ ეს ტიტული თავის ისტორიაში პირველად მოიგო.
გასულ სეზონში „ბაიერნი“ გერმანიის ჩემპიონი გახდა, „ვოლფსბურგს“ კი ქვეყნის თასი ერგო.
“ვოლფსბურგის” გარემარბი იტალიაში მაინც გადავა.
რამდენიმე საათის წინ “ინტერმა” მონტენეგროელი შემტევის, სტევან იოვეტიჩის დამატება გამოაცხადა და დიდი ალბათობით, მას პერიშიჩიც მიჰყვება.
ხორვატის აგენტი, ტონჩი მონტიჩი საუბრობს “ინტერში” შესაძლო ტრანსფერზე, თუმცა ჟურნალისტებს სიმშვიდისკენ მოუწოდებს.
ივან პერიშიჩის სატრანსფერო ღირებულება 18 მილიონი ევროა.
ბელგიელი ნახევარმცველი, კევინ დე ბრუინი არ გამორიცხავს კიდევ ერთი გუნდში გადასვლას.
მიუხედავად იმისა, რომ “ვოლფსბურგს” არ სურს დე ბრუინის გაშვება და მასზე ოფიციალური წინადადება არ მიუღიათ, გერმანელები მზად არიან დიდი ფულის სანაცვლოდ შეთავაზება განიხილონ.
“არ ვიცი, მომავალ სეზონში სად ვითამაშებ. ახლა მხოლოდ იმაზე ვფიქრობ, რომ მომდევნო წლისთვის კარგ ფიზიკურ ფორმაში ვიმყოფებოდე,”-განაცხადა ბელგიელმა.
შეგახსენებთ, 24 წლის შემტევის გაფორმების მთავარი კანდიდატი “მანჩესტერ სიტია”.
როგორც გერმანული გამოცემა „კიკერი“ იტყობინება, „ვოლფსბურგის“ მთავარმა მწვრთნელმა დიტერ ჰეკინგმა დანიელი თავდამსხმელი ნიკლას ბენდტნერი პირველ გუნდთან ვარჯიშდან მოკვეთა.
ამჟამად 27 წლის ფეხბურთელს ინდივიდუალური პროგრამით მუშაობა უწევს, რადგან გუნდის თავკაცი „აიაქსთან“ ამხანაგურ მატჩში მისი თამაშით უკაყოფილო დარჩა.
თავის გადაწყვეტილებაზე საუბრისას, ჰეკინგმა განაცხადა, რომ ბენდტნერის იმედი აქვს, თუმცა მას ძირითად გუნდში მხოლოდ მაშინ დააბრუნებს, როდესაც ის ოპტიმალურ ფორმაში იქნება.
გერმანული კლუბი ბელგიელის “მანჩესტერ სიტიში” გაშვებაზე უარს აცხადებს.
ინგლისის ვიცე-ჩემპიონები დიდ ხანია, რაც კევინ დე ბრუინით ინტერესდებოდნენ და მასში 40 მილიონს იხდიდნენ.
სავარაუდოდ, კევინსაც “ჩელსიში” ჩავარდნილი სეზონის შემდეგ პრემიერ ლიგაში ფეხის მოკიდება სურდა, თუმცა “მგლები” ლიდერებს ჩემპიონთა ლიგაზე გასვლის გამო არ უშვებენ.
“ვფიქრობ, დე ბრუინი “ვოლფსბურგში” კიდევ ერთი სეზონი იასპარეზებს,”-აცხადებს გუნდის თავკაცი დიტერ ჰეკინგი.
“ვოლფსბურგის” ნახევარმცველს შანსი აქვს სერია ა-ში გადასვლის.
“ინტერმა გააკეთა შეთავაზება ივანზე,”-განუცხადა ფეხბურთელის წარმომადგენელმა ტონჩი მარტინჩმა Bild-ს.
“ტრანსფერი შედგება მაშინ შედგება, როდესაც ფეხბურთელის და იტალიური კლუბის მხარე შეთანხმებას მიაღწევს. ჩემი კლიენტი იტალიაში გადასვლით დაინტერესებულია”.
“რობერტო მანჩინი ყველანაირად ცდილობს პერიშიჩის გაფორმებას. ჩვენ გვახარებს “ნერაძურის” ინტერესი და ამავდროულად ვაწარმოებთ მოლაპარაკებებს “ვოლფსბურგთან”, ახალი კონტრაქტის თაობაზე”.
26 წლის ფეხბურთელს გერმანელებთან ხელშეკრულება 2017 წლამდე აკავშირებს.
“ნერაძური” გუნდის შემადგენლობას “ვოლფსბურგის” ლიდერით აძლიერებს.
Sky Sport Italia-ს და La Gazzetta dello Sport-ის ინფორმაციით, იტალიური და გერმანული გუნდები ხორვატი ნახევარმცველის ტრანსფერზე შეთანხმდნენ.
პირველად, იტალიელები ივან პერიშიჩს 2 მილიონად იჯარით აიყვანენ, ხოლო შემდეგ 16 მილიონად გამოისყიდიან.
ხორვატი შემტევი “მგლების” ღირსებას 2013 წლიდან იცავს.
„ვოლფსბურგის“ თავდამსხმელმა ნიკლას ბენდტნერმა, შესაძლოა, ზაფხულში სამუშაო ადგილი შეიცვალოს. როგორც „ტუტომერკატოვები“ წერს, დანიელი ფორვარდით თურქული „ფენერბაჰჩე“ დაინტერესებდა. ამ ეტაპზე შესაძლო ტრანსფერთან დაკავშირებით სხვა ინფორმაცია უცნობია.
განვლილ სეზონში დანიელმა „მგლების“ შემადგენლოობაში 36 მატჩი ჩაატარა, რომელშიც 9 გოლი გაიტანა.
კევინ დე ბრუინმა დაადასტურა ინფორმაცია, რომ “მანჩესტერ სიტისთან” “არაფორმალური კონტრაქტი” გააფორმა, მაგრამ ნებისმიერ კლუბთან შეუძლია მოლაპარაკების გამართვა.
22 წლის ნახევარმცველი მიმდინარე სატრანსფერო ფანჯარაზე ყველაზე სასურველია. მისი სეზონური მონაგარი 15 გოლი და 25 ასისტია.
“ბაიერნი” და “პსჟ”-ც ცდილობენ ბელგიელის ხელში ჩაგდებას. ისინი 49 მილიონ ევროს იხდიან. ორმაგად მეტს, რამდენადაც “ვოლფსბურგმა” კევინი “ჩელსიდან” 2014 წლის იანვარში დაიმატა(24 მილიონი).
ბუნდესლიგაში “ვოლფსბურგმა” მეორე ადგილი დაიკავა, მოიგო გერმანიის თასი, რაშიც ლომის წვლილი სწორედ ახალგაზრდა შემტევს მიუძღვის.
“ბრწყინვალე სეზონი იყო. ვფიქრობ, ბოლომდე დავიხარჯე და შედეგიც მივიღე. ყველა ამბობს, რომ “ჩელსიში” ცუდი პერიოდი მქონდა. არა, უბრალოდ იქ არ მიწევდა ხშირად თამაში, წამოვედი და ვარჩიე სტაბილური სათამაშო დრო. მე პროგრესი განვიცადე,”-განაცხადა კევინ დე ბრუინმა.
