ოლივიე ჟირუს საფრანგეთის ეროვნულ ნაკრებში 31 გოლი დაუგროვდა. ზუსტად ამდენივე აქვს გატანილი ზინედინ ზიდანს, რომელსაც ამ შედეგის დასაფიქსირებლად 108 შეხვედრა დასჭირდა. ხოლო, “ჩელსის” თავდამსხმელმა კი თავის 73-ე მატჩში (მაისში, ირლანდიის წინააღმდეგ) შეაგდო 31-ე გოლი. ოლივიე “ზიზუსთან” ერთად ყველა დროის ბომბარდირთა დავაში მეოთხე ადგილს ინაწილებს. მათ მხოლოდ დავიდ ტრეზეგე (34), მიშელ პლატინი (41) და ტიერი ანრი (51) უსწრებენ.
ჟირუმ მიღწევაზე ისაუბრა.
“გავუტოლდი ზიდანს და ეს ის არის, რასაც ვერავინ წამართმევს. ტრეზეგეს სამით მეტი გოლი აქვს გატანილი. მინდა, მას გადავუსწრო და, რაც შეიძლება, მეტი გოლი შევაგდო. პიროვნული გადმოსახედიდან, ეს სრულიად ობიექტური და ამბიციური ნათქვამია,” – ამბობს ლონდონელთა შემტევი.
