ჭდე: Zinedine Zidane

მადრდის “რეალის” მთავარმა მწვრთნელმა ზინედინ ზიდანმა ესპანეთის პრიმერადივიზიონის სატურნირო ცხრილში არსენული მდგომარეობის შესახებ ისაუბრა.

“იმისთვის, რომ ჩემპიონები გავხდეთ, პირველ რიგში, მესამედან მეორე პოზიციაზე უნდა გადავინაცვლოთ. ახლა მხოლოდ “ხეტაფესთან” ჩასატარებელ მატჩზე მსურს საუბარი. ეს გუნდი პრიმერადივიზიონში დარჩენისთვის იბრძვის, ახალი მწვრთნელი ჰყავთ. რთულია ისეთი გუნდების წინააღმდეგ თამაში, რომლებსაც ცხრილში ბოლო ადგილები უკავიათ და ახალი მწვრთნელი ჰყავთ.

“ბარსელონამ” და “ატლეტიკომ” ქულები უნდა დაკარგონ. “რეალს” ახლა კარგი პერიოდი აქვს. გუნდს წარმატებისთვის ყველაფერი გააჩნია, თუმცა ჩემპიონი მხოლოდ ერთი იქნება. “ბარსელონაზე” საუბარი არ მინდა. არ მომწონს ლაპარაკი, როცა მეტოქეს რთული პერიოდი აქვს. მე მხოლოდ ჩემი გუნდი მაინტერესებს”, – ციტირებს ზიდანის სიტყვებს Sport.es

ესპანეთის პრიმერადივიზიონის 31-ე ტურის ცენტრალური მატჩი “ნოუ კამპზე” გაიმართა, სადაც გათამაშების ერთპიროვნულმა ლიდერმა “ბარსელონამ” მადრიდის “რეალი” მიიღო. შეხვედრა “სამეფო კლუბის” გამარჯვებით, ანგარიშით 2:1 დასრულდა.

მადრიდელთა თავკაცი ზინედინ ზიდანი კლუბის ისტორიაში მესამე კაცია, რომელმაც “ნოუ კამპზე” როგორც ფეხბურთელის, ასევე მწვრთნელის რანგში გაიმარჯვა. მანამდე ამ წარმატებას ალფრედო დი სტეფანომ და ვისენტე დელ ბოსკემ მიაღწიეს.

გარდა ამისა, ფრანგი სპეციალისტი “რეალის” მესამე თავკაცია, რომელმაც სამწვრთნელო კარიერაში სტუმრად ჩატარებული პირველი “ელ კლასიკო” გამარჯვებით დაასრულა. მანამდე ეს კარლოშ კეირუშმა (2003 წელი) და ბერნდ შუსტერმა (2007 წელი) შეძლეს.

ესპანეტის პრიმერადივიზიონის 26-ე ტურში მადრიდის “რეალი” თანაქალაქელ “ატლეტიკოსთან” შინ ანგარიშით 0:1 დამარცხდა. “სამეფო კლუბის” მთავარი მწვრთნელი ზინედინ ზიდანი მიიჩნევს, რომ ამ მარცხის შემდეგ მისმა გუნდმა ჩემპიონობის შანსი დაკარგა.

“რეალისთვის” ჩემპიონატი დასრულდა. “ატლეტიკოსთან” შინ დამარცხება ჩვენთვის ძლიერი დარტყმაა. ჩემი ფეხბურთელების მჯერა. მომდევნო სეზონში ყველაფერს შევცვლით. შეშლილი არ ვარ. რთული პერიოდი გვაქვს, თუმცა პროფესიონალებად უნდა დავრჩეთ. ამას არ მოველოდი, ეს პირველი საშინაო მარცხია. მიუხედავად ყველაფრისა, “რეალი” არასდროს არ ნებდება”, – ციტირებს “მარკა” ზიდანის სიტყვებს.

“რეალს” სატურნირო ცხრილში 54 ქულით მესამე პოზიცია უკავია და ლიდერ “ბარსელონას”, რომელსაც ერთით ნაკლები მატჩი აქვს ჩატარებული, 9 ქულით ჩამორჩება.

მადრიდის “რეალის” მთავარმა მწვრთნელმა ზინედინ ზიდანმა განაცხადა, რომ “სამეფო კლუბის” თავკაცის პოსტზე მუშაობით ბედნიერია.

“ბედნიერი ვარ, რომ “რეალს” ვწვრთნი. ვიცი, რომ ეს იოლი საქმე არ არის, თუმცა მე ამ დროისთვის ყველაფრით კმაყოფილი ვარ. მაღალი ხარისხის ფეხბურთის ჩვენება უნდა გავაგრძელოთ. თავჩაუხრელად უნდა ვიმუშაოთ, ვინაიდან შრომა წარმატების გასაღებია”, – ციტირებს ზიდანის სიტყვებს “მარკა”.

შეგახსენებთ, რომ ზინედინ ზიდანი მადრიდის “რეალს” იანვრიდან თავკაცობს.

მადრიდის “რეალმა” გუნდის მთავარ მწვრთნელ ზინედინ ზიდანთან ახალი კონტრაქტი გააფორმა.

შრომითი ხელშეკრულების ვადა იგივე რჩება, თუმცა ფრანგ სპეციალისტს ანაზღაურება გაეზარდა. მხარეებს შორის მოლაპარაკებები დიდხანს არ გაგრძელებულა, ზიდანმა ახალი წინადადება უმალვე მიიღო. ჯერჯერობით არ ხმაურდება 43 წლის სპეციალისტის ჯამაგირის ოდენობა.

შეგახსენებთ, რომ ზინედინ ზიდანი “რეალის” თავკაცის პოსტზე იანვრის დასაწყისიდან მუშაობს.

ესპანეთის პრიმერადივიზიონის 21-ე ტურში მადრიდის “რეალმა” 71-ე წუთზე კარიმ ბენზემას მიერ გატანილი გოლის წყალობით “ბეტისთან” გამართული მატჩის ფრედ (1:1) დასრულება მოახერხა. შეხვედრა “სამეფო კლუბის” მთავარმა მწვრთნელმა ზინედინ ზიდანმა შეაფასა.

“ჩემი გუნდით ვამაყობ. ერთადერთი, რაზეც ვწუხვარ, ის არის, რომ ორი ქულა დავკარგეთ.
სამიდან მხოლოდ ორი ცვლილება გამოვიყენე, ვინაიდან მოედანზე მყოფი ფეხბურთელები ნორმალურად გამოიყურებოდნენ.
ორი ქულის დაკარგვას არ მოველოდი, თუმცა რას იზამ, ეს ფეხბურთია. ასეთი რამ ხდება, როდესაც მომენტებს ვერ იყენებ.
რაც შეეხება ხამეს როდრიგესს, მისი თამაშით კმაყოფილი ვარ”, – ციტირებს ზიდანის სიტყვებს “ასი”.