“თავდაუსხმელობის პაქტის” გამო გრიზმანს “რეალში” გადასვლა არ შეუძლია

პრესაში გავრცელებული ინფორმაციით, მადრიდის “რეალს” “ატლეტიკოს” თავდამსხმელის, ანტუან გრიზმანის გადაბირება სურს, თუმცა თავად ფრანგი ფეხბურთელი ამბობს, რომ “ბლანკოსში” კლუბებს შორის არსებული შეთანხმების გამო ვერ გადავა.

“რეალში” ვერ გადავალ, ვინაიდან კლუბებს შორის “თავდაუსხმელობის პაქტია” გაფორმებული. რაც შეეხება “ბარსელონას”, კატალონიელებთან ამგვარი შეთანხმება არ არსებობს.

“პარი სენ-ჟერმენი” საინტერესო გუნდია, თუმცა იგივეს ვერ ვიტყოდი საფრანგეთის ჩემპიონატზე. მე პრიმერადივიზიონი და პრემიერლიგა მხიბლავს. ჩემი თანაგუნდელები დადებითად ახასიათებენ ამ ლიგებს.

ჩემი მიზანი “ატლეტიკოს” დატოვება არ არის. აქ თავს კარგად ვგრძნობ. ჩვენ გვყავს გუნდი, რომელსაც ბევრის მიღწევა შეუძლია”, – გრიზმანის კომენტარი “მარკამ” გამოაქვეყნა.