ტიმ კეჰილმა სანაკრებო კარიერა დაასრულა

ავსტრალიის ნაკრების ნახევარმცველმა ტიმ კეჰილმა საერთაშორისო კარიერა დაასრულა.

“ავსტრალიის ნაკრებში კარიერას ვასრულებ. სიტყვებით ვერ გადმოვცემ, რას ნიშნავდა, ვყოფილიყავი ჩემი ქვეყნის წარმომადგენელი. მადლობას გიხდით მთელი სანაკრებო კარიერის განმავლობაში ჩემდამი გამოხატული მხარდაჭერისთვის”, – დაწერა საკუთარ მიკრობლოგზე ავსტრალიელმა ფეხბურთელმა.

ტიმ კეჰილი ავსტრალიის ნაკრებში 2004 წლიდან თამაშობდა. 38 წლის ფეხბურთელმა ეროვნული გუნდის რიგებში 107 მატჩი ჩაატარა და 50 გოლი გაიტანა. 2018 წლის მსოფლიოს ჩემპიონატზე მან მხოლოდ ერთ შეხვედრაში ითამაშა (პერუს ნაკრებთან – 0:2).