ვასილი უტკინმა რუსეთში მიმდინარე კონფედერაციათა თასს დასცინა

ცნობილმა რუსმა კომენტატორმა ვასილი უტკინმა რუსეთში მიმდინარე კონფედერაციათა თასის გათამაშებას დასცინა.

კონფედერაციათა თასის ოფიციალურ მიკრობლოგზე გამოქვეყნდა ინფორმაცია, რომ ტურნირის განვლილ 12 მატჩს საერთო ჯამში 449 599 მაყურებელი დაესწრო.

“ეს უფრო ნაკლებია, ვიდრე ტვიტერზე ჩემი მიმდევრების რაოდენობა”, – დაწერა უტკინმა.

შეგახსენებთ, რომ კონფედერაციათა თასის წლევანდელ გათამაშებაზე ყველაზე პატარა სტადიონი სოჭის “ფიშტი” გახლავთ, რომელზეც 40 ათასი მაყურებელი ეტევა. ყველაზე დიდი სტადიონი სანქტ-პეტერბურგში მდებარე არენაა, რომელიც თითქმის 68 ათას მაყურებელს იტევს.