ზიდანი: “თუ პოგბას “რეალში” თამაში უნდა, რატომ არ უნდა გადმოვიდეს?!”

მადრიდის “რეალის” მთავარმა მწვრთნელმა ზინედინ ზიდანმა “მანჩესტერ იუნაიტედის” ნახევარმცველ პოლ პოგბას შესახებ ისაუბრა და არ გამორიცხა, რომ 26 წლის ფრანგი ფეხბურთელი “ოლდ ტრაფორდიდან” სწორედ “სამეფო კლუბში” გადაბარგდეს.

“ახალს ვერაფერს ვიტყვი, პოგბა ძალიან მომწონს. მე მას პირადად ვიცნობ. პოგბა განსხვავებული ტიპის ფეხბურთელია. ის მოედანზე დიდ სამუშაოს ასრულებს და ამ მხრივ მას მხოლოდ რამდენიმე მოთამაშე თუ შეედრება. პოგბა არის ნახევარმცველი, რომელმაც დაცვაც იცის და შეტევაც.

პოგბა ჩემს გუნდში არ თამაშობს, ის “მანჩესტერ იუნაიტედის” ღირსებას იცავს, მაგრამ თუ “რეალში” გადმოსვლის სურვილი აქვს, რატომაც არ უნდა გადმოვიდეს?!” – ციტირებს ზიდანის სიტყვებს “ასი”.

ცნობისათვის, პოლ პოგბასა და “მანჩესტერ იუნაიტედს” შორის გაფორმებულ შრომით ხელშეკრულებას ვადა 2021 წლის ზაფხულამდე აქვს.