“რეალი” ალონსოს “2+1″ სქემიან კონტრაქტს სთავაზობს
მადრიდის “რეალი” მომდევნო კვირაში ნახევარმცველ ჩაბი ალონსოსთან მოქმედი ხელშეკრულების გახანგრძლივებასთან დაკავშირებით კონკრეტულ მოლაპარაკებებს დაიწყებს.
ABC-ს ცნობით, მადრიდული კლუბი ფეხბურთელს “2+1″ სქემიან კონტრაქტზე ხელის მოწერას სთავაზობს.
გარდა ამისა, კლუბის პრეზიდენტი ფლორენტინო პერესი მზადაა, ჩაბი ალონსოს დაჰპირდეს, რომ თუ ეს უკანასკნელი სხვა გუნდისგან უკეთეს შეთავაზებას მიიღებს, მაშინ “რეალი” მისი გაყიდვის წინააღმდეგი არ იქნება.
ზემოთნახსენები გამოცემის ინფორმაციით, ალონსო მზადაა, “რეალში” დარჩეს, თუმცა ეჭვი ეპარება იმაში, რომ მომდევნო ორი წლის განმავლობაში კვლავ უმაღლეს დონეზე მოახერხებს თამაშს, რადგან ტრავმის შემდეგ გარკვეულ პრობლემას განიცდის.
აქვე, “რეალის” ხელმძღვანელობამ 32 წლის ფეხბურთელს უკვე აცნობა, რომ დაზიანების შემდეგ, მისი გამოჯანმრთელების პროცესით კმაყოფილია.
