მესი: „კარიერის დასრულებას „ბარსელონაში“ ვაპირებ“

„ბარსელონას“ თავდამსხმელმა ლიონელ მესიმ „ოსასუნას“ წინააღმდეგ გამართული მატჩის (7:0) შემდეგ, უარყო მისი გუნდიდან შესაძლო აბარგების შესახებ გავრცელებული ჭორები.

„აქ ძალიან ბედნიერი ვარ. „ბარსელონადან“ წასვლის შემდეგ პენსიაზე გავალ“, – მესის სიტყვებს „მუნდო დეპორტივო“ ციტირებს.

შეგახსენებთ, რომ „ოსასუნას“ წინააღმდეგ გამართულ შეხვედრაში არგენტინელმა თავდამსხმელმა ჰეთ-თრიკი გაიფორმა და ოფიციალურ და არაოფიციალურ მატჩებში ერთად გატანილი გოლების რაოდენობით კლუბის საუკეთესო ბომბარდირი გახდა.

„მშვენიერია, როცა ასეთი დიდებული კლუბის ისტორიაში ხვდები. ძალიან მახარებს ეს რეკორდი“, – გამოტყდა მესი.

„ბარსელონა“ ესპანეთის ჩემპიონატის მორიგ მატჩს ერთი კვირის თავზე, „სანტიაგო ბერნაბეუზე“ გამართავს.

„რეალის“ წინააღმდეგ რთული შეხვედრა გველის. ვეცდებით, რომ გავიმარჯვოთ და ჩემპიონობისთვის ვიბრძოლოთ“, – დაასრულა კატალონიელთა არგენტინელმა ლიდერმა.

ბექა დოგრაშვილი